...3 نىسان ىسكە قوسىلدى
ۇدەمەلى يندۋستريالىق-يننوۆاتسيالىق دامۋ باعدارلاماسى بويىنشا بيىل ءوندىرىستى وڭىردە جاڭادان اشىلاتىن نىساندار از ەمەس. بۇگىندە سولاردىڭ الدى قاتارعا قوسىلىپ تا جاتىر. سونىڭ ىشىندە ۇشەۋى جۇمىسقا كىرىسىپ كەتتى. بۇلار پلاستيكالىق شولمەكتەر, جىلۋدى ساقتايتىن ارنايى قۇرىلىس ماتەريالدارىن جانە جولعا توسەلەتىن قيىرشىق تاس دايىندايتىن زاۋىتتار. جىلىنا 23 ميلليون ءشولمەك شىعاراتىن كاسىپورىن بۇل بۇيىمعا سۇرانىستى قاناعاتتاندىرا السا, قالعان ەكەۋىنىڭ دە ونىمدەرى ءوتىمدى بولعالى تۇر.
ايقىن نەسىپباي, قاراعاندى.
...جەكە بالاباقشا اشىلدى
وبلىس ورتالىعىندا «بالاپان» باعدارلاماسىنىڭ اياسىندا اشىلعان جەكە مەنشىكتەگى بالاباقشا «كەن جانە باربي» دەپ اتالادى.
ەكى قاباتتى بالاباقشانىڭ بۇلدىرشىندەر دەمالاتىن, جۋىناتىن جانە اس ىشەتىن بولمەلەرى بارلىق سانيتارلىق تالاپتارعا ساي جاراقتاندىرىلعان. جەكە مەنشىكتەگى مەكتەپكە دەيىنگى بالالار مەكەمەسى 80 بالانى قابىلدايدى. بالاباقشا عيماراتىنىڭ قۇرىلىسىنا 90 ميلليون تەڭگە قارجى جۇمسالعان. سونداي-اق, بالاباقشادا جوعارى ساناتتى پەدياتر دارىگەرلەر مەن پسيحولوگ ماماندار جۇمىس ىستەيدى. بۇل قالاداعى التىنشى جەكە بالاباقشا. ال بيىل جاڭاقونىس جانە وڭتۇستىك باتىس اۋداندارىندا 150 ورىندىق بالاباقشانىڭ قۇرىلىسى باستالادى. قالالىق ءبىلىم ءبولىمى باستىعىنىڭ مىندەتىن اتقارۋشى ءلاززات ورازباەۆانىڭ ايتۋىنشا, قازىرگى تاڭدا قالادا 15 مىڭ ءبۇلدىرشىن بالاباقشا كەزەگىندە تۇر.
ساتىبالدى ءساۋىرباي, اقتوبە وبلىسى.
...باєدارلاما – بانك سالىمشىلارىنا
«قازاقستاننىڭ تۇرعىن ءۇي-قۇرىلىس جيناق بانكى» اق باتىس قازاقستان وبلىستىق فيليالى جاڭا باعدارلامانى ىسكە اسىرۋعا كىرىستى. سوعان سايكەس بيىل ورال قالاسىنداعى استانا شاعىن اۋدانىندا بەس قاباتتى 90 پاتەرلىك العاشقى ءۇي پايدالانۋعا بەرىلمەك. بۇل ءۇي اتالعان بانكتىڭ بۇعان دەيىنگى سالىمشىلارىنا ارنالعان. ولار ونى بەس پايىزدىق جەڭىلدىكپەن الۋلارىنا مۇمكىندىكتەرى بار.
ال قاراجات جيناۋدى جاڭادان باستاعاندار جاڭادان باستاعاندارمەن بولاشاق سالىمشىلار ءۇشىن ون-ون ەكى پايىزدىق كولەم بەلگىلەنگەن. ەگەر ولار كەيىنگى سالىناتىن ۇيلەرگە قۇجات تاپسىرسا جوعارىدا ايتىلعان 5 پايىزدىق جەڭىلدىك ساقتالماق. اتالعان جاڭا بانك باعدارلاماسى بويىنشا تامىز ايىندا وبلىس ورتالىعىندا تاعى دا 90 پاتەرلىك ءۇش ءۇيدىڭ قۇرىلىسى باستالماق. گازەت تىلشىسىنە فيليال ديرەكتورى قۋانىشبەك حامزين وسىلاي دەپ مالىمدەدى.
تەمىر قۇسايىن, ورال.
جۋرناليستەر اراسىنداعى بايقاۋ
ءوڭىر باسشىسى سەرىك ءبىلالوۆ ەل تاۋەلسىزدىگىنىڭ 20 جىلدىعىنا ارناپ بۇقارالىق اقپارات قۇرالدارى وكىلدەرى اراسىندا ءبايگە جاريالادى. ول «ءسولتۇستىك قازاقستان وبلىسى تاۋەلسىزدىك جىلدارىندا» دەپ اتالادى. جەڭىمپازدار «مەرزىمدىك باسىلىمدارداعى ۇزدىك ماقالا», «ءۇزدىك ۆەب-سايت», «تەلەديدارداعى ۇزدىك سيۋجەت, باعدارلاما», «رەجيسسەر, بەينەوپەراتور, مونتاجشىنىڭ ءۇزدىك جۇمىسى» نوميناتسيالارى بويىنشا ماراپاتتالادى. ءار سىياقىنىڭ مولشەرى 250 مىڭ تەڭگە بولىپ بەلگىلەندى.
كونكۋرس قورىتىندىسى جىل اياعىندا شىعارىلادى.
ءومىر ەسقالي, سولتۇستىك قازاقستان وبلىسى.