2011 جىلعى 27 تامىزدا استانا قالاسىنداعى «قازاقستان» سپورت سارايىندا شايبالى حوككەيدەن ەرلەر كوماندالارى اراسىندا قازاقستان رەسپۋبليكاسى كۋبوگىنىڭ اقتىق ماچتى ءوتتى. ءبىرىنشى ورىنعا «سارىارقا» (قاراعاندى قالاسى) جانە «ارىستان» (تەمىرتاۋ قالاسى) حوككەي كوماندالارى تالاستى.
ماتچ اياقتالعان سوڭ كۋبوك ويىنىنىڭ سالتاناتتى جابىلۋ ءراسىمى وتكىزىلدى, ونىڭ قورىتىندىسى بويىنشا جەڭىمپازدار, سونداي-اق حوككەي كلۋبتارىنىڭ ەڭ ۇزدىك ويىنشىلارى ماراپاتتالدى. ماراپاتتاۋ راسىمىنە «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين جانە شايبالى حوككەيدەن قازاقستان فەدەراتسياسىنىڭ پرەزيدەنتى اسقار مامين قاتىستى. «نۇر وتان» حالىقتىق-دەموكراتيالىق پارتياسىنىڭ ارنايى جۇلدەسى ءتۋرنيردىڭ ەڭ ۇزدىك ويىنشىلارىنا تابىس ەتىلدى. كۋبوكتى فينالدىق كەزدەسۋدە «سارىارقانى» ۇتقان «ارىستان» حوككەي كلۋبى جەڭىپ الدى.
كۋبوكتى وتكىزۋدىڭ نەگىزگى ماقساتتارى – قازاقستاندا حوككەيدى ودان ءارى دامىتۋ, حالىقارالىق جارىستاردا جانە تۋرنيرلەردە وتاندىق كلۋبتاردى جانە قۇراما كوماندالاردى ويداعىداي ويىن كورسەتۋگە دايىنداۋ, سونداي-اق حوككەي جانكۇيەرلەرىنىڭ بوس ۋاقىتىن ۇيىمداستىرۋ مەن حالىق اراسىندا, اسىرەسە, بالالار, جاسوسپىرىمدەر جانە جاستار اراسىندا قازاقستاندىق سپورتتى ناسيحاتتاۋ.
كۋبوكتىڭ قازاقستان تاۋەلسىزدىگىنىڭ 20 جىلدىعىنىڭ اياسىندا ءوتۋى وعان ەرەكشە ماعىنا بەردى. تاۋەلسىزدىككە قول جەتكىزگەننەن بەرى قازاقستاندا سپورتتىڭ دامۋى جاڭا سەرپىنگە يە بولدى. مەملەكەت باسشىسى, «نۇر وتان» پارتياسىنىڭ كوشباسشىسى ن.ا.نازارباەۆتىڭ باستاماسى مەن ەرەكشە نازارىنىڭ ارقاسىندا قازاقستاندىق سپورت, اتاپ ايتقاندا, حوككەي جوعارى دەڭگەيگە كوتەرىلۋ ءمۇمكىندىگىنە قول جەتكىزدى.
كۋبوك ويىندارىنا ەلىمىزدىڭ تەمىرتاۋ, الماتى, كوكشەتاۋ, استانا, اتىراۋ, رۋدنىي, پاۆلودار, وسكەمەن, قاراعاندى سياقتى قالالارىنان 10 كاسىپقوي حوككەي كلۋبتارى قاتىستى. اتالعان ءىس-شارانى «نۇر وتان» حدپ شايبالى حوككەي بويىنشا قازاقستان فەدەراتسياسىمەن بىرلەسە ۇيىمداستىردى. جالپى, «نۇر وتان» پارتياسى ۇلتتىق جانە حالىقارالىق اۋقىمداعى ءىرى سپورتتىق وقيعالاردى تۇراقتى ۇيىمداستىرۋشىلاردىڭ ءبىرى بولىپ تابىلادى جانە بۇگىندە قازاقستاندا بۇقارالىق سپورتتى دامىتۋعا ىقپالى زور بولىپ وتىر.