تاراز قالاسىندا الەۋمەتتىك جەلىدە تاراعان داۋلى ۆيدەودان كەيىن اۋداندىق پوليتسيا ءبولىمىنىڭ باسشىسى جۇمىستان شىعارىلۋى مۇمكىن. وقيعا قوعامدا ۇلكەن رەزونانس تۋدىردى, دەپ حابارلايدى Egemen.kz.
الەۋمەتتىك جەلىلەردە تاراعان ۆيدەودا تارازدا پاترۋلدىك پوليتسيا قىزمەتكەرلەرى سارىسۋ اۋدانى اكىمشىلىك پوليتسيا ءبولىمىنىڭ باسشىسىن توقتاتقان ءسات كورسەتىلگەن. الدىن الا مالىمەت بويىنشا, ول كولىكتى ماس كۇيدە باسقارۋى مۇمكىن دەگەن كۇدىك بار.
ۆيدەودا ارىپتەستەرى «كولىكتى كىم جۇرگىزدى؟» دەگەن سۇراق قويعان كەزدە, ول «قارىنداسىم» دەپ جاۋاپ بەرگەنى بايقالادى. بۇل جاعداي جەلى قولدانۋشىلارى اراسىندا قىزۋ تالقىلانىپ, كەيبىر تۇرعىندار مۇنداي وقيعا بۇرىن دا بولعانىن جازىپ جاتىر.
ءوز ايەلىن قاعىپ ولتىرگەن: كۇدىكتى پوليتسيا قىزمەتكەرى بولۋى مۇمكىن
رەسمي مالىمەتكە سايكەس, اتالعان دەرەك بويىنشا قىزمەتتىك تەكسەرىس جۇرگىزىلىپ جاتىر. جامبىل وبلىسى پوليتسيا دەپارتامەنتى كۇدىكتى قىزمەتكەردىڭ قۇقىقبۇزۋشىلىق جاساعانى دالەلدەنسە, ىشكى ىستەر ورگاندارىنان تەرىس سەبەپتەرمەن جۇمىستان شىعارىلاتىنىن مالىمدەدى.
ۆەدومستۆو وكىلدەرى زاڭ بۇزعان كەز كەلگەن قىزمەتكەر لاۋازىمى مەن شەنىنە قاراماستان جاۋاپكەرشىلىككە تارتىلاتىنىن اتاپ ءوتتى.
ەسكە سالايىق, اقتاۋدا پوليتسيا كولىگى ءبىر جارىم جاسار بالانى قاعىپ كەتتى.