قازاقستاندىق انشى ديماش قۇدايبەرگەن پاريجدەگى Global Gift Foundation قايىرىمدىلىق كەشىنە قاتىستى.
وسىعان دەيىن فرانتسيادا وتەتىن جيىنعا ديماشتى امەريكالىق اكتريسا ەۆا لونگوريا شاقىرعانى تۋرالى حابارلانعان ەدى. 16 مامىردا پاريجدە بولعان گالا-كەشتى يۋنيسەف قولداۋىمەن تانىمال اكتريسا, پروديۋسەر جانە رەجيسسەر ەۆا لونگوريا ۇيىمداستىردى.
«پاريجدە 16 مامىر كۇنى وتەتىن Global Gift Gala شاراسىندا ءان ايتۋ مەن ءۇشىن ۇلكەن ابىروي», - دەپ جازدى ءانشى جەلىدە.
ايتا كەتەيىك, Global Gift كوممەرتسيالىق ەمەس قايىرىمدىلىق قورىنىڭ ماقساتى - كومەكتى قاجەت ەتەتىن بالالار مەن ايەلدەرگە جانە وتباسىلارعا قولداۋ كورسەتۋ. ەۆا لونگوريا مەن ول نەگىزىن قالاعان Eva Longoria Foundation جانە Global Gift Foundation قايىرىمدىلىق قورى بىرنەشە جىلدان بەرى بىرلەسىپ قىزمەت ەتىپ كەلەدى.