ۇلتتىق ەكونوميكا ءمينيسترى تيمۋر سۇلەيمەنوۆ 4 ايدىڭ قورىتىندىسىنا سايكەس ەكونوميكانىڭ باسىم سالالارى بويىنشا ءوسىمنىڭ جەدەلدەۋى بايقالاتىنىن اتاپ ءوتتى. 2017 جىلدىڭ قاڭتار-ءساۋىر ايلارىندا ءجىو ءوسىمى 3,7% قۇرادى. تۇتىنۋشىلىق جانە ينۆەستيتسيالىق سۇرانىس, سونىمەن قاتار ءجىو ديناميكاسىن قولداۋعا كومەك بولعان ەكونوميكانىڭ ناقتى سەكتورىنداعى ارتىپ كەلە جاتقان بەلسەندىلىك نەگىزگى فاكتورلارعا اينالدى. ءجىو-ءنىڭ وڭ ديناميكاسى تاۋ-كەن جانە وڭدەۋ, قۇرىلىس جانە قىزمەت كورسەتۋ سالالارىنىڭ ناقتى وسىمىمەن سەبەپتەلەدى. تاۋ-كەن ونەركاسىبى سالالارىندا كومىر مەن قوڭىر تاس كومىر, مۇناي, تابيعي گاز الۋ كورسەتكىشتەرىندە وڭ ديناميكا بايقالدى. نەگىزگى وڭدەۋ سەگمەنتتەرىندە دە, اتاپ ايتقاندا, مۇناي وڭدەۋدە, فارماتسەۆتيكادا, مەتالل ەمەس مينەرال ونىمدەردە, مەتاللۋرگيالىق ونىمدەردە جانە ماشينا جاساۋدا جاندانۋ بايقالادى. اگروونەركاسىپتىك كەشەندە اۋىل شارۋاشىلىعى جالپى ءونىمىنىڭ ءوندىرىس كولەمى وزگەرىستەرگە ۇشىراعان جوق جانە 2,9% وڭ كورسەتكىشىندە ساقتالىپ قالدى. قۇرىلىستا دا 6,1% ارتىپ, وڭ ديناميكا ساقتالۋدا. پاۆلودار, جامبىل وبلىستارىندا جانە استانادا جۇمىستار قارقىندى جۇرگىزىلۋدە. ۇلتتىق ەكونوميكا مينيسترلىگىنىڭ مالىمەتتەرى بويىنشا, ەسەپتى كەزەڭدە كورسەتىلەتىن قىزمەتتەر ءوندىرىسى 1,9% ءوستى. سەكتورلار بويىنشا ساۋدا-ساتتىقتا جانە اقپارات پەن بايلانىستا ءوسىم بايقالادى, كولىك جانە قويمالاۋ قىزمەتى سالاسىنىڭ دامۋ كورسەتكىشتەرى 3,5% ارتتى, ال جۇك اينالىمى 5,9%, جولاۋشىلار اينالىمى 3,2% ءوستى.
بيىلعى 4 ايىنىڭ قورىتىندىسى بويىنشا قازاقستاندا ءجىو ءوسىمى 3,7% قۇرادى
240 رەت
كورسەتىلدى
بۇگىن پرەمەر-مينيستر باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا 2017 جىلدىڭ 4 ايىنداعى ەكونوميكالىق ءوسىمنىڭ قارقىنى قارالدى, دەپ حابارلايدى primeminister.kz