سولتۇستىك قازاقستان مەن شىعىس قازاقستان وبلىستارىندا سۋ تاسقىنى سالدارىنان جەكەلەگەن تاسجولدار جابىق كۇيىندە قالۋدا, دەپ حابارلايدى قر ءىىم توتەنشە جاعدايلار كوميتەتى.
سولتۇستىك قازاقستان وبلىسىندا 23 ساۋىردەن باستاپ «چەليابى-ءنوۆوسىبىر» رەسپۋبليكالىق ماڭىزى بار اۆتوجولدىڭ 525-530 شاقىرىم ارالىعىندا كولىكتىڭ بارلىق تۇرلەرىنە قوزعالىس توقتاتىلدى. 24 ساۋىردەن باستاپ «قارعا ارالىنا كىرەبەرىس» وبلىستىق ماڭىزداعى كۇرە جولدىڭ 0-11 شاقىرىم ارالىعى بارلىق كولىك ءۇشىن جابىق تۇر.
شىعىس قازاقستان وبلىسىندا 20 ساۋىردەن باستاپ تيۋبينگتى قۇبىردىڭ شايىلىپ كەتۋىنە بايلانىستى «سەمەي-كۋرچاتوۆ» تاسجولىنىڭ 4-130 شاقىرىم ارالىعى كولىكتىڭ بارلىق تۇرلەرى ءۇشىن جابىق. اينالما جول ۇيىمداستىرىلعان.