بۇگىن اقوردادا قازاقستان پرەزيدەنتى نۇرسۇلتان نازارباەۆ پەن يران يسلام رەسپۋبليكاسىنىڭ پرەزيدەنتى حاسان رۋحاني اراسىنداعى كەلىسسوزدەردەن كەيىن بىرقاتار قۇجاتتار راسىمدەلدى, دەپ حابارلايدى قازاقپارات.
اتاپ ايتقاندا, قر پرەمەر-ءمينيسترىنىڭ ورىنباسارى اۋىل شارۋاشىلىعى ءمينيسترى اسقار مىرزاحمەتوۆ پەن يران اۋىل شارۋاشىلىعى ءمينيسترى ماحمۋد حودجاتي ەكى ەل ۇكىمەتتەرى اراسىندا ۆەتەريناريا جانە جانۋارلار دەنساۋلىعىن قورعاۋ سالاسىنداعى ىنتىماقتاستىق تۋرالى كەلىسىمگە, قر ينەستيتسيالار جانە دامۋ ءمينيسترى جەڭىس قاسىمبەك پەن يران قۇرىلىس جانە جول شارۋاشىلىعى ۆيتسە-ءمينيسترى موحاماد سايد نەجاد ەكى ەل ۇكىمەتتەرى اراسىندا ساۋدا ماقساتىندا تەڭىز كەمە قاتىناسى سالاسىنداعى ىنتىماقتاستىق تۋرالى كەلىسىمگە, قر ينەستيتسيالار جانە دامۋ ءمينيسترى جەڭىس قاسىمبەك پەن يران پرەزيدەنتىنىڭ ورىنباسارى, مادەني مۇرا, قولونەر جانە تۋريزم ۇيىمىنىڭ ءتورايىمى زاحرا احماديپۋر ءوزارا توپتىق تۋريستىك ساپارلاردى جەڭىلدەتۋ تۋرالى ۆەدومستۆوارالىق مەموراندۋمعا, قر ۇلتتىق بانكىنىڭ توراعاسى دانيار اقىشەۆ پەن يران ورتالىق بانكىنىڭ توراعاسى ۆاليۋللا سەيف قر ۇلتتىق بانكى مەن ير ورتالىق بانكى اراسىندا ەكىجاقتى ساۋدانى ۇيىمداستىرۋعا جاردەمدەسۋ جونىندەگى مەموراندۋمعا, قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مەن يران سىرتقى ىستەر ءمينيسترى موحامماد زاريف ەڭبەك جانە الەۋمەتتىك قامسىزداندىرۋ سالاسىنداعى ىنتىماقتاستىق تۋرالى ۆەدومستۆوارالىق كەلىسىمگە قول قويدى.