گۆاردەيسك گارنيزونىندا ورنالاسقان اسكەري بولىمدەردىڭ بىرىندە اسكەري قىزمەتشى ەربول قاپارعا كۇش قولدانىلىپ, سارباز جاق سۇيەگىنەن جاراقات العان. قورعانىس مينيسترلىگى وقيعاعا قاتىستى قىلمىستىق ءىس قوزعالىپ, تەرگەۋ امالدارى جۇرگىزىلىپ جاتقانىن مالىمدەدى, دەپ جازادى Egemen.kz.
بۇدان بولەك لاۋازىمدى ادامداردىڭ ارەكەتتەرىنە قۇقىقتىق باعا بەرىلىپ, قىزمەتتىك تەكسەرۋ جۇرگىزىلگەن.
ناقتى ايتقاندا كادرلىق شەشىم قابىلدانىپ, باسشىلىق قۇرامىنداعى ءتورت لاۋازىمدى تۇلعا: اسكەري ءبولىم كومانديرى, ونىڭ تاربيە جانە يدەولوگيالىق جۇمىس جونىندەگى ورىنباسارى, باتالون كومانديرى جانە روتا كومانديرى قىزمەتتەرىنەن بوساتىلعان.
«اسكەري ءبولىم كومانديرىنىڭ ورىنباسارى – شتاب باستىعىنا, باتالون كومانديرىنىڭ ورىنباسارىنا جانە ونىڭ تاربيە جۇمىسى جونىندەگى ورىنباسارىنا قىزمەتتىك ارەكەتكە سايكەس ەمەس دەپ ەسكەرتۋ جاريالاندى. بىرقاتار وفيتسەرلەر مەن سەرجانتتارعا قاتاڭ تارتىپتىك جازالار قولدانىلدى. قابىلدانعان شارالار اتقارىپ وتىرعان لاۋازىمىنا قاراماستان, دەربەس جانە بۇلتارتپاس جاۋاپكەرشىلىك قاعيداتىن كورسەتەدى. زاڭعا سايكەس بارلىق ءمان-جايعا تۇپكىلىكتى قورىتىندى مەن قۇقىقتىق باعا تەرگەۋ ناتيجەلەرى بويىنشا بەرىلەدى», دەلىنگەن مينيسترلىك تاراتقان حابارلامادا.
قازىر جاراقات العان سارباز الماتى قالاسىنداعى اسكەري-كلينيكالىق گوسپيتالىندە وڭالتۋ كۋرسىنان ءوتىپ جاتىر.
اقتاۋدا مەرزىمدى اسكەري قىزمەتشى قازا تاپتى