ەكسپو-2017 حالىقرالىق مامانداندىرىلعان كورمەسىنىڭ كوميسسارى راپيل جوشىباەۆ ءباا-دە ء(ابۋ-دابي) جاڭعىرتىلاتىن ەنەرگيا كوزدەرى حالىقارالىق اگەنتتىگىنىڭ (IRENA) باس ديرەكتورى ادنان امينمەن كەزدەستى. بۇل تۋرالى ەكسپو-2017 كوميسسارىنىڭ ءباسپاسوز قىزمەتى حابارلادى.
امينمەن اڭگىمە بارىسىندا تاراپتار قازاقستاننىڭ IRENA-مەن ءوزارا ءىس-قيمىلىنىڭ جاعدايى مەن پەرسپەكتيۆالارىن, ونىڭ ىشىندە كورمەگە قاتىسۋى جانە كورمە تاقىرىبىن ءىرى حالىقارالىق الاڭدارعا كەشەندى جىلجىتۋ ماسەلەسىن تالقىلادى. قازاقستاندىق كوميسسار اڭگىمەلەسۋشىسىن قر پرەزيدەنتىنىڭ الەمدىك قاۋىمداستىق قولداعان ورنىقتى دامۋ سالاسىنداعى جاھاندىق باستامالارى تۋرالى حاباردار ەتتى.
تاراپتار ەكسپو-2017 اياسىندا استانادا 2017 جىلعى 11-14 ماۋسىمدا وتەتىن بۇۇ ەۋروپالىق ەكونوميكالىق كوميسسياسىنىڭ مينيسترلىك كونفەرەنتسياسىنىڭ فورماتىندا IRENA پانەلدىك سەسسياسىن وتكىزۋ, قازاقستاندىق مامانداردىڭ IRENA حاتشىلىعىندا تاعىلىمدامادان ءوتۋىن ۇيىمداستىرۋ مۇمكىندىگىن تالقىلادى.
ءوز كەزەگىندە, امين IRENA ماقساتىن كورمەنىڭ «بولاشاق ەنەرگياسى» تاقىرىبىمەن لوگيكالىق بىرىكتىرۋگە مۇمكىندىك بەرەتىن جاڭارتىلعان ەنەرگيا سالاسىنداعى تەحنولوگيالىق يننوۆاتسيانى تانىستىرۋ جوسپارىن ەسەپكە الىپ, IRENA كورمەگە قاتىسۋعا مۇددەلى ەكەندىگىن اتاپ ءوتتى. كەزدەسۋ قورىتىندىسى بويىنشا جوشىباەۆ پەن IRENA سەكتسياسىنىڭ كوميسسارى مۇحاممەد ءال-فارناۆاني كورمەگە قاتىسۋ شارتىنا قول قويدى.