14 مامىر كۇنى بەيجىڭدە قازاقستاننان قىتايعا ەكسپورتتالاتىن بالعا قويىلاتىن سانيتارلىق تالاپتار, ينسپەكتسيا جانە كارانتين جونىندەگى حاتتاماعا قول قويىلدى, دەپ حابارلايدى قازاقپارات.
قۇجاتقا قر اۋىل شارۋاشىلىعى ۆيتسە-ءمينيسترى گۇلميرا يساەۆا مەن قحر-دىڭ ساپانى قاداعالاۋ, ينسپەكتسيا جانە كارانتين جونىندەگى باس باسقارماسىنىڭ (سقيكبب) توراعاسى چجي شۋپين قول قويدى.
«وتكەن جىلدىڭ جازىندا سقيكبب ينسپەكتورلارى قازاقستاندا بولىپ, شىعىس قازاقستانداعى ومارتاشىلارمەن كەزدەسكەن بولاتىن. ولار بىزدە وندىرىلەتىن بالدىڭ الۋان تۇرلىلىگىنە تاڭعالعان ەدى», - دەپ اتاپ ءوتتى گ.يساەۆا.
ونىڭ ايتۋىنشا, حاتتامادا بۇعان دەيىن ءوزارا اقىلداسىپ, زەردەلەنگەن بارلىق قاجەتتى تالاپتار قامتىلعان.
«بۇل وتە ماڭىزدى. سەبەبى ءبىزدىڭ فەرمەرلەر قىتايلىق نارىقتىڭ تالابىن بىلە وتىرىپ, بالدى ەكسپورتتاۋعا مۇمكىندىك الدى», دەپ اتاپ ءوتتى ول.
كەلىسىم قازاقستان پرەزيدەنتى نۇرسۇلتان نازارباەۆتىڭ قىتاي حالىق رەسپۋبليكاسىنا ساپارى بارىسىندا جاسالدى.