ەلوردادا قالانىڭ كىشكەنتاي تۇرعىندارى ءۇشىن سيقىرلى مەرەكەلىك وقيعالار كەزەڭى باستالدى. قالانىڭ بارلىق ۇيىمدارىندا جاڭاجىلدىق شىرشا مەرەكەلەرى وتۋدە. قالا اكىمىنىڭ اتىنان وسىنداي شارا 27 جەلتوقسان كۇنى ساعات 11-دە وقۋشىلار سارايىندا وتەدى, شىرشا تويىنا 300 جەتىم بالا, اتا-انا قامقورلىعىنان ايىرىلعان بالالار, ايرىقشا قاجەتتىلىكتەرى بار بالالار جانە دارىندى بۇلدىرشىندەر شاقىرىلدى.
قالىپتاسقان ءداستۇر بويىنشا, اۋداندىق اكىمدىكتەر دە بالالارعا ارناپ مەرەكە وتكىزەدى. شارالاردىڭ بارلىعى م. وتەمىسوۆ اتىنداعى وقۋشىلار سارايىندا ۇيىمداستىرىلادى.
بۇگىن «ەسىل» اۋدانى اكىمدىگىنىڭ جاڭاجىلدىق مەرەكەسىنە اۋدان مەكتەپتەرىنىڭ 200 وقۋشىسى قاتىستى. ولاردىڭ اراسىندا جەتىم بالالار, از قامتاماسىز ەتىلگەن جانە كوپ بالالى وتباسىلاردان شىققان بالالار بار. بۇلدىرشىندەر ويىن ويناپ, قىزىقتى جارىستارعا قاتىسىپ, سۇراقتارعا جاۋاپ بەردى. سونداي-اق, ولارعا ارناپ «اياز اتانىڭ سيقىرلى اساتاياعى» اتتى ەرتەگى قويىلدى. مەرەكەنىڭ ءار قوناعىنا سىيلىق پەن تاتتىلەر جيناعى تارتۋ ەتىلدى.
23 جەلتوقسان كۇنى ساعات 9-دا «سارىارقا» اۋدانى اكىمىنىڭ شىرشا تويى وتەدى, وندا دا بۇلدىرشىندەردى كوڭىلدى جارىستار مەن سىيلىقتار كۇتەدى.
28 جەلتوقساندا «الماتى» اۋدانى اكىمىنىڭ اتىنان مەرەكەلىك شىرشا كەشى ۇيىمداستىرىلادى. كىشكەنتاي قوناقتار اياز اتامەن جانە اقشاقارمەن بىرگە ءان ايتىپ, بي بيلەيدى. بالالارعا مەرەكەلىك كونتسەرت جانە ەرتەگى كەيىپكەرلەرىنىڭ قاتىسۋىمەن قويىلىمدار كورسەتىلىپ, سىيلىقتار تاراتىلادى.