ەلوردا اكىمدىگىمەن كەرى بايلانىستى ءتيىمدى ەتۋ ماقساتىندا ساۋالدارعا, وتىنىشتەر مەن ۇسىنىستارعا جەدەل تۇردە ءۇن قاتۋ ءۇشىن «استانا قالاسىنىڭ ەلەكتروندىق وتىنىشتەرى جۇيەسى» ۇيالى قوسىمشاسى ىسكە قوسىلدى. ونىڭ كومەگىمەن ەلوردانىڭ ءاربىر تۇرعىنى مەن قوناعى مازالاعان سۇراقتارىن قويىپ, ءوتىنىش بەرە الادى. سونىمەن قاتار, قالا اكىمدىگىمەن الەۋمەتتىك جەلىلەردىڭ بەتتەرىندە ازاماتتارمەن بەلسەندى جۇمىس جۇيەلى نەگىزدە جۇرگىزىلىپ كەلەدى, دەپ حابارلايدى استانا اكىمدىگى.
بۇگىنگى كۇننىڭ وزىندە جۇيەدە 280 مىڭنان اسا پايدالانۋشى تىركەلگەن جانە اي سايىن 700-750 ءوتىنىش تۇسەدى. ازاماتتار نەگىزىنەن الەۋمەتتىك-ماڭڭىزدى ماسەلەلەردى, ينفراقۇرىلىم, دەنساۋلىق ساقتاۋ, قۇرىلىس جانە ت.ب. سالالارداعى ماسەلەلەردى كوتەرەدى.
وتىنىشتەرگە 3 كۇننىڭ ىشىندە جاۋاپ بەرىلەدى. مۇقيات پىسىقتاۋدى قاجەت ەتەتىن سۇراقتار 15 كۇننىڭ ىشىندە قارالادى.
ۇيالى قوسىمشانى سىلتەمە بويىنشا جۇكتەۋگە بولادى.