حالىقارالىق بوكس قاۋىمداستىعى 2016 جىلدىڭ مامىر ايىندا وتكەن بوكستان ايەلدەر اراسىنداعى الەم چەمپيوناتىن اۋەسقويلار بوكسىنداعى ەرەكشە وقيعا دەپ اتادى. ناگرادانى شۆەيتسارياداعى جىل قورىتىندىسىنا ارنالعان ارنايى كەزدەسۋدە قازاقستان بوكس فەدەراتسياسىنىڭ اتقارۋشى ديرەكتورى بەكجان بەكتەنوۆكە AIBA تابىستادى. استاناداعى الەم چەمپيوناتىنا 65 ەلدەن كەلگەن 295 سپورتشى قاتىستى, دەپ حابارلايدى قازاقستان بوكس فەدەراتسياسىنىڭ ءباسپاسوز قىزمەتى.
«بۇل تەك 2016 جىلداعى عانا ەمەس, سونداي-اق ايەلدەر بوكسىنىڭ 15 جىلدىق تاريحىنداعى ۇزدىك چەمپيونات, - دەدى AIBA ايەلدەر كوميسسياسىنىڭ توراعاسى دجويس بوۋەن. - مەن قازاقستاننىڭ بارلىق قاتىسۋشىلارعا دەگەن قوناقجايلىعىنا, ۇيىمداستىرۋشىلىق دەڭگەيىنە ءتانتى بولدىم. قازاقستان بوكس فەدەراتسياسىنىڭ وسى ناگرادامەن ماراپاتتالعانىنا قۋانىشتىمىن. باسقا دا ۇلتتىق فەدەراتسيالارعا ۇلگى بولاتىنىنا سەنىمدىمىن».
جىل قورىتىندىسى بويىنشا وزبەكستاننان الەم چەمپيونى حاسانبوي دۋسماتوۆ پەن ۇلىبريتانيادان نيكولا ادامس ۇزدىك بوكسشى دەپ تانىلدى. AIBA بيىلعى جىلى جاڭا سىيلىقتى «اڭىزعا اينالعان بوكسشىلار» - Legends Award بەكىتتى. اتالمىش سىيلىققا براحيم اسلۋم, ۆلاديمير كليچكو مەن مەري كوم يە بولدى. ماراپاتتاۋ سالتاناتىنا قازاقستاننان AIBA ۆيتسە-پرەزيدەنتتەرى تيمۋر ق ۇلىباەۆ, سەرىك قوناقباەۆ, قبف اتقارۋشى ديرەكتورى بەكجان بەكتەنوۆ, قبف حالىقارالىق بايلانىس جونىندەگى ۇيلەستىرۋشى دينارا بولاتبەكقىزى قاتىستى.