قازاقستان قۇراماسى سپورتشىلارىنىڭ ۋنيۆەرسيادا-2017 قىسقى ويىندارىنداعى كيىم ۇلگىلەرى انىقتالدى.
بايقاۋ كوميسسياسىنىڭ قاراۋىنا نەگىزىنەن ەكى جۇمىس كەلىپ تۇسكەن. سولاردىڭ اراسىنان ۇزدىگى تاڭداپ الىنعان. بۇل تۋرالى Z Industries كومپانياسىنىڭ وكىلى دانيار تەباەۆ ايتىپ بەردى. ونىڭ ايتۋىنشا, بايقاۋدا ستۋدەنتتەر مەن وقۋشىلار باقتارىن سىناعان. جەڭىمپازعا قۇراما كيەتىن كيىم سىيعا تارتىلادى.
– 250 جيناق كيىم تىگەمىز. ماتەريالدىڭ ساپاسى بارلىق تالاپقا ساي, ايازعا ءتوزىمدى بولادى. جەڭىمپازدىڭ كيىم ۇلگىسىندە كوك, كوكشىل جانە اق ءتۇس بار, – دەدى Z Industries كومپانياسىنىڭ وكىلى.