«بايقاۋدىڭ نەگىزگى ماقساتى – كوپۇلتتى ەلىمىزدە تۇراتىن حالىقتاردىڭ تىلدەرىندە ورىندالاتىن بالالارعا ارنالعان جاڭا اندەر ارقىلى جاس ونەرپازداردىڭ مۋزىكالىق شىعارماشىلىق قابىلەتتەرىن دامىتۋ. كاستينگكە قازىردىڭ وزىندە 100-دەن استام قاتىسۋشى تىركەلدى. مۇنىڭ ءوزى شىعىس ءوڭىرىنىڭ تالانتتى بالالاردان كەندە ەمەس ەكەندىگىن كورسەتەدى», دەدى «جاندانۋ الەمى» قورىنىڭ باسقارما توراعاسى مۇرات يساحانوۆ.
تۇڭعىش پرەزيدەنت قورىنىڭ, مادەنيەت جانە سپورت مينيسترلىگىنىڭ قولداۋىمەن وتكەن بايقاۋ قاتىسۋشىلارىنىڭ ونەرىن «جاندانۋ الەمى» قورىنىڭ باسقارما توراعاسى مۇرات يساحانوۆ, مۋزىكالىق پروديۋسەر فاريدا نيازوۆا جانە ەسترادا جۇلدىزى ماقپال يسابەكوۆا باعالادى.
بايقاۋ قورىتىندىسىندا كاسىبي قازىلاردىڭ شەشىمىمەن ءمادينا جۇماقادىروۆا «بالا داۋىسى» ۇلتتىق ءان بايقاۋىنىڭ وسكەمەندەگى ىرىكتەۋ كەزەڭىنىڭ جەڭىمپازى اتاندى.
ازامات قاسىم, «ەگەمەن قازاقستان»
سۋرەتتى تۇسىرگەن ەسىمحان ورىنباەۆ