2011 جىلعى 11 شىلدە, استانا قالاسى
قازاقستان رەسپۋبليكاسىنىڭ ۇلتتىق مۇراعات قورى قۇجاتتارىن قالىپتاستىرۋ, ساقتاۋ جانە پايدالانۋ سالاسىنداعى تاۋەكەلدەر دارەجەسىن باعالاۋ كريتەريلەرىن بەكىتۋ تۋرالى
«قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسى زاڭىنىڭ 13-بابىنىڭ 3-تارماعىنا جانە «ۇلتتىق مۇراعات قورى جانە مۇراعاتتار تۋرالى» قازاقستان رەسپۋبليكاسى زاڭىنىڭ 18-بابىنىڭ 1-تارماعىنىڭ 20) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ۇلتتىق مۇراعات قورى قۇجاتتارىن قالىپتاستىرۋ, ساقتاۋ جانە پايدالانۋ سالاسىنداعى تاۋەكەلدەر دارەجەسىن باعالاۋ كريتەريلەرى بەكىتىلسىن. 2. قازاقستان رەسپۋبليكاسى بايلانىس جانە اقپارات مينيسترلىگىنىڭ اقپارات جانە مۇراعات كوميتەتى (ب.ت.بەرسەباەۆ): 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) مەملەكەتتىك تىركەۋدەن وتكەننەن كەيىن وسى بۇيرىقتىڭ بۇقارالىق اقپارات قۇرالدارىندا رەسمي جاريالانۋىن جانە قازاقستان رەسپۋبليكاسى بايلانىس جانە اقپارات مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى بايلانىس جانە اقپارات ۆيتسە-ءمينيسترى ن.ن.ورازوۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.مينيستر ا.جۇماعاليەۆ.
قازاقستان رەسپۋبليكاسى بايلانىس جانە اقپارات ءمينيسترىنىڭ 2011 جىلعى 11 شىلدەدەگى № 198 بۇيرىعىمەن بەكىتىلگەن
قازاقستان رەسپۋبليكاسى ۇلتتىق مۇراعات قورى قۇجاتتارىن قالىپتاستىرۋ, ساقتاۋ جانە پايدالانۋ سالاسىنداعى تاۋەكەلدەردى باعالاۋ دارەجەسىنىڭ كريتەريلەرى 1. قازاقستان رەسپۋبليكاسى ۇلتتىق مۇراعات قورى قۇجاتتارىن قالىپتاستىرۋ, ساقتاۋ جانە پايدالانۋ سالاسىنداعى تاۋەكەلدەردى باعالاۋ دارەجەسىنىڭ كريتەريلەرى (بۇدان ءارى - كريتەريلەر) تەكسەرىلەتىن سۋبەكتىلەردى بەلگىلى ءبىر تاۋەكەل توبىنا جاتقىزۋ ماقساتىندا جانە «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسى زاڭىنىڭ 13-بابىنىڭ 3-تارماعىنا جانە «ۇلتتىق مۇراعات قورى جانە مۇراعاتتار تۋرالى» قازاقستان رەسپۋبليكاسى زاڭىنىڭ 18-بابىنىڭ 1-تارماعىنىڭ 20) تارماقشاسىنا سايكەس ازىرلەنگەن. 2. وسى كريتەريلەردە مىناداي ۇعىمدار پايدالانىلادى: 1) تەكسەرىلەتىن سۋبەكتىلەر - قىزمەت بارىسىندا ۇلتتىق مۇراعات قورىنىڭ قۇجاتتارى پايدا بولاتىن مەملەكەتتىك زاڭدى تۇلعالار; سونداي-اق مۇراعات ءىسىن باسقارۋ جانە جۇرگىزۋ ورگاندارى; 2) تاۋەكەل – سالدارىنىڭ اۋىرلىق دارەجەسى ەسكەرىلە وتىرىپ, قازاقستان رەسپۋبليكاسى ۇلتتىق مۇراعات قورى قۇجاتتارى مەن جەكە قۇرام بويىنشا قۇجاتتارعا زيان كەلتىرۋ, جوعالتۋ (جويۋ) ىقتيمالدىلىعى. 3. تاۋەكەل دارەجەسىنە قاراي تەكسەرىلەتىن سۋبەكتىلەر جوعارى, ورتاشا نەمەسە تومەنگى تاۋەكەل توپتارىنا جاتقىزىلادى. 4. العاشقىدا بارلىق تەكسەرىلەتىن سۋبەكتىلەر تومەنگى تاۋەكەل دارەجەسىنە جاتقىزىلادى. تەكسەرىلەتىن سۋبەكتىلەردى تومەنگى تاۋەكەل دارەجەسى توبىنىڭ ىشىنەن باسىمدى ىرىكتەۋ ءۇشىن ساقتاۋداعى قۇجاتتاردىڭ ەڭ ۇلكەن كولەمى نەگىز بولادى. 5. بۇدان ءارى تەكسەرۋ ناتيجەلەرى, كريتەريلەر بويىنشا جيناعان باللداردى ەسەپكە الا وتىرىپ, تەكسەرۋدەن وتكەن تەكسەرىلەتىن سۋبەكت تاۋەكەل دارەجەسىنىڭ ءتيىستى توپتارىنا قايتا بولىنەدى: 1) تاۋەكەل دارەجەسىنىڭ تومەنگى توبىنا تەكسەرۋ ناتيجەسى بويىنشا 1-دەن باستاپ 5-كە دەيىن بالل جيناعان تەكسەرىلەتىن سۋبەكتىلەر جاتادى; 2) تاۋەكەل دارەجەسىنىڭ ورتاشا توبىنا تەكسەرۋ ناتيجەسى بويىنشا 6-دان باستاپ 11-گە دەيىن بالل جيناعان تەكسەرىلەتىن سۋبەكتىلەرى جاتادى; 3) تاۋەكەل دارەجەسىنىڭ جوعارى توبىنا تەكسەرۋ ناتيجەسى بويىنشا 11 باللدان جوعارى جيناعان تەكسەرىلەتىن سۋبەكتىلەر جاتادى. 6. تاۋەكەل دارەجەسىن باعالاۋدىڭ كريتەريلەرى بولىپ مىنالار تابىلادى: قۇجاتتاردى رەسىمدەۋگە قويىلاتىن تالاپتاردىڭ بۇزىلۋى – 1 بالل; قۇجات اينالىمىن ۇيىمداستىرۋعا قويىلاتىن تالاپتاردىڭ بۇزىلۋى - 1 بالل; كەلىسىلگەن ىستەر نومەنكلاتۋراسىنىڭ بولماۋى, ىستەردى قالىپتاستىرۋ مەن مۇراعاتقا بەرۋ ءتارتىبىنىڭ بۇزىلۋى – 1 بالل; ۆەدومستۆولىق مۇراعاتتا ۇلتتىق مۇراعات قورىنىڭ قۇجاتتارىن بەلگىلەنگەن ۋاقىتشا ساقتاۋ مەرزىمدەرى مەن مەملەكەتتىك مۇراعاتقا بەرۋ ءتارتىبىنىڭ بۇزىلۋى– 1 بالل; ۇلتتىق مۇراعات قورىنىڭ قۇجاتتارى مەن جەكە قۇرامى بويىنشا قۇجاتتاردىڭ ەسەبىنىڭ جۇرگىزىلمەۋى – 1 بالل; مەملەكەتتىك جانە ارنايى مەملەكەتتىك مۇراعاتتارداعى ۇلتتىق مۇراعات قورىنىڭ قۇجاتتارى مەن جەكە قۇرامى بويىنشا قۇجاتتارعا عىلىمي-انىقتامالىق اپپارات جۇيەسىنىڭ بولماۋى – 1 بالل; ۇلتتىق مۇراعات قورىنىڭ قۇجاتتارىن ساقتاۋ رەجىمى مەن جاعدايلارىنىڭ بۇزىلۋى – 6 بالل; ۇلتتىق مۇراعات قورىنىڭ قۇجاتتارى مەن جەكە قۇرامى بويىنشا قۇجاتتاردى پايدالانۋ كەزىندە جەكە جانە زاڭدى تۇلعالاردىڭ قۇقىقتارى مەن مۇددەلەرىنىڭ بۇزىلۋى – 6 بالل; قازاقستان رەسپۋبليكاسىنىڭ مادەنيەت جانە اقپارات ءمينيسترىنىڭ م.ا. 2009 جىلعى 25 قىركۇيەكتەگى № 128 بۇيرىعىمەن بەكىتىلگەن, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5834 بولىپ تىركەلگەن مەملەكەتتىك جانە مەملەكەتتىك ەمەس ۇيىمداردىڭ قىزمەتىندە جاسالاتىن ۇلگىلىك قۇجاتتاردىڭ تىزبەسىن ساقتاۋ مەرزىمدەرىن كوسەتە وتىرىپ بەكىتۋمەن بەلگىلەنگەن ساقتاۋ مەرزىمدەرىنىڭ بۇزىلۋى – 6 بالل; مەملەكەتتىك جانە ارنايى مەملەكەتتىك مۇراعاتتاردا ۇلتتىق مۇراعات قورى مەن جەكە قۇرامى بويىنشا قۇجاتتاردىڭ فيزيكالىق, حيميالىق جانە تەحنيكالىق جاي-كۇيىن ەسەپكە الۋدىڭ بولماۋى – 6 بالل; قازاقستان رەسپۋبليكاسى ۇلتتىق مۇراعات قورى مەن جەكە قۇرامى بويىنشا قۇجاتتاردىڭ ساقتالۋىنىڭ قامتاماسىز ەتىلمەۋى – 12 بالل; ۇلتتىق مۇراعات قورى مەن جەكە قۇرامى بويىنشا قۇجاتتاردى مەملەكەتتىك ورگانداردىڭ كەلىسىمىنسىز جويۋ – 12 بالل. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 8 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7112 بولىپ ەنگىزىلدى.