اتىراۋ ەكولوگتەرى مۇناي وڭدەۋ زاۋىتىن ءالى تەكسەرىپ جاتىر

وبلىستىق ەكولوگيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, جوسپاردان تىس تەكسەرۋ 11 اقپاندا اياقتالۋى ءتيىس بولعان.

«تەكسەرۋ مەرزىمى 12 اقپاندا ۇزارتىلدى. ەندى تەكسەرۋ 25 اقپانعا دەيىن جالعاسادى», دەپ حابارلادى دەپارتامەنتتىڭ ءباسپاسوز قىزمەتى.

قاڭتاردا شاھار تۇرعىندارى اۋادا جاعىمسىز ءيىس سەزىلگەنىنە بايلانىستى شاعىم ايتتى. سوعان بايلانىستى «قازگيدرومەت» اتىراۋ وبلىستىق فيليالىنىڭ ماماندارى مەن ەكولوگتەر ارنايى مونيتورينگ جۇرگىزدى.

اتىراۋ ەكولوگتەرى تابيعاتتى لاستاۋشىلارعا 2,3 ترلن ايىپپۇل سالدى

وبلىستىق ەكولوگيا دەپارتامەنتى باسشىسىنىڭ ورىنباسارى ەرلان ەسەنوۆتىڭ مالىمەتىنشە, تەكسەرۋ كەزىندە كۇكىرت سۋتەگى مەن كومىرتەك وكسيدىنىڭ مولشەرى رۇقسات ەتىلگەن شەكتى كونتسەنتراتسيادان بىرنەشە ەسە اسقانى انىقتالعان. ناقتىراق ايتقاندا, كەڭوزەك اۋىلدىق وكرۋگىندەگى تاسقالا اۋىلىنىڭ تۇسىندا كۇكىرت سۋتەگىنىڭ مولشەرى – 17,5, ىرگەلەس اۋماقتاردا 15 ەسەگە دەيىن جەتكەن. ەڭ سوراقىسى, «حيميكتەر» اۋىلىندا بۇل كورسەتكىش 36,3 ەسەگە دەيىن ارتقانى تىركەلدى.

جاس ەكولوگتەردىڭ وزىق جوبالارى