ەرتەڭ الماتىداعى «الاتاۋ» شاڭعى-بياتلون كەشەنىندە شاڭعى سپورتى مەن بياتلوننان قازاقستان كۋبوگى ءۇشىن اشىق جارىس باستالادى. جەلتوقساننىڭ 27-ىنە دەيىن سوزىلاتىن بۇل سايىستا ەرلەر, ءجاسوسپىرىم قىزدار مەن ۇلدار جارىس جولىنا شىعادى.
جارىستى الماتى قالالىق دەنە شىنىقتىرۋ جانە سپورت باسقارماسى, قازاقستان ۇلتتىق شتاتتىق كوماندالار جانە سپورت رەزەرۆى ديرەكتسياسى, شاڭعى ۇلتتىق فەدەراتسياسى جانە XXVIII دۇنيەجۇزىلىك قىسقى ۋنيۆەرسيادا ديرەكتسياسى ۇيىمداستىردى.
كۋبوك سايىسىنا ەلىمىزدىڭ اقتوبە, شىعىس قازاقستان, باتىس قازاقستان, قاراعاندى, قوستاناي, پاۆلودار, ءسولتۇستىك قازاقستان وبلىستارىنان, استانا جانە الماتى قالالارىنان كەلگەن سپورتشىلار قاتىسادى.
جارىس حالىقارالىق شاڭعى فەدەراتسياسىنىڭ (FIS) كۇن تارتىبىنە ەنگىزىلگەن. ەلىشىلىك جارىستىڭ باستى ماقساتى قاڭتار ايىندا الاتاۋ باۋرايىندا الاۋى تۇتاناتىن قىسقى ستۋدەنتتىك ويىندارى قارساڭىندا بارلىق فۋنكتسيالىق باعىتتاردى تەكسەرۋ بولىپ وتىر.
جارىستا بياتلون سايىسى بىلىكتىلىك, سپرينت, پۋرسيت, ەستافەتا تۇرلەرىندە, ال شاڭعىشىلار سايىسى جەكە كۇش سىناسۋ, ىزبە-ءىز قۋالاۋ, سپرينت تۇرلەرىندە باسەكەگە قىزدىرادى.