جەلكەندى سپورت وقۋ-جاتتىعۋ ورتالىعى قوناەۆ قالاسى اكىمدىگىنىڭ كوممۋنالدىق مەنشىگىنە قابىلداندى. بۇعان دەيىن نىسان «قوناەۆ» اكك» اق-نىڭ تەڭگەرىمىندە بولعان, دەپ جازادى Egemen.kz.
قالا اكىمدىگىنىڭ قاۋلىسىنا سايكەس, قاپشاعاي سۋ قويماسىنىڭ وڭتۇستىك-باتىس جاعالاۋداعى 2 گەكتار اۋماقتى الىپ جاتقان ورتالىق مەملەكەتتىك اكتيۆتەر جانە ساتىپ الۋ بولىمىنە وتەۋسىز بەرىلدى. تەڭگەرىمدىك قۇنى – 31 649 000 تەڭگە.
بۇگىندە قوناەۆتا جەلكەندى قايىق سپورت ءتۇرىن دامىتۋ جوسپارلانعان. بۇل ماقساتتا ەكى جول قاراستىرىلعان: ءبىرى – بيۋدجەت ەسەبىنەن نىساندى جاڭعىرتۋ بولسا, ەكىنشىسى – ينۆەستورلاردى تارتۋ ارقىلى جۇمىستى جانداندىرىپ, عيماراتتى جاڭالاۋ. قازىرگى تاڭدا ينۆەستورلاردان 5 ءتۇرلى جوبا تۇسكەن.
قوناەۆ قالاسى قارقىندى دامىپ كەلەدى
قالا اكىمى اسحات بەردىحانوۆ ماسەلەلەردى تالقىلاۋ باعىتىندا ينۆەستورلارمەن جانە سپورتپەن اينالىساتىن بالالاردىڭ اتا-انالارىمەن كەزدەستى.
ء«بىزدىڭ ماقسات – بالالاردىڭ سپورتپەن شۇعىلدانۋىنا ىڭعايلى جاعداي جاساۋ. بۇعان دەيىن كوڭىل بولىنبەي قالعانى جاسىرىن ەمەس. جەلكەندى قايىق سپورتى – قوناەۆ قالاسىنىڭ ايناسى بولۋعا لايىق سپورت تۇرلەرىنىڭ ءبىرى», دەدى ول.
جيىن قورىتىندىسىندا شاھار باسشىسى وسى تۇيتكىلدى باقىلاۋعا الۋدى اكىم اپپاراتىنا تاپسىردى.
قوناەۆتا جول جاعدايى جاقساردى ما؟
الماتى وبلىسى