سەيسەنبى كۇنى مەحيكو شتاتىنداعى سان-پابليتو پيروتەحنيكا بازارىنداعى جارىلىس 30 مىڭنان استام جەرگىلىكتى تۇرعىندى جۇمىسسىز قالدىردى.
بۇل تۋرالى مۋنيتسيپاليتەت باسشىسى تۋلتەپەك ارماندو پورتۋگەس فۋەنتەس ءمالىم ەتتى, دەپ حابارلادى تاسس اگەنتتىگى.
ونىڭ ايتۋىنشا, ماتەريالدىق شىعىن 35 ملن پەسودان اسادى ($1,7 ملن استام).
«ساۋداگەرلەر جۇمىسسىز قالدى, جەرگىلىكتى تۇرعىنداردىڭ باسىم بولىگىنىڭ كۇنكورىسى دە سان-پابليتو بازارىمەن بايلانىستى ەدى», - دەدى فۋەنتەس ءباسپاسوز ءماسليحاتىندا.
بازاردا تۋلتەپەكتە وندىرىلگەن پيروتەحنيكالاردى ساتاتىن 300-گە جۋىق دۇڭگىرشەك پەن پاۆيلوندار بولعان. اپات 32 ادامنىڭ ءومىرىن جالمادى, ونداعان ادام زارداپ شەكتى.