2011 جىلعى 1 ناۋرىز, استانا قالاسى
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ كەيبىر بۇيرىقتارىنا تولىقتىرۋلار ەنگىزۋ تۋرالى
«نورماتيۆتىك قۇقىقتىق اكتىلەر تۋرالى» قازاقستان رەسپۋبليكاسىنىڭ زاڭىنا, قازاقستان رەسپۋبليكاسى پرەزيدەنتىننىڭ 2010 جىلعى 29 قاراشاداعى №1113 جارلىعىمەن بەكىتىلگەن قازاقستان رەسپۋبليكاسىنداعى دەنساۋلىق ساقتاۋ سالاسىن دامىتۋدىڭ «2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىنا جانە قازاقستان رەسپۋبليكاسىنىڭ حالقىنا مەديتسينالىق كومەكتى ۇيىمداستىرۋ ءتارتىبىن جەتىلدىرۋ ماقساتىندا بۇيىرامىن:
1. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مىناداي كەيبىر بۇيرىقتارىنا تولىقتىرۋلار ەنگىزىلسىن:
1) «كونسۋلتاتسيالىق-دياگنوستيكالىق كومەك كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2009 جىلعى 2 قاراشاداعى № 633 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5923 تىركەلگەن, قازاقستان رەسپۋبليكاسىنىڭ ورتالىق اتقارۋشى جانە وزگە ورتالىق مەملەكەتتىك ورگاندارىنىڭ №4 اكتىلەر جيناعىندا جاريالانعان, 2010 جىل).
كورسەتىلگەن بۇيرىقپەن بەكىتىلگەن كونسۋلتاتسيالىق-دياگنوستيكالىق كومەك كورسەتۋ ەرەجەسى:
مىناداي مازمۇنداعى 11 جانە 12- تارماقتارمەن تولىقتىرىلسىن:
«11. رەسپۋبليكالىق بيۋدجەت قاراجاتىنىڭ ەسەبىنەن, ونىڭ ىشىندە موبيلدىك بريگادالار, كونسۋلتاتسيالىق – دياگنوستيكالىق كومەكتىڭ جوسپارلانعان كولەمدەرىن, بيۋدجەتتىك باعدارلامالاردىڭ اكىمشىسى انىقتايدى.
«12. رەسپۋبليكالىق بيۋدجەت قاراجاتىنىڭ ەسەبىنەن كورسەتىلەتىن, كونسۋلتاتسيالىق – دياگنوستيكالىق كومەكتىڭ جوسپارلانعان كولەمىن بيۋدجەتتىك باعدارلامالاردىڭ اكىمشىسى انىقتايدى.
2) «ستاتسيوناردى الماستىراتىن كومەك كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2009 جىلعى 26 قاراشاداعى № 798 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5951 تىركەلگەن, قازاقستان رەسپۋبليكاسىنىڭ ورتالىق اتقارۋشى جانە وزگە ورتالىق مەملەكەتتىك ورگاندارىنىڭ №7 اكتىلەر جيناعىندا جاريالانعان, 2010 جىل).
كورسەتىلگەن بۇيرىقپەن بەكىتىلگەن ستاتسيوناردى الماستىراتىن كومەك كورسەتۋ ەرەجەسىندە: 3- تارماقتا: «(بۇدان ءارى – تمككك) دەگەن سوزدەردەن كەيىن «,ونىڭ ىشىندە رەسپۋبليكالىق بيۋدجەت قاراجاتىنىڭ ەسەبىنەن كورسەتىلەتىن» دەگەن سوزدەرمەن تولىقتىرىلسىن;
مىناداي مازمۇنداعى ەكىنشى جانە ءۇشىنشى ابزاتستارمەن تولىقتىرىلسىن: «رەسپۋبليكالىق بيۋدجەت قاراجاتىنىڭ ەسەبىنەن كورسەتىلەتىن, ستاتسيوناردى الماستىراتىن كومەكتىڭ ەمدەلىپ شىققان جاعدايلارىنىڭ (كولەمدەرىنىڭ) جوسپارلانعان سانىن بيۋدجەتتىك باعدارلامالاردىڭ اكىمشىسى انىقتايدى.
جەرگىلىكتى بيۋدجەت قاراجاتىنىڭ ەسەبىنەن كورسەتىلەتىن ستاتسيوناردى الماستىراتىن كومەكتىڭ ەمدەلىپ شىققان جاعدايلارىنىڭ (كولەمدەرىنىڭ) جوسپارلانعان سانىن بيۋدجەتتىك باعدارلامالاردىڭ اكىمشىسى انىقتايدى.».
2. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (ا.ع.تولەعاليەۆا) وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن.
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ زاڭ دەپارتامەنتى (ك.ا. بالاعۇلوۆا) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ زاڭنامادا بەلگىلەنگەن تارتىپپەن رەسمي جاريالانۋىن قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
5. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى.
ءمينيستردىڭ مىندەتىن اتقارۋشى ە.ءبايجۇنىسوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 31 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6853 بولىپ ەنگىزىلدى.