مادەنيەت مينيسترلىگىنىڭ تاپسىرىسى بويىنشا «قازاقستاننىڭ ازاماتتىق اليانسى» مەن «سامۇرىق» يننوۆاتسيالىق يدەيالاردى دامىتۋ ورتالىعى» ەل تاۋەلسىزدىگىنىڭ 20 جىلدىعىنا وراي قىزىلوردا قالاسىندا «20 جىلعا – 20 تۋىندى» اتتى قولونەر شەبەرلەرىنىڭ كورمەسىن وتكىزدى. سونداي-اق «قازاقستان – 20 جىل, تەك قانا العا» ۇرانىمەن جاستار اكتسياسى دا بولدى.
«20 جىلعا – 20 تۋىندى» اتتى قولونەر شەبەرلەرىنىڭ كورمەسىنە مەرەيلى مەرەكەنى ناسيحاتتايتىن, تاۋەلسىزدىكتىڭ جارشىسىن بەينەلەگەن ءتۇرلى قولونەر بۇيىمدارى قويىلدى. ءاربىر تۋىندىدان ەلىمىزدىڭ ەرتەڭى سانالاتىن جاستار بۋىنىنىڭ جارقىن بولاشاققا دەگەن ۇمتىلىسىن بايقاۋعا بولادى.
جاستاردىڭ وزىندىك يدەياسىمەن ەل ەگەمەندىگىن ۇرانداعان وسىنداي ەڭبەكتەرىنىڭ كورمەسى وبلىستىق بايقاۋ تۇرىندە ۇيىمداستىرىلىپ, ۇزدىك ونەر تۋىندىسى يەلەرىنە ارنايى باعالى سىيلىقتار مەن العىس حاتتار تابىستالدى.
ەرجان بايتىلەس, قىزىلوردا.