ەلىمىزدە 5 ساۋىردەن باستاپ 30 ماۋسىمعا دەيىن حالىقتى ەمحاناعا تىركەۋ ناۋقانى باستالدى. بۇل جۇمىس مىندەتتى الەۋمەتتىك مەديتسينالىق ساقتاندىرۋ ء(مامس) جۇيەسىن ەنگىزۋ شەڭبەرىندە وتكىزىلەدى. ەمحاناعا «ەلەكتروندى ۇكىمەت» پورتالىنداعى ونلاين-قىزمەتىن پايدالانۋ ارقىلى تىركەۋگە بولادى. بۇل رەتتە ەلەكتروندى تسيفرلى قولتاڭبا (ەتسپ) قاجەت ەمەس. قىزمەتتى ونلاين تۇرىندە الۋ ءۇشىن eGov.kz پورتالىندا اۆتوريزاتسيادان ءوتۋ جانە «دەنساۋلىق ساقتاۋ» بولىمىنە ءوتىپ, «العاشقى مەديتسينالىق-سانيتارلىق كومەك كورسەتەتىن مەديتسينا ۇيىمدارىنا تىركەلۋ» دەگەن قىزمەت اتاۋىن تاڭداۋ جەتكىلىكتى. ءارى قاراي «ونلاين سۇراۋ» باتىرماسىن شەرتىپ, ازامات تۋرالى دەرەكتەردى كورسەتە وتىرىپ, سۇراۋدى تولتىرۋ جانە ءوتىنىشتى جىبەرۋ كەرەك. ەمحاناداعى جاۋاپتى قىزمەتكەر سۇرانىمدى الىپ, تىركەلۋ تۋرالى تالون رەسىمدەيدى. قىزمەت تەگىن كورسەتىلەدى, مەرزىمى 1 جۇمىس كۇنىن قۇرايدى. قىزمەت كورسەتۋ رەگلامەنتتىك مەرزىمنەن اسقان جاعدايدا, تىركەلۋ سۇرانىمى جىبەرىلگەن مەديتسينالىق ۇيىمعا جولىققان ءجون. قىزمەت كورسەتۋدىڭ ناتيجەسى جەكە كابينەتتىڭ «قىزمەتتەر الۋ تاريحى» بولىمىندە, تىركەلۋ تۋرالى اقپارات رەتىندە نەمەسە تىركەۋدەن سەبەپپەن باس تارتۋ رەتىندە پايدا بولادى.
«ەگەمەن-اقپارات»