وقو ايماقتىق كوممۋنيكاتسيالار قىزمەتىندە «استانا ەكسپو-2017» موتوكەرۋەنىن ۇيىمداستىرۋ جانە وتكىزۋ ماسەلەلەرى بويىنشا وتكەن ءباسپاسوز كونفەرەنتسياسىندا «وقو موتوتسيكلشىلەر فەدەراتسياسىنىڭ» پرەزيدەنتى رۇستەم بازاربەكوۆ وسىلاي دەپ مالىمدەدى.
29 مامىردا كۇنگەيدەن وزگە وڭىرلەرگە اتتاناتىن موتوشەرۋ تۇركىستان شاھارى ارقىلى قىزىلوردا وبلىسىنا جەتىپ, رەسپۋبليكانىڭ ون وبلىسى مەن استانا قالالارىن ارالايدى.
«29 مامىر كۇنى وبلىس اكىمدىگىنەن ەلىمىزدىڭ كوك بايراعىن سالتاناتتى تۇردە الىپ, 10 موتوتسيكلشى جولعا شىعامىز. موتوتوپ مۇشەلەرى ءار قالا مەن وبلىسقا ايالداعان سايىن ساپ قۇرامى كوبەيىپ, ەلورداعا جەتكەنشە موتوتسيكلشىلەر قاتارى 100-گە جەتەدى دەگەن جوسپارىمىز بار. وسى رەتتە, وبلىستاعى موتوسۇيەر قاۋىمدى دا موتوشەرۋىمىزدىڭ قاتارىنا شاقىرامىز. ەلىمىزدىڭ بولاشاعى مەن تاريحى ءۇشىن ماڭىزدى بولىپ تابىلاتىن وسىناۋ شارادا بارلىق وتانداستارىمىزدى ءوز مەملەكەتىنىڭ پاتريوتى بولۋعا شاقىرامىن», دەدى ر.بازاربەكوۆ..
باقتيار تايجان, «ەگەمەن قازاقستان»