بۇگىندە «KEGOC» اق ەنەرگەتيكتەرى بارشا قازاقستاندىقتارمەن بىرگە ەل تاۋەلسىزدىگىنىڭ 25 جىلدىق مەرەيتويىن اتاپ وتۋدە. وسىناۋ مەرەيلى كۇنگە كومپانيا قانداي جەتىستىكتەردى تارتۋ ەتكەندىگى جايىندا KEGOC كومپانياسىنىڭ باسقارما توراعاسى باقىتجان قاجيەۆپەن اڭگىمەلەسكەن ەدىك.
– مەرەيتويلى جىلدى تابىسپەن وتكەرىپ وتىرمىز جانە وتانداستارىمىزبەن بولىسەتىن ىلكىمدى ىستەرىمىز دە از ەمەس. وزدەرىڭىزگە ءمالىم, وسى جىلدىڭ 6 جەلتوقسانىندا جالپىۇلتتىق تەلەكوپىر بارىسىندا ەل پرەزيدەنتى نۇرسۇلتان ءابىش ۇلى نازارباەۆ «جوعارى ءۆولتتى 500 كۆ سولتۇستىك – شىعىس – وڭتۇستىك ءترانزيتىن سالۋ» (شىعىس ءترانزيتى اتالعان) ينۆەستيتسيالىق جوباسىنىڭ ءبىرىنشى كەزەڭىن پايدالانۋعا بەرۋگە رۇقسات ەتتى. اتالعان جوبا اياسىندا 500 جوعارى ءۆولتتى جانە جالپى ۇزىندىعى 700 شاقىرىم بولاتىن 220 كۆ ەكىباستۇز – سەمەي – وسكەمەن جەلىلەرى, سونداي-اق, 500 كۆ سەمەي» قوسالقى ستانساسى ىسكە قوسىلدى. سونىمەن قاتار, قولدانىستاعى ەكىباستۇز, وسكەمەن قوسالقى ستانسالارىن, ءشۇلبى سەس-ءىن كەڭەيتۋ بويىنشا اۋقىمدى جۇمىستار اتقارىلدى.
قۇرىلىس بارىسىندا جاڭا تەحنولوگيالار مەن ەلەكتر ەنەرگەتيكاسىنداعى ەڭ زاماناۋي جاڭا قۇرال-جابدىقتاردىڭ قولدانىلعانىن اتاپ وتكىم كەلەدى. ماسەلەن, 500 كۆ جوعارى ءۆولتتى جەلىدە تالشىقتى سىممەن جاسالعان جاۋىن-شاشىنعا ءتوزىمدى مىس قولدانىلدى. «سەمەي» 500 كۆ قوسالقى ستانساسىندا ءبىر فازانى اتقاراتىن 500 كۆ باسقارىلاتىن رەاكتور ورناتىلدى. ول بولسا, اۆتوماتتى تۇردە قاجەتتى قۋات دەڭگەيىن ۇستاپ تۇرادى, سول ارقىلى بەرىلەتىن ەلەكتر ەنەرگياسىنىڭ ساپاسىن ارتتىرادى.
«سەمەي» قوسالقى ستانساسى الەمنىڭ الدىڭعى قاتارلى قۇرالدارىمەن جابدىقتالعان. بۇل ەلەكترگازدىق قوسىلعىشتار, كوممۋتاتسيوندىق قۇرىلعىلار, شاعىن پروتسەسسورلى رەلەلىك قورعانىس قۇرىلعىلار. ال قوسالقى ستانسانى باقىلاۋ جانە باسقارۋ جۇيەسى حالىقارالىق ەلەكتر-تەحنيكالىق كوميسسياسىنىڭ (IEC) ستاندارتىنا سايكەس جاسالعان.
2014 جىلى مەملەكەت باسشىسى جالپىۇلتتىق تەلەكوپىر بارىسىندا بۇل جوعارى ءۆولتتى جەلىلەردىڭ قۇرىلىسىن باستاۋعا دا رۇقساتىن بەرگەن بولاتىن. «نۇرلى جول» ينفراقۇرىلىمدى دامىتۋ مەملەكەتتىك باعدارلاماسى شەڭبەرىنە ەنگەن ءبىزدىڭ جوبامىز مەملەكەت باسشىسىنىڭ باستى نازارىندا. بيىلعى جىلدىڭ اقپانىنداعى ۇكىمەتتىڭ كەڭەيتىلگەن وتىرىسىندا ەل پرەزيدەنتى ن.نازارباەۆ جوعارى ءۆولتتى 500 كۆ سولتۇستىك – شىعىس – وڭتۇستىك ترانزيتى قۇرىلىسىن جەدەلدەتىپ اياقتاۋدى تاپسىرعان بولاتىن.
ەكى جىلدان اسقان مەرزىمدە, جوسپارلانعان ۋاقىتىنان ءبىر جىل ەرتە «ەكىباستۇز – شۇباركول سەس (سەمەي) – وسكەمەن 500 كۆ جەلى» قۇرىلىسىن اياقتادىق. بارلىق مەردىگەرلىك جۇمىستاردى وتاندىق كومپانيالار اتقاردى.
– بۇل جوبا ەلىمىز ءۇشىن, سونىڭ ىشىندە, شىعىس ايماعى ءۇشىن قانداي ماڭىزعا يە؟ جالپى, قازاقستانداعى ەلەكتر ينفراقۇرىلىمىن دامىتۋدىڭ كەلەشەگى قانداي؟
– ەڭ الدىمەن, قازاقستانداعى ەلەكتر جەلىلەرى ينفراقۇرىلىمىنىڭ باسىم بولىگى كەڭەستىك كەزەڭ جىلدارىندا سالىنعانىن ەسكە سالا كەتكىم كەلەدى. سوندىقتان تاۋەلسىزدىك العان تۇستا ەلىمىزدىڭ ەنەرگيا جۇيەسى ءبىر-بىرىنەن وقشاۋلانعان 4 بولىكتەن تۇردى: سولتۇستىك, وڭتۇستىك, باتىس بولىگى جانە اقتوبە ەنەرگيا تورابى.
«KEGOC» اق باستى مىندەتتەرىنىڭ ءبىرى – ورتالىق ازيا جانە رەسەي فەدەراتسياسىنىڭ بىرلەسكەن ەنەرگەتيكالىق جۇيەسىمەن جۇمىستى قاتار ۇيىمداستىرۋ ارقىلى سولتۇستىك جانە وڭتۇستىك بولىكتەردى قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنە (بەج) بىرىكتىرۋ بولدى.
اتالعان مىندەت اياسىندا قولدانىستاعى 500 كۆ ءترانزيتىنىڭ 500 كۆ سولتۇستىك – وڭتۇستىك ايماقتارى قازاقستاننىڭ بەج-گە بىرىكتىرىلدى, سودان سوڭ 500 كۆ قازاقستاننىڭ سولتۇستىك – وڭتۇستىگى ءترانزيتى ەلەكتر تاسىمالداۋىنىڭ ەكىنشى جەلىسى سالىندى. وسىنىڭ ەسەبىنەن سولتۇستىك – وڭتۇستىك باعىتىندا ەلەكتر ەنەرگياسىن وتكىزۋ قابىلەتى 4,5 ملرد كۆت ساعاتتان 7-7,5 ملرد كۆت ساعاتقا دەيىن ۇلعايدى. اقتوبە ەنەرگيا تورابى جەلىسىن قازاقستاننىڭ بەج-گە قوسۋ ماقساتىندا 500 كۆ جىتىقارا – ولكە ەلەكتر جەتكىزۋ جەلىسى قۇرىلىسىنىڭ جوباسى ىسكە اسىرىلدى.
قازىر بۇل جوبالاردىڭ قاتارىن 500 كۆ جوعارى ءۆولتتى جەلى ەكىباستۇز – ءشۇلبى سەس (سەمەي) – وسكەمەن تولىقتىردى. ونى پايدالانۋعا بەرۋ ارقىلى ايماقتىڭ ودان ءارى ەكونوميكالىق دامۋىنىڭ العىشارتتارى جاسالدى. سونىمەن بىرگە, شىعىس ايماعىنىڭ تۇتىنۋشىلارى بۇگىنگى تاڭداعى ايماقتى رەسەيدىڭ ەنەرگيا جۇيەسىمەن بايلانىستىراتىن جەلىلەردىڭ جاعدايىنا قاراماستان, ەلەكتر ەنەرگياسىمەن قامتاماسىز ەتىلەدى, بۇل بولسا, ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋدە زور ماڭىزعا يە.
ءبىز 500 كۆ ءشۇلبى سەس (سەمەي) – اقتوعاي – تالدىقورعان – الما ءاج باعىتىنداعى جوبانىڭ ەكىنشى كەزەڭىنىڭ قۇرىلىسىن كەستەگە سايكەس جالعاستىرامىز. وسى جوبانىڭ اياقتالۋى بىرقاتار مىندەتتەردى شەشۋگە مۇمكىندىك بەرەدى – قازاقستان بەج-ءنىڭ شىعىس وڭىرىمەن بايلانىسىن نىعايتۋ, سولتۇستىك – وڭتۇستىك ءترانزيتىن نىعايتۋ, شىعىس ءوڭىرى وزەندەرىنىڭ گيدرو الەۋەتىن يگەرۋ ءۇشىن جاعداي تۋعىزۋ, جاڭارتىلاتىن ەنەرگيا كوزدەرىن دامىتۋ. سونىمەن قاتار, 500 كۆ «اقتوعاي» جاڭا قوسالقى ستانساسى ارقىلى تاۋ-كەن ونەركاسىبىنىڭ كەلەشەكتەگى قاجەتتىلىگىنە ساي ەلەكتر ەنەرگياسىمەن قامتاماسىز ەتىلەتىن بولادى. سونىمەن قاتار, اقتوعاي – الماتى, اقتوعاي – دوستىق, اقتوعاي – مويىنتى باعىتتارى بويىنشا تەمىر جول ۋچاسكەلەرىن ەلەكترلەندىرۋ ءۇشىن جاعداي جاسالادى.
بۇگىنگى تاڭدا KEGOC پايدالانۋدىڭ ۇزاق مەرزىمى ناتيجەسىندە ايتارلىقتاي توزعان ۇلتتىق ەلەكتر جەلىسىنىڭ قولدانىستاعى جەلىلەرىن قايتا قالپىنا كەلتىرۋدى قاراستىراتىن ءىرى جوبانى جۇزەگە اسىرۋعا كىرىسەدى. تولىقتاي العاندا, 2025 جىلعا دەيىنگى «KEGOC» اق ۇزاق مەرزىمدى دامۋ ستراتەگياسى جاڭا جوبالاردى جۇزەگە اسىرۋ ارقىلى ۇلتتىق ەلەكتر تورابىن (ۇەت) دامىتۋدى قاراستىرادى, ونىڭ ىشىندە, سونىمەن قاتار, باتىس ايماعىن قازاقستان رەسپۋبليكاسىنىڭ ءبىرتۇتاس ەلەكتر جۇيەسىمەن بىرىكتىرۋ جانە باسقا باعىتتارى دا قاراستىرىلعان. اتالعان جوسپارلاردى جۇزەگە اسىرۋ قاجەتتىلىگى وتكىزۋ مەن ۇەت مەملەكەتارالىق ترانزيتتىك الەۋەتتى ارتتىرۋ قاجەتتىلىگىنەن تۇراتىن ەلەكتردى تۇتىنۋ مەن ءوندىرۋدى ارتتىرۋ بولاشاعىنا بايلانىستى.
بۇل رەتتە, كورسەتىلگەن باعىتتار بويىنشا ەلەكتر ەنەرگياسىن بەرۋ باعىتتارىنىڭ ايتارلىقتاي ارا قاشىقتىقتارىن ەسەپكە الا وتىرىپ, ءبىز تۇراقتى توق ەلەكتر جەتكىزۋ (تەج) جەلىلەرىنىڭ قۇرىلىسىن سالۋ بولاشاعىن قاراستىرامىز. اتالعان 800 شاقىرىمنان استام تەج كەزىندە اۋىسپالى توقتىڭ ءداستۇرلى جەلىلەرىنىڭ الدىندا باسىمدىققا يە, سول ارقىلى ايتارلىقتاي اراقاشىقتىققا قۋاتتىلىقتىڭ ۇلكەن كولەمىن بەرۋ ءمۇمكىندىگىنە يە بولادى.
تۇراقتى توقتى بەرۋ تەحنولوگياسى قازاقستان ءۇشىن جاڭاشىلدىق بولىپ تابىلادى, بىراق الەمدە مۇنداي جوبالار تابىستى تۇردە جۇزەگە اسىرىلۋدا (قىتايدا, ءۇندىستاندا, برازيليادا جانە ت.ب.). تۇراقتى توقتىڭ دەپ قۇرىلىسى ۇزاق مەرزىمدى بولاشاقتا ەۋروپاعا, ۇندىستانعا جانە ت.ب. قىسقا جول رەتىندەگى قازاقستاننىڭ ترانزيتتىك جانە ەكسپورتتىق مۇمكىندىكتەرىن جۇزەگە اسىرۋ ءۇشىن جاڭا مۇمكىندىكتەر اشادى.
جاڭا جوعارى ءۆولتتى جەلى قۇرىلىسىن سالۋمەن قاتار KEGOC ۇەت يننوۆاتسيالىق دامىتۋ مەن ەلەكتر جەلى اكتيۆتەرىن جاڭعىرتۋ بويىنشا جۇيەلى جۇمىستار جۇرگىزەدى. ناتيجەسىندە ءبىز جوعارى ءۆولتتى جابدىقتىڭ تەحنيكالىق جانە ەكونوميكالىق قاۋىپسىزدىگىن ارتتىرۋعا, پايدالانۋ شىعىندارىن تومەندەتۋگە قول جەتكىزدىك, ال ۇەت جاڭعىرتۋ جوباسىن جۇزەگە اسىرۋ ناتيجەسىندە تەحنولوگيالىق بۇزىلۋلار 3 ەسەگە دەيىن تومەندەتىلدى.
قازاقستاننىڭ بەج-ءىن دامىتۋ باعىتىنىڭ بىرىندەگى ۇزاق مەرزىمدى جوسپاردا Smart Grid اتالعان تەحنولوگياسىن قولدانۋ بولىپ تابىلادى, ول زياتكەرلىك ەنەرگيا جۇيەسىن قۇرۋدى ماقسات تۇتادى. ونى دامىتۋدىڭ ماڭىزدى اسپەكتىسىنىڭ ءبىرى – بارلىق ەنەرگيا جۇيەسىنىڭ سەكتورلارىن جاڭعىرتۋ نەگىزىندە تەحنولوگيالىق ءبازيسىن قالىپتاستىرۋ بولماق. وسىعان بايلانىستى «KEGOC» اق ۇەت كەلەشەكتە دامىتۋ شەڭبەرىندە بەلسەندى-بەيىمدى جەلى (اانەس) قۇرۋعا باسىمدىق بەرگەن. ول قازاقستاننىڭ زياتكەرلىك ەنەرگيا جۇيەسىنىڭ وزەگىنە اينالۋى ءتيىس.
قازىرگى تاڭدا زياتكەرلىك ەنەرگيا جۇيەسىنىڭ ەلەمەنتتەرى ۇەت جوبالارىن جۇزەگە اسىرۋدا كومپانيادا دەندەپ ەنگىزىلۋدە. اتاپ ايتقاندا, بۇل – رەلەلىك قورعانىستى قۇرالدىڭ ميكروپروتسەسسورلى قۇرىلعىسى جانە اۆتوماتيكاسى (رقا), ديسپەتچەرلىك جانە تەحنولوگيالىق باسقارۋ جۇيەسى (SCADA), رەاكتورلاردى, فازا اينالاتىن ترانسفورماتورلار باسقارىلاتىن ەلەكتر ەنەرگيانى كوممەرتسيالىق ەسەپتەۋدىڭ اۆتوماتتى جۇيەسى (اسكۋە).
كەلەشەكتەگى ەنەرگيا جۇيەلەرىنىڭ نەگىزگى ەلەمەنتتەرىنىڭ ءبىرى – تەحنولوگيانىڭ دامۋى ناتيجەسىندە باعاسى ارزانداي تۇسەتىن ەلەكتر ەنەرگياسىن شوعىرلاندىرۋدىڭ وندىرىستىك جۇيەسى بولىپ تابىلادى. ەلەكتر ەنەرگياسىن شوعىرلاندىرۋدىڭ وندىرىستىك جۇيەسىن قولدانىسقا ەنگىزۋ قازاقستان بەج-ءى قۋاتىنىڭ تەڭگەرىمىن ءتيىمدى رەتتەۋگە, سونىڭ ىشىندە جاڭارتىلاتىن ەنەرگيا كوزدەرىنىڭ تۇراقسىز ءوندىرىسىن رەزەرۆتە ساقتاۋعا, سونىمەن قاتار, ءوز كەزەگىندە جەلىلەردەگى اعىمداردى جانە شىعىنداردى ازايتۋدى وڭتايلاندىرۋدا قاجەتتىلىگىنە قاراي ەڭ جوعارى جۇكتەمەسىنىڭ بولىگىن جابۋعا مۇمكىندىك بەرەدى.
زياتكەرلىك ەنەرگيا جۇيەسىن جۇزەگە اسىرۋ تاپسىرماسى وندىرۋدەن باستاپ سوڭعى تۇتىنۋشىعا دەيىنگى بارلىق ءتىزبەك بويىنشا ەنەرگيا جۇيەسىن جاڭعىرتۋسىز ىسكە اسپايتىنىن اتاپ ءوتۋ قاجەت. توزۋدىڭ جوعارى دەڭگەيىن جانە تەحنيكالىق جابدىقتاۋدىڭ تومەنگى دەڭگەيىن سيپاتتايتىن تاراتۋ ەلەكتر جەلىلەرىن دامىتۋ ماڭىزدى فاكتور بولىپ تابىلادى. تاراتۋ جەلىلەرىن جاڭعىتۋ جانە دامىتۋ بارىسىندا قۇرعالى وتىرعان زياتكەرلىك ەنەرگيا جۇيەسىندەگى تاراتۋ جەلىلەرىن بىرىكتىرۋ ءۇشىن بارلىق جاعدايدى تۋدىراتىن جاڭا قۇرىلعىلار مەن تەحنولوگيالاردى قولدانۋدى قاراستىرۋ قاجەتتىلىگىن ۇسىنادى.
– باقىتجان تولەۋقاجى ۇلى, جاقىن ارادا ەلىمىزدىڭ مەملەكەتتىك دەڭگەيدەگى مەرەيتويىن شىعارىپ سالعالى وتىرمىز, جالپى ءسىزدىڭ كومپانياڭىز ءۇشىن ناتيجەلەرى قانداي بولدى؟
– جوعارىدا اتاپ وتكەنىمدەي, بيىلعى جىلداعى كومپانيا جۇمىسىنىڭ ناتيجەسى «سولتۇستىك – شىعىس – وڭتۇستىك 500 كۆ ءاج سالۋ» جوباسىنىڭ ءبىرىنشى كەزەڭىن مەرزىمىنەن بۇرىن ءساتتى اياقتاۋ ماڭىزدى بولدى – بۇل, شىنىمەن دە, اۋقىمدى وقيعا, وراسان زور جۇمىستاردى ىسكە اسىردىق, الداعى ەكى جىلدا ەكىنشى كەزەڭدى اياقتاۋعا بارلىق كۇش-قۋاتىمىزدى سالاتىن بولامىز.
جالپى, بيىلعى جىلدى كومپانيامىز جاقسى قارجىلىق كورسەتكىشتەرمەن اياقتاعالى وتىر. 2016 جىلدىڭ 9 اي كولەمىندە 22,4 ملرد تەڭگە سوماسىنداعى تازا تابىسقا قول جەتكىزدى جانە بيىلعى جىلدىڭ قورىتىندىسى بويىنشا دا جاعىمدى ناتيجەلەردى كۇتەمىز. البەتتە, 37 مىڭنان استام مينوريتارلىق اكتسيونەر ءۇشىن دە جاعىمدى جاڭالىققا تولى بولدى. بيىل ولارعا ءبىرىنشى جارتى جىلدىق ءناتيجەلەرى بويىنشا ءبىر اكتسيا ءۇشىن 24,93 تەڭگە نەمەسە جالپى قۇنى 6,5 ملرد تەڭگە بولاتىن ديۆيدەندتەر تولەندى.
ءبىزدىڭ اكتسيونەرلەرىمىز وسىدان ەكى جىل بۇرىن «KEGOC» اق اكتسيالارىنا تاڭداۋ جاساعانى ءۇشىن وكىنبەيدى دەپ ويلايمىن. بۇگىنگى تاڭدا قازاقستان قور نارىعىنداعى كومپانيا اكتسيالارى جوعارى دەڭگەيدەگى وتىمدىلىككە يە, ءبىر اكتسيانىڭ ورتاشا قۇنى 1000 تەڭگەدەن جوعارى «شەكارانى» اتاپ ءوتتى. ءبىز بۇدان بىلاي دا كومپانيامىز ءۇشىن ءوز قاراجاتتارىمەن «داۋىس بەرگەن» قازاقستاندىقتاردىڭ سەنىمىن جوعالتپاس ءۇشىن قولىمىزدان كەلگەنشە ەڭبەكتەنەتىن بولامىز. مەنىڭ ويىمشا, حالىق كومپانيا ۇجىمىنىڭ قالاي جۇمىس ىستەيتىنىنە كۋا.
2016 جىلعى قورىتىندىلارى بويىنشا كورسەتكىشتەرگە كەلەتىن بولساق, 2015 جىلمەن سالىستىرعاندا رەسپۋبليكا كولەمىندەگى تۇتىنۋ 1,0 ملرد كۆت ساعات شاماسىندا ارتادى دەپ كۇتىلۋدە نەمەسە 1,1%-دان 91,9 ملرد كۆت ساعات دەيىن. ەلەكتر ەنەرگياسىنىڭ ءوندىرىسى 93,6 ملرد كۆت ساعات نەمەسە 2,8 ملرد كۆت ساعات (+3,1%) كۇتىلۋدە, بۇل 2015 جىلعى كورسەتكىشتەرگە قاراعاندا جوعارى. جىل قورىتىندىسى بويىنشا 2015 جىلمەن سالىستىرعاندا 1,2 ملرد كۆت ساعاتقا وسىرە وتىرىپ, 39,1 ملرد كۆت ساعات كولەمىندە ۇەت بويىنشا ەلەكتر ەنەرگياسىن جەتكىزۋ, 84,7 ملرد كۆت ساعات ء(وسىمى 1,9 ملرد كۆت ساعات) كولەمىندە ەلەكتر ەنەرگياسىن جەلىگە بوساتۋ مەن تۇتىنۋدى تەحنيكالىق ديسپەتچەرلەندىرۋ جانە 160 ملرد كۆت ساعات ء(وسىمى 3,0 ملرد كۆت ساعات) كولەمىندە ەلەكتر ەنەرگياسىن ءوندىرۋ-تۇتىنۋدى تەڭگەرىمدەۋدى ۇيىمداستىرۋ بويىنشا قىزمەت كورسەتۋدى جوسپارلاپ وتىرمىز.
– كومپانيا ۇجىمىنىڭ وراسان زور جەتىستىكتەرگە قول جەتكىزۋىنىڭ سىرى نەدە جاتىر؟
– «KEGOC» اق ءوز قىزمەتىن الەۋمەتتىك جاۋاپكەرشىلىك ستراتەگياسى قاعيدالارىنا ساي قۇراتىن كومپانيالار قاتارىنا جاتادى. بۇعان «سەنىم» جانە «التىن» سىندى رەسپۋبليكالىق بايقاۋلاردا بىرنەشە مارتە جەڭىمپاز بولۋىمىز دالەل بولادى دەپ ويلايمىن.
بيىلعى جىلدىڭ ماۋسىم ايىندا «TÜV NORD Cert» (فرگ) سەرتيفيكاتتاۋ جونىندەگى مەكەمە ساپا مەنەدجمەنتى جۇيەسى (ISO 9001), ەكولوگيالىق مەنەدجمەنت جۇيەسى (ISO 14001), كاسىبي قاۋىپسىزدىك جانە دەنساۋلىقتى ساقتاۋ مەنەدجمەنت جۇيەسى (OHSAS 18001), اقپاراتتىق قاۋىپسىزدىكتى باسقارۋ جۇيەسى (ISو/IEC 27001) سالاسىنداعى حالىقارالىق ستاندارتتار تالابىنا «KEGOC» اق بىرىكتىرىلگەن مەنەدجمەنت جۇيەسىنىڭ سايكەستىگىن بەكىتتى. بۇل ماماندار ءۇشىن قاۋىپسىز ەڭبەك جاعدايى جاسالعان, جاراقاتتاردىڭ جانە دەنساۋلىقتىڭ ناشارلاۋىنىڭ الدىن الۋ, سونداي-اق قورشاعان ورتاعا اسەر ازايتۋدى سىندى ماسەلەلەردى نازاردا ۇستاي وتىرىپ, جوعارى قىزمەت كورسەتۋ ساپاسىنا كەپىلدىك بەرەتىن كومپانيانىڭ سەنىمدىلىگىنە دالەل بولا الادى.
KEGOC الەمدەگى ەڭ اۋقىمدى بيزنەستىڭ الەۋمەتتىك جاۋاپكەرشىلىگى سالاسىنداعى ەرىكتى باستاما – بۇۇ جاھاندىق كەلىسىمىنە قوسىلعان ساناۋلى قازاقستاندىق كومپانيالاردىڭ ءبىرى بولىپ تابىلادى. بۇدان بولەك, بيىلعى جازدا ءبىزدىڭ كومپانيامىز جوعارى كەرنەۋلى ۇلكەن ەلەكتر جەلىلەرى بويىنشا حالىقارالىق كەڭەستىڭ (Conseil International des Grands Réseaux Électriques – CIGRE) ۇجىمدىق ءمۇشەسى بولدى. بۇل ۇيىمنىڭ نەگىزگى ماقساتى – زەرتتەۋلەردى ۇيلەستىرۋ, ەلەكتر ەنەرگەتيكالىق جۇيەلەردىڭ قىزمەت ىستەۋى ماسەلەلەرى جونىندەگى تاجىريبە مەن عىلىمي-تەحنيكالىق اقپارات الماسۋ. بۇگىنگى تاڭدا ەلەكتر ەنەرگەتيكاسىنىڭ بارلىق سالالارىندا جۇمىس ىستەپ كەلە جاتقان 1 000-نان استام ۇيىم مەن 6 000-نان استام ساراپشى CIGRE مۇشەلەرى بولىپ تابىلادى.
جاۋاپكەرشىلىك پەن اشىقتىق قاعيدالارىن كوزدەۋ ناتيجەسىندە KEGOC «سامۇرىق-قازىنا» اق كومپانيا توپتارىنىڭ ىشىندە كورپوراتيۆتىك باسقارۋ رەيتينگىسى بويىنشا ەڭ جوعارى كورسەتكىشتەرگە يە. ءبىز قىزمەتتەرىمىزدى ۇنەمى جەتىلدىرىپ وتىرامىز. 2015 جىلدان بەرى نەگىزگى اكتسيونەرىمىز – «سامۇرىق-قازىنا» اق باستاماسىمەن كومپانيادا بيزنەستى ترانسفورماتسيالاۋ باعدارلاماسى ءساتتى جۇزەگە اسىرىلۋدا. ترانسفورماتسيانىڭ العىشارتتارى باستى ماقساتتارىنىڭ ءبىرى – الەمدەگى دامىعان 30 ەلدىڭ قاتارىنا كىرۋ بولىپ تابىلاتىن مەملەكەت باسشىسىنىڭ «قازاقستان-2050» ستراتەگياسىمەن بايلانىستى.
كومپانيا قىزمەتىنىڭ تيىمدىلىگىن ارتتىرۋ ماقساتىندا بيزنەس-ۇردىستەر وڭتايلاندىرىلدى, كومپانيا قىزمەتىن باعالايتىن جاڭا جۇيەلەر جاسالدى, ەسەپ بەرۋدىڭ ۇتىمدى جۇيەسى دايىندالدى, ۇنەمى جەتىلدىرۋ مادەنيەتى ەنگىزىلۋدە. سونداي-اق, «سامۇرىق-قازىنا» اق ستراتەگيالىق جوسپارلاۋ, پەرسونالدى جانە اقپاراتتىق تەحنولوگيالاردى باسقارۋ بويىنشا ەتالوندىق (رەفەرەنستىك) مودەلدەرى نەگىزگە الىنعان ۇيىمدىق قۇرىلىم وڭتايلاندىرىلدى. بۇل اقپاراتتىق تەحنولوگيالار مەن مالىمەتتەر, ستراتەگيالىق جوسپارلاۋ جانە ءتيىمدى باسقارۋ, سونىمەن بىرگە, ادامي رەسۋرستاردى جانە ىشكى كورپوراتيۆتىك اقپاراتتار جۇيەسىن باسقارۋ ءجونىندەگى بلوكتاردىڭ قۇرىلۋى نەگىزىندە اتقارۋشى ديرەكتسيانىڭ ءوز قىزمەتتەرىنىڭ اياسىن كەڭەيتۋگە مۇمكىندىك بەردى. جالپى بۇنداي وزگەرىستەر كومپانيا قىزمەتىنىڭ تۇراقتىلىعىن قامتاماسىز ەتەدى دەگەن سەنىمدەمىز, ىشكى جانە سىرتقى فاكتورلاردىڭ بولۋى ىقتيمال وزگەرىستەرىنە جەدەل جاۋاپ بەرۋگە اسەر ەتپەك.
وسى مۇمكىندىكتى پايدالانا وتىرىپ, وتانداستارىمىزدى بارلىق كومپانيا ۇجىمى اتىنان مەرەيتويمەن قۇتتىقتايمىن جانە بارشاڭىزعا تۇراقتىلىق پەن تابىس تىلەيمىن.
اڭگىمەلەسكەن,
مارات اققۇل,
«ەگەمەن قازاقستان»