17 اقپاندا اقتوبە وبلىسىندا سىبايلاس جەمقورلىققا قارسى قىزمەت وكىلدەرى پروكۋراتۋرا قىزمەتكەرىن ۇستادى. ۇستاۋ فاكتىسىن وڭىرلىك پروكۋراتۋرا راستادى, دەپ حابارلايدى Egemen.kz.
الەۋمەتتىك جەلىلەردە تاراعان مالىمەتتەرگە سايكەس, ۇستالعان پروكۋرور 10 ميلليون تەڭگە كولەمىندە پارا الدى دەگەن كۇدىك بار. الايدا بۇل اقپارات ازىرگە رەسمي تۇردە راستالعان جوق. قازىر ءىس بويىنشا تەرگەۋ امالدارى جۇرگىزىلىپ جاتىر. وزگە مالىمەتتەر جاريا ەتىلمەيدى.
الماتىدا سۋديا پارا الدى دەگەن كۇدىككە ءىلىندى
سونداي-اق جامبىل وبلىسىندا جوعارى لاۋازىمدى بۇرىنعى پوليتسيا قىزمەتكەرلەرىنە قاتىستى سوت پروتسەسى باستالادى. اتاپ ايتقاندا, ەكس-پوليتسەيلەر جايداربەك كۇتتىباەۆ پەن ەركەن اباەۆقا سىبايلاس جەمقورلىق باپتارى بويىنشا ايىپ تاعىلىپ وتىر.
عىلىمي ورتالىق باسشىسى پارا الدى دەگەن كۇدىكپەن ۇستالدى
ەسكە سالايىق, بۇگىن ۇقك شىعىس قازاقستان وبلىسى اكىمىنىڭ ورىنباسارى جاقسىلىق ومارعا قاتىستى تەرگەۋ ءجۇرىپ جاتقانىن راستادى.