eGov Mobile ءموبيلدى قوسىمشاسىندا تاۋارلاردى تسيفرلىق كودتار بويىنشا تەكسەرۋ فۋنكتسياسى پايدا بولدى. Naqty Onim سەرۆيسى نەگىزىندە ىسكە اسىرىلعان قىزمەتتە پايدالانۋشىلار تاۋاردىڭ تۇپنۇسقالىعىن تەكسەرە الادى, دەپ جازادى Egemen.kz.
قازىر قوسىمشادا جالعان ءونىم ءجيى انىقتالاتىن دارى-دارمەك, تەمەكى بۇيىمدارى جانە اياق كيىم ساناتى بويىنشا مالىمەتتەر قولجەتىمدى. eGov Mobile قوسىمشاسىنداعى تسيفرلىق كود (Data Matrix-كودى) سكانەرلەنسە, تاۋاردىڭ تۇپنۇسقالىعى, ءوندىرۋشىسى, نەگىزگى سيپاتتامالارى جانە ءونىمنىڭ شىعارىلعان كۇنى تۋرالى اقپارات ۇسىنىلادى.
قىزمەتتى پايدالانۋ ءۇشىن:
eGov Mobile قوسىمشاسىندا اۆتوريزاتسيادان ءوتىپ, «سەرۆيستەر» ءبولىمىن اشۋ كەرەك; «Naqty Onim» سەرۆيسىن تاڭداپ, دەرەكتەردى بەرۋگە كەلىسىم بەرۋ قاجەت; «باستاۋ» باتىرماسىن باسىپ, سمارتفون كامەراسىن Data Matrix كودىنا باعىتتاۋ كەرەك.eGov Mobile قىزمەتىن 54 ملن ادام پايدالانعان
سكانەرلەۋدەن كەيىن پايدالانۋشىعا تەكسەرۋ ناتيجەسى كورسەتىلەدى. ەگەر تسيفرلىق كود بولماسا نەمەسە دۇرىس شىقپاسا, جۇيە ءتيىستى حابارلامانى شىعارادى.
«eGov Mobile قوسىمشاسىنداعى تەكسەرۋ فۋنكتسياسى مىندەتتى تسيفرلىق تاڭبالاۋعا جاتاتىن جانە Data Matrix كودى بار تاۋارلارعا قولدانىلادى. ءدارى-دارمەكتەردى تەكسەرۋ كەزىندە ءونىمنىڭ ناقتى دارىلىك پرەپارات ساناتىنا جاتاتىنى ەسكەرىلەدى. سونداي-اق ونىڭ وندىرىلگەن كۇنى ماڭىزدى. سەبەبى 2024 جىلعى 1 شىلدەگە دەيىن شىعارىلعان دارىلەر مىندەتتى تسيفرلىق تاڭبالاۋعا ەنبەيدى جانە سكانەرلەۋ كەزىندە جۇيەدە كورىنبەۋى مۇمكىن. مۇنداي جاعدايدا تەكسەرۋ ناتيجەسىنىڭ شىقپاۋى تاۋاردىڭ زاڭسىز نەمەسە جالعان ەكەنىن بىلدىرمەيدى», دەلىنگەن «ۇلتتىق اقپاراتتىق تەحنولوگيالار» اق تاراتقان مالىمدەمەدە.
ەلىمىزدە 2024 جىلعى 1 شىلدەدەن باستاپ شىعارىلعان ءدارى-دارمەكتەر, سونداي-اق بارلىق تەمەكى ونىمدەرى مەن اياق كيىم مىندەتتى تۇردە تسيفرلىق تۇردە تاڭبالانادى. 2026 جىلعى 1 اقپاننان باستاپ سىرا مەن موتور مايلارىن تاڭبالاۋ كەزەڭ-كەزەڭىمەن ەنگىزىلەدى, ال 2026 جىلعى 1 جەلتوقساننان باستاپ بۇل ءتارتىپ جەڭىل ونەركاسىپ تاۋارلارىنا دا قولدانىلادى.
«قازىر پيلوتتىق رەجيمدە بيولوگيالىق بەلسەندى قوسپالار, مەديتسينالىق ماقساتتاعى بۇيىمدار, تۇرمىستىق حيميا, گاز باللوندار جانە وسىمدىك مايىن تاڭبالاۋ سىناقتان ءوتىپ جاتىر. الداعى ۋاقىتتا بۇل ساناتتاعى تاۋارلاردى دا زاڭدىلىعى مەن تۇپنۇسقالىعىن تەكسەرۋگە مۇمكىندىك پايدا بولادى», دەلىنگەن «ۇلتتىق اقپاراتتىق تەحنولوگيالار» اق تاراتقان مالىمدەمەدە.
ەندى كۋرسانتتاردى اسكەري وقۋ ورىندارىنا قابىلداۋ eGov ارقىلى جۇرگىزىلەدى
ايتا كەتەيىك, جاڭا فۋنكتسيانى جاساندى ينتەللەكت جانە تسيفرلىق دامۋ مينيسترلىگىنىڭ مەملەكەتتىك قىزمەتتەر كوميتەتى, «ۇلتتىق اقپاراتتىق تەحنولوگيالار» اق جانە تاۋارلاردى تاڭبالاۋ جانە قاداعالاۋ جونىندەگى بىرىڭعاي وپەراتورى بىرلەسىپ ىسكە قوسقان.