2011 جىلعى 7 ماۋسىم, استانا, ۇكىمەت ءۇيى
«بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى № 220 قاۋلىسىنا وزگەرىس ەنگىزۋ تۋرالى
شەتەلدە كادرلار دايارلاۋ حالىقارالىق باعدارلامالارى شەڭبەرىندە ستيپەندياتتاردىڭ وقۋىن جانە عىلىمي تاعىلىمدامادان ءوتۋىن ۇيىمداستىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. «بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 26 اقپانداعى № 220 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 12, 86-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن بيۋدجەتتىڭ اتقارىلۋى جانە وعان كاسسالىق قىزمەت كورسەتۋ ەرەجەسىندە:
156-1-تارماق مىناداي رەداكتسيادا جازىلسىن:
«156-1. شەتەلدە كادرلار دايارلاۋدىڭ حالىقارالىق باعدارلامالارى شەڭبەرىندە ستيپەندياتتاردىڭ وقۋىن جانە عىلىمي تاعىلىمدامادان ءوتۋىن ۇيىمداستىرۋ ماقساتىندا 154 «ستيپەندياتتاردىڭ شەتەلدە وقۋىنا تولەۋ» ەكونوميكالىق شىعىستار سىنىپتاماسىنىڭ ەرەكشەلىگى بويىنشا اقى تولەۋ قازاقستان رەسپۋبليكاسىنىڭ ۇكىمەتى شەتەلدە كادرلار دايارلاۋ مەن قايتا دايارلاۋ جانە بىلىكتىلىگىن ارتتىرۋ حالىقارالىق باعدارلامالارىن, ونىڭ ىشىندە قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىن ىسكە اسىرۋ جونىندەگى قىزمەتتەردى بەرۋشى ەتىپ انىقتاعان زاڭدى تۇلعانىڭ (بۇدان ءارى – حالىقارالىق باعدارلامالار ورتالىعى) ءوتىنىمىن قوسا بەرە وتىرىپ, تولەۋگە بەرىلگەن شوتتىڭ نەگىزىندە جۇزەگە اسىرىلادى.
حالىقارالىق باعدارلامالار ورتالىعى ءوزىنىڭ بانكتىك شوتىنا اقشالاي قاراجات تۇسكەن ساتتەن باستاپ ون بەس جۇمىس كۇنى ىشىندە شەتەلدىڭ جوعارى وقۋ ورىندارىنا (الەمنىڭ عىلىمي ورتالىقتارى مەن زەرتحانالارىنا), ستيپەندياتتارعا, سونداي-اق حالىقارالىق باعدارلامالار ورتالىعى «قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 11 ماۋسىمداعى № 573 قاۋلىسىندا كوزدەلگەن قىزمەتتەردى كورسەتۋگە شارت جاساسقان ۇيىمدارعا شەتەلدە كادرلار دايارلاۋدىڭ حالىقارالىق باعدارلامالارى شەڭبەرىندە ستيپەندياتتاردىڭ وقۋىن جانە عىلىمي تاعىلىمدامادان ءوتۋىن ۇيىمداستىرۋ ءۇشىن اقشالاي قاراجاتتى اۋدارۋدى جۇزەگە اسىرادى.
ءبىلىم بەرۋ سالاسىنداعى ۋاكىلەتتى ورگان اي سايىن ەسەپتى ايدان كەيىنگى ايدىڭ ءبىرى كۇنىنە حالىقارالىق باعدارلامالار ورتالىعىمەن شەتەلدە كادرلار دايارلاۋدىڭ حالىقارالىق باعدارلامالارى شەڭبەرىندە ستيپەندياتتاردىڭ وقۋىن جانە عىلىمي تاعىلىمدامادان ءوتۋىن ۇيىمداستىرۋ ءۇشىن اقى تولەۋگە بولىنگەن اقشالاي قاراجاتتى وزدەرىنىڭ پايدالانۋى جونىندە سالىستىرۋ اكتىسىن جاسايدى.».
2. وسى قاۋلى العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك. ءماسىموۆ.