دزيۋدودان الەم چەمپيوناتىنىڭ كۇمىس جانە قولا جۇلدەگەرى, ازيا چەمپيوناتتارىنىڭ بىرنەشە دۇركىن جەڭىمپازى ءابيبا ابۋجاقىنوۆا اتا زاڭنىڭ جاڭا جوباسىن قابىلداۋعا ارنالعان رەسپۋبليكالىق رەفەرەندۋمعا قاتىستى پىكىرىن ءبىلدىردى, دەپ جازادى Egemen.kz.
سپورتشى دزيۋدوداعى ءاربىر جەڭىس تاتاميگە شىققان ساتتەن باستالمايتىنىن, ول ەڭ الدىمەن تەمىردەي تارتىپتەن, تاباندىلىقتان جانە ەرەجەنى جەتىك بىلۋدەن باستالاتىنىن ايتتى.
بەيبىت سارىباي: رەفەرەندۋم – ەلدىڭ كەلەشەگىن ايقىندايتىن ماڭىزدى ساياسي اكت
«سپورتشى ءۇشىن ءار ءادىس, ءار قيمىل – سانسىز ساعاتتىق جاتتىعۋدىڭ, ماڭداي تەردىڭ جانە ءوز-ءوزىڭدى ۇنەمى شىڭداۋدىڭ ناتيجەسى. شەشۋشى ساتتە جاۋاپكەرشىلىكتى تولىقتاي ءوز موينىڭا الىپ, ءبىر عانا ساتتە دۇرىس شەشىم قابىلداي ءبىلۋ – ناعىز جەڭىستىڭ كىلتى.
تاتاميگە شىققاندا سەن تەك ءوزىڭ ءۇشىن ەمەس, ارتىڭداعى ەلدىڭ, ميلليونداعان جانكۇيەردىڭ ءۇمىتى ءۇشىن كۇرەسەسىڭ. سول سەنىم مەن قولداۋ سوڭىنا دەيىن بەرىسپەۋگە, بار كۇش-جىگەرىڭدى سالۋعا جىگەر بەرەدى. ۇلكەن سپورتتا تابىس – وزىڭە ادال بولۋدان, تاڭداعان جولىڭا بەرىك بولۋدان, قيىندىققا مويىماۋدان باستالادى», دەدى سپورتشى.
ەربولات تولەگەن: كونستيتۋتسياداعى وزگەرىستەر مەملەكەتىمىزدىڭ دامۋ باعىتىن ايقىندايدى
ءابيبانىڭ ايتۋىنشا ءومىردىڭ ءوزى دە ۇلكەن سپورت سەكىلدى. ول دا ءتارتىپتى, جاۋاپكەرشىلىكتى, سانالى شەشىم قابىلداۋدى تالاپ ەتەدى.
«اسىرەسە ەل تاعدىرىنا قاتىستى ماڭىزدى ساتتەردە ءار ازاماتتىڭ ۇستانىمى مەن تاڭداۋى ايرىقشا مانگە يە. الداعى جاڭا كونستيتۋتسيا بويىنشا وتەتىن رەفەرەندۋم – بارشامىز ءۇشىن سونداي جاۋاپتى كەزەڭ. نەگىزگى زاڭعا ەنگىزىلەتىن وزگەرىستەر ءادىل قوعام قۇرۋعا, ءار ازاماتقا تەڭ مۇمكىندىك بەرۋگە, جاستاردىڭ قۇقىقتارىن قورعاۋعا باعىتتالعان. 15 ناۋرىزدا مەن ەلىمىزدىڭ بولاشاعى ءۇشىن ماڭىزدى تاڭداۋ جاساپ, رەفورمالاردى قولداپ, رەفەرەندۋمعا قاتىسامىن. سەبەبى ەل تاعدىرى – ارقايسىمىزدىڭ قولىمىزدا», دەدى ول.
تانىمال اكتەر ەركەبۇلان دايىروۆ رەفەرەندۋمدى قولدادى