كەشە پارلامەنت سەناتىندا جوعارى پالاتا توراعاسى قايرات ءمامي مەن يسلام ىنتىماقتاستىعى ۇيىمىنىڭ سىرتقى ىستەر مينيسترلەرى 38-كەڭەسىنىڭ جۇمىسىنا قاتىسۋ ءۇشىن استاناعا كەلگەن ەۋروپا كەڭەسى پارلامەنتتىك اسسامبلەياسىنىڭ توراعاسى مەۆليۋت چاۆۋشوعلىنىڭ كەزدەسۋى بولدى, دەپ حابارلادى پارلامەنت سەناتىنىڭ ءباسپاسوز قىزمەتى.
ق.ءمامي ءوزارا پارلامەنتارالىق ىنتىماقتاستىق تۋرالى كەلىسىمگە قول قويىلعان كەزدەن باستاپ ءوزارا ءىس-قيمىل تولىق تۇسىنىستىك پەن سەنىم نەگىزىندە دامىپ كەلە جاتقانىن اتاپ ءوتتى.
«ءبىز ەكپا-نى ماڭىزدى ساياسي ارىپتەس قاراستىرامىز جانە بۇدان بىلاي سىندارلى ىنتىماقتاستىقتى دامىتۋعا مۇددەلىمىز», دەدى توراعا.
ق.ءمامي سونداي-اق قازاقستان مەن ەۋروپا كەڭەسى اراسىنداعى ساياسي ۇنقاتىسۋدى ودان ءارى نىعايتۋدا پارلامەنتارالىق بايلانىستاردىڭ ماڭىزدىلىعىن اتاپ ءوتتى.
م.چاۆۋشوعلى قازاقستاننىڭ يسلام ىنتىماقتاستىعى ۇيىمىنا توراعالىق ەتۋىمەن قۇتتىقتادى جانە «پرەزيدەنت ن.نازارباەۆتىڭ ەۋروپالىق جانە ازيالىق ىقپالداستىق تۋرالى باستامالارى يىۇ اياسىندا تابىستى ىلگەرىلەيتىن بولادى», دەپ سەنىم ءبىلدىردى.