جۋىردا شۆاينفۋرت قالاسىندا ەلىمىزدەن گەرمانياعا كوشىپ بارعان ءبىر توپ ازاماتتاردىڭ ۇيىمداستىرۋىمەن توعىزقۇمالاقتان ەل تاۋەلسىزدىگىنىڭ 20 جىلدىعىنا ارنالعان تۋرنير بولىپ ءوتتى.
ءتۋرنيردى ۇيىمداستىرۋشىلاردىڭ ءبىرى قازىر گەرمانيادا تۇراتىن يۋري نولد دەگەن ازامات بولدى. ول بىلتىر استانادا تۇڭعىش رەت توعىزقۇمالاقتان وتكەن الەم چەمپيوناتىنا قاتىسىپ, وسى كۇندەرى ەۋروپادا ۇلتتىق ويىنىمىزدىڭ ناسيحاتتالۋىنا كوپ ەڭبەك ەتىپ كەلەدى. ءتۋرنيردىڭ اشىلۋ سالتاناتىندا قازاقستان ەلشىلىگىنىڭ وكىلدەرى توعىزقۇمالاقتىڭ شىعۋ تاريحى تۋرالى كەڭىرەك اڭگىمەلەدى.
ەل تاۋەلسىزدىگىنىڭ 20 جىلدىعىنا ارنالعان تۋرنير ودان ءارى جالعاساتىن بولادى. گەرمانياداعى قازاقستان ەلشىلىگى بەرلين قالاسىندا وسىناۋ ۇلتتىق ويىنىمىزدان تاعى دا تۋرنير ۇيىمداستىرۋدى ماقسات ەتىپ وتىر.
داستان كەنجالين.