«مەملەكەتتىك ورگانداردىڭ ستراتەگيالىق تسيفرلى كوممۋنيكاتسيالارى» اتتى سەمينار-پراكتيكۋمدى استاناداعى مەملەكەتتىك قىزمەت سالاسىنداعى وڭىرلىك حاب اقپارات جانە كوممۋنيكاتسيالار مينيسترلىگىمەن بىرلەسىپ وتكىزۋدە. «جاھاندانۋ جانە اقپاراتتىق-كوممۋنيكاتسيالىق تەحنولوگيالار دامۋى – مەملەكەت پەن ازاماتتار اراسىنداعى قارىم-قاتىناس سيپاتىن وزگەرتىپ, مەملەكەتتىك قىزمەت دامۋى ءۇشىن سىناققا ءارى مۇمكىندىككە اينالدى, – دەدى سەميناردى اشقان وڭىرلىك حاب باسقارۋشى كوميتەتىنىڭ توراعاسى اليحان بايمەنوۆ. – تۇپتەپ كەلگەندە, مەملەكەتتىك ورگاندار كۆازيباسەكەلەستىك ورتادا جۇمىس ىستەي باستادى, وسى كونتەكستە تسيفرلى كوممۋنيكاتسيالار قۇرالدارىن ءتيىمدى پايدالانۋ ماڭىزى ايرىقشا ارتا تۇسۋدە». كانادانىڭ مەملەكەتتىك سەكتورداعى ماركەتينگ بويىنشا وزىق تاجىريبە ورتالىعىنىڭ (CEPSM) باسقارۋشى سەرىكتەسى ءارى اعا كەڭەسشىسى مايك كۋدجاسكي مەملەكەتتىك ورگانداردى الەۋمەتتىك مەديادا ىلگەرىلەتۋ بويىنشا الەمدەگى جانە ايماقتاعى تسيفرلى ۇردىستەر جايلى باياندادى. سەمينار-پراكتيكۋم اياسىندا قاتىسۋشىلار الەۋمەتتىك جەلىلەر ارقىلى جۇرتشىلىقتى حاباردار ەتۋدىڭ ءتيىمدى ادىستەرىمەن جانە قوعاممەن قارىم-قاتىناس جاساۋ ءۇشىن ينتەرنەت رەسۋرستارىن پايدالانۋدىڭ زاماناۋي قۇرالدارىمەن تانىسادى. سونىمەن بىرگە ولار ءارتۇرلى مىسالداردى قاراستىرادى, الەۋمەتتىك جەلىلەردەگى تاۋەكەلدەردى انىقتاۋدى جانە باعالاۋدى, مونيتورينگ پەن كونتەنت ساراپتاماسىن جاساۋدى ۇيرەنەدى. سەمينار ۇلت جوسپارىن اقپاراتتىق جاعىنان قامتۋ باعىتىنا, بەس ينستيتۋتتىق رەفورمانى جۇزەگە اسىرۋ, ونىڭ ىشىندە, باق, ينتەرنەتتەگى, الەۋمەتتىك جەلىلەردەگى قازاقستاندىق بىرتەكتىلىك يدەياسىن جۇزەگە اسىرۋدى ىلگەرىلەتۋگە قولداۋ كورسەتۋ ماقساتىندا وتكىزىلۋدە. سەمينار-پراكتيكۋم جۇمىسىنا قازاقستاننىڭ ورتالىق مەملەكەتتىك ورگاندار مەن وبلىستىق اكىمدىكتەردىڭ ءباسپاسوز-حاتشىلارى قاتىسۋدا. قاتىسۋشىلارعا كوممۋنيكاتسيالار سالاسىنداعى كانادالىق وزىق تاجىريبە نەگىزىندە CEPSM ازىرلەگەن «الەۋمەتتىك جەلىلەردەگى ستراتەگيالىق قاتىسۋ پراكتيكالىق نۇسقاۋلىعى» بەرىلدى. سەمينار-پراكتيكۋم ناتيجەسىندە الەۋمەتتىك جەلىلەردە حالىقپەن ءوزارا قارىم-قاتىناستى جاقسارتۋ ماقساتىندا قاتىسۋشىلاردىڭ پىكىر جانە تاجىريبە الماساتىن ونلاين تۇعىرناماسى جاسالادى.
ءباسپاسوز حاتشىلارى جاڭا كوممۋنيكاتسيالىق تەحنولوگيالاردى مەڭگەرۋدە
381 رەت
كورسەتىلدى
ورتالىق جانە ايماقتىق مەملەكەتتىك ورگانداردىڭ ءباسپاسوز قىزمەتى جەتەكشىلەرى قوعاممەن ءوزارا قارىم-قاتىناس جاساۋدىڭ زاماناۋي قۇرالدارىن پايدالانۋدىڭ وزىق تاجىريبەلەرىمەن تانىستى.