تەڭبىل دوپ تەۋىپ ەرلەدى

«كازكا» قازاقستان كاسىپ­كەر­لە­رىنىڭ اسسوتسياتسياسى 2011 جى­لى 1 شىلدەدە  فۋتبولدان تۋرنير ءوت­كىزدى. وعان قاتىسۋشى 30 كو­مان­دانىڭ اراسىندا «KazEnergy» اس­سوتسياتسياسىنىڭ اتىنان ءتۇس­كەن  «قازترانسگاز» اكتسيونەرلىك قوعا­مى­نىڭ كومان­داسى  ءبىرىنشى ورىن­دى جەڭىپ ال­دى. تۋرنير ال­ماتى قالاسىن­داعى «Football Land» فۋتبول ورتالىعىنىڭ الاڭ­دا­رىندا ءوت­تى. باسەكەگە ءتۇس­كەن فۋت­بول­شى­لاردىڭ ونەرىن تا­ما­شالاۋعا جان­­كۇيەرلەرمەن بىرگە جۇرتشى­لىق تا كوپ جينالدى. سونىمەن ىلە-شالا «قازترانس­گاز» اق كومانداسى ۇستىمىزدەگى جىل­دىڭ 30 شىلدەسىندە Gazprom Germania كومپانياسىنىڭ شاقى­رۋى­مەن بەرلين قالاسىندا وتكەن حالىقارالىق فۋتبول سايىسىنا ساپ تۇزەپ سىنعا ءتۇستى. وعان جەتى مەملەكەتتەن كەلگەن 12 كوماندا قاتىستى. اتاپ ايتار بولساق, ولار گەرمانيا, ۇلىبريتانيا, شۆەيتساريا, رەسەي, تۇركيا, قازاقستان جانە چەحيا ءتارىزدى ەلدەردىڭ كو­ماندالارى ەدى. «قازترانسگاز» اكتسيونەرلىك قوعامىنىڭ كومانداسى بۇل تۋرنيرگە تۇڭعىش رەت قاتىسىپ, تابان تىرەسكەن تارتىستا ءۇشىنشى ورىن­دى جەڭىپ الدى. جىگىتتەرىمىز تەڭبىل دوپ تەۋىپ ەرلەدى. جەرلەستەرىمىز جارتىلاي فينالدا FC Schalke 04 (شالكە 04) كومانداسىنان 0:1 ەسەپپەن ۇتىلعانىنا قاراماستان, 3-ءشى ورىنعا تالاسقان ماتچتا Hertha (گەرتا) كومانداسىن 3:0 ەسەبىمەن جەڭىپ شىقتى. «قازترانسگاز» اق كومانداسىنىڭ ويىنشىسى ەرلان ورازاەۆ دودالى جارىستا شالت قيمىلداپ ايشىقتى ويىن ورنە­گىمەن ەرەكشەلەنىپ, قاقپاعا دوپ سوعۋشى ەڭ ۇزدىك سۇرمەرگەن دەگەن  اتاقتى قانجىعاسىنا بايلادى. اتاپ ايتاتىن ءبىر جايت,      «قاز­ترانسگاز» اكتسيونەرلىك قو­عامى 2000 جىلى مۇناي-گاز سالا­سىنداعى جۇمىستاردى جۇيەلەن­دىرۋ ءۇشىن قۇرىلعان بولاتىن. كومپانيا قا­زىرگى ۋاقىتتا گاز بارلاۋ, ءوندىرۋ, تاسىمالداۋ جانە ءبولۋ كەزىندە اكتيۆتەردى  كورپوراتيۆتىك باسقارۋ بو­يىنشا قىزمەتتى جۇزەگە اسى­رادى. «قازترانسگاز» اق كوم­پا­نيالارى توبىنىڭ قۇرامىنا گاز ءوندىرۋشى, تاسىمالداۋشى جانە ساتۋمەن اينالىساتىن, سونىمەن بىرگە ونىڭ ونىمدەرىن وڭدەۋشى كاسىپ­ورىندار مەن سەرۆيستىك قىزمەتتەر كورسەتۋشى ۇيىمدار كىرەدى. ىرگەلى دە كۇردەلى جۇمىستار اتقارىپ وتىرعان كومپانيا ەنشىلەس جانە سالالاس كاسىپورىن­دارىنىڭ الەۋ­مەت­تىك ماسەلەسىنە دە ءاردايىم نازار اۋدارىپ كەلەدى. سونىڭ ناقتى ايعاعىنداي – جۇمىسكەرلەردىڭ الەۋ­­مەتتىك-مادەني تىرشىلىگى جىل­دان جىلعا جاقسارۋ ۇستىندە. سا­لاماتتى ءومىر سالتىن قالىپ­تاس­تىرۋدى داستۇرگە اينالدىرعان كوم­پانيانىڭ ساۋاپتى ءىسى وركەن جايىپ, ءورىسى كەڭەيەتىندىگىنە ءشۇبا جوق. مارات اققۇل.