بۇگىندە الەۋمەتتىك جەلىلەردە «دوللار 600 تەڭگە بولۋى مۇمكىن» دەگەن اقپارات تاراي باستادى. وسىعان وراي قارجى ساراپشىسى سۇلتان ەلەمەسوۆ پىكىر ءبىلدىردى, دەپ حابارلايدى Egemen.kz.
ساراپشىنىڭ ايتۋىنشا تەڭگە باعامى الداعى ۋاقىتتا السىرەۋى مۇمكىن, الايدا ۆاليۋتا نارىعىندا كۇرت قۇلدىراۋ قاۋپى ازىرگە جوعارى ەمەس.
«تەڭگە باعامىنا اسەر ەتىپ وتىرعان نەگىزگى فاكتورلاردىڭ ءبىرى – ۇلتتىق بانكتىڭ ۆاليۋتا ساتىپ الۋى. ءساۋىر ايىندا ۇلتتىق بانك بىرىڭعاي جيناقتاۋشى زەينەتاقى قورى (بجزق) ءۇشىن شامامەن جارتى ميلليارد دوللار ساتىپ الدى. بۇل ارەكەت تەڭگەنى جاناما تۇردە قولداۋ شارالارىنىڭ توقتاۋىنا الىپ كەلدى. مامىر ايىندا دا ۆاليۋتا ساتىپ الۋ جالعاستى. رەسمي مالىمەتتەرگە سايكەس, ۇلتتىق بانك وسى كەزەڭدە بجزق ءۇشىن شامامەن 900 ميلليون دوللارعا جۋىق قارجىعا ۆاليۋتا ساتىپ العان», دەدى ساراپشى ءوزىنىڭ Instagram پاراقشاسىندا.
ەلەمەسوۆتىڭ پىكىرىنشە, ماۋسىم ايىندا تەڭگەگە قىسىم ساقتالۋى مۇمكىن. بۇعان ۇلتتىق قوردان بولىنەتىن ترانسفەرتتەردىڭ ازايۋى جانە بازالىق مولشەرلەمەنىڭ تومەندەۋى ىقپال ەتۋى ىقتيمال.
سوعان قاراماستان, ساراپشى تەڭگە باعامىنىڭ باقىلاۋسىز قۇلدىراۋى كۇتىلمەيتىنىن اتاپ ءوتتى. ونىڭ ايتۋىنشا, قازىرگى جاعدايدى داعدارىس دەڭگەيىندە باعالاۋعا نەگىز جوق.
دوللار ءبىر كۇندە 3 تەڭگەگە قىمباتتادى
ايتا كەتەيىك, مامىر ايىندا تەڭگە باعامى 5,1 پايىزعا السىرەپ, ءبىر دوللار ءۇشىن 486,51 تەڭگەنى قۇرادى. ال 2 ماۋسىمداعى ساۋدا قورىتىندىسى بويىنشا دوللار باعامى 492,75 تەڭگە دەڭگەيىندە قالىپتاستى.