گۆاردەيسك گارنيزونىندا ورنالاسقان اسكەري بولىمدەردىڭ بىرىندە اسكەري قىزمەتشى ەربول قاپارعا كۇش قولدانىلىپ, سارباز جاق سۇيەگىنەن جاراقات العان. قورعانىس مينيسترلىگىنىڭ ءباسپاسوز قىزمەتى ساربازدىڭ الماتى قالاسىنداعى اسكەري-كلينيكالىق گوسپيتالىندە وڭالتۋ كۋرسىنان ءوتىپ جاتقانىن مالىمدەدى, دەپ جازادى Egemen.kz.
مينيسترلىك مالىمەتىنشە, مەرزىمدى اسكەري قىزمەتشىلەر اراسىندا جانجال بولىپ, سالدارىنان سارباز ەربول قاپاردىڭ جاعى سىنعان. بۇگىندە زارداپ شەككەن سارباز اۋرۋحاناعا جاتقىزىلىپ, وعان قاجەتتى مەديتسينالىق كومەك كورسەتىلىپ جاتىر. جاۋىنگەردىڭ دەنساۋلىق جاعدايىن اسكەري دارىگەرلەر باقىلاپ وتىر.
اسكەري-كلينيكالىق گوسپيتالدىڭ جاقسۇيەك-بەت حيرۋرگياسى بولىمشەسىنىڭ باستىعى, مەديتسينا قىزمەتىنىڭ پودپولكوۆنيگى ۆلاديسلاۆ مۋساتوۆ جاۋىنگەردىڭ جاعدايى جاقسارعانىن جەتكىزدى.
«گوسپيتالگە جەتكىزىلگەن ساتتە ونىڭ جاعدايى سالىستىرمالى تۇردە قاناعاتتانارلىق دەپ باعالاندى. سارباز تياناقتى ەمدەۋ كۋرسىنان ءوتىپ جاتىر. قازىر ءحالى جاقسارعانى بايقالادى. پسيحولوگيالىق جاعدايى دا تۇراقتى, شايناۋ جانە اۋىز اشۋ فۋنكتسيالارى دا جاقسارىپ كەلەدى. جاقىندا بەكىتۋشى شينالارى الىنادى. اسكەري قىزمەتشى فيزيوتەراپيا, دارۋمەندىك تەراپيا, جالپى نىعايتۋشى ەم جانە ەمدىك دەنە شىنىقتىرۋ ساباقتارىنان ءوتىپ جاتىر. الداعى ۋاقىتتا گيپەرباريالىق وكسيگەناتسيا سەانستارى جوسپارلانعان. وڭالتۋ كەزەڭى اياقتالعان سوڭ, اسكەري-دارىگەرلىك كوميسسيادان وتەدى», دەدى ۆلاديسلاۆ مۋساتوۆ.
اقتاۋدا مەرزىمدى اسكەري قىزمەتشى قازا تاپتى
دارىگەردىڭ ايتۋىنشا, ءسارباز بىر اي ىشىندە اۋرۋحانادان شىعارىلادى. تولىق ساۋىعۋى ءۇشىن وعان سىرقاتىنا بايلانىستى دەمالىس بەرىلەدى. جازىلعان سوڭ ءوز اسكەري بولىمىندە قىزمەتىن جالعاستىرادى.
27 قاڭتار كۇنى اتالعان دەرەك بويىنشا گۆاردەيسك گارنيزونىنىڭ اسكەري پوليتسياسى تاراپىنان قىلمىستىق ءىس قوزعالعان.
«ماتەريالدار سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. بارلىق قاتىسى بار ادامداردىڭ, وعان قوسا وقيعانىڭ جاي-جاپسارىن جوعارى قولباسشىلىققا ۋاقتىلى بايانداماعان جانە مەديتسينالىق كومەكتى ۇيىمداستىرۋدا ولقىلىق جىبەرگەن اسكەري ءبولىمنىڭ لاۋازىمدى ادامدارىنىڭ ارەكەتتەرىنە جان-جاقتى قۇقىقتىق باعا بەرىلەدى. تەرگەۋ شارالارى كەزەڭىندە بىرقاتار لاۋازىمدى ادامدار قىزمەتتىك مىندەتتەرىن اتقارۋدان شەتتەتىلدى. تەرگەۋ قورىتىندىسى بويىنشا كىنالىلەر زاڭعا سايكەس جاۋاپكەرشىلىككە تارتىلادى», دەلىنگەن مينيسترلىك مالىمدەمەسىندە.
ساربازداردىڭ ءولىمى: لاۋازىمدى تۇلعالار قىزمەتىنەن بوساتىلدى
سونداي-اق وقيعانىڭ تەرگەلۋ بارىسى قارۋلى كۇشتەر باسشىلىعىنىڭ ءجىتى باقىلاۋىنا الىنعان. ۆەدومستۆو تەرگەۋ مۇددەسىنە بايلانىستى وزگە اقپارات جاريالانبايتىنىن حابارلاپ وتىر.