و.جاۋتىكوۆ اتىنداعى رەسپۋبليكالىق مامانداندىرىلعان دارىندى بالالارعا ارنالعان فيزيكا-ماتەماتيكا ورتا مەكتەپ-ينتەرناتىنىڭ تۇلەكتەرى بيىلعى ۇبت سىناعىن جوعارعى كورسەتكىشپەن ءتامامدادى. مەكتەپ بويىنشا ورتاشا بالل – 109,4. ال 59 شاكىرت «التىن بەلگى» سىنىنان سۇرىنبەي ءوتىپ, 33 شاكىرت ۇزدىك اتتەستات يەگەرى اتاندى. بىلتىرعى كورسەتكىش بويىنشا مەكتەپتىڭ 88 تۇلەگى «التىن بەلگى» مەن ەرەكشە ۇلگىدەگى كۋالىككە يە بولسا, بيىلعى ناتيجە – 92 ۇزدىك تۇلەك.
قىرىق جىلعا جۋىق تاريحى بار كيەلى ءبىلىم ورداسىنان تۇلەپ ۇشقان شاكىرتتەر بۇگىندە الەمنىڭ ايتۋلى وقۋ ورىندارىندا ءبىلىم الۋىن جالعاستىرىپ جاتىر. سونىمەن قاتار بىلتىر 33 تۇلەك پرەزيدەنت نازارباەۆ اتىنداعى ۋنيۆەرسيتەتتىڭ ستۋدەنتى اتاندى.
و.جاۋتىكوۆ اتىنداعى رمفمومي تۇلەكتەرىنىڭ الداعى ۋاقىتتا دا قازاقستان عىلىمى مەن ەكونوميكاسىن, ساياساتى مەن مادەنيەتىن جاڭا بەلەسكە كوتەرەتىن مامان بولىپ شىعاتىنىنا سەنىم مول, سول سەبەپتى دە جوعارى وقۋ ورىندارى تاراپىنان بۇل وقۋ ورداسىن بىتىرۋشىگە سۇرانىس ارتۋدا. وعان ايعاق, قبتۋ مەن ءال-فارابي اتىنداعى قازۇۋ وسى رمفمومي ءتۇلەكتەرىنە اتاۋلى گرانت ءبولىپ وتىر. «قازاتومپروم» اكتسيونەرلىك قوعامى رەسەي مەن فرانتسيانىڭ جوعارى وقۋ ورىندارىندا ءبىلىم الۋ ءۇشىن وسى وقۋ ورنىن بىتىرگەن شاكىرتتەرگە ءبىلىم گرانتتارىن ءبولدى. وسىنداي ۇلكەن ساپاعا قول جەتكىزۋ جولىندا اكادەميك و.جاۋتىكوۆ اتىن يەلەنگەن ءبىلىم ۇستاحاناسى 17 ەلدە وتكەن 31 حالىقارالىق وليمپيادادان 101 جۇلدەلى ورىن, ارنايى ديپلومدار مەن ماقتاۋ قاعازدارىن السا, رەسپۋبليكالىق وليمپيادادان 33 مەدال يەگەرى مەن رەسپۋبليكالىق عىلىمي جوبا جارىسىنان 12 جەڭىمپاز شاكىرت شىعارىپ وتىر.
بيىلعى ۇبت سىنىندا احمەت ەرمەك پەن جۇمان قۋانىش سەكىلدى وقۋشىلاردىڭ 124 بالعا يە بولۋى, تاعى دا ءۇش شاكىرتتىڭ 123 بالل جيناۋى اتالمىش ءبىلىم ورداسىنىڭ دەڭگەيىن تانىتسا كەرەك. ءبىلىمدار شاكىرت, دەگدار مامان دايىنداپ شىعاراتىن وقۋ ورنى ماۋسىمنىڭ 21-25 ارالىعىندا قابىلداۋ ەمتيحاندارىن وتكىزۋدى جوسپارلاپ وتىر. ەمتيحانداردى قازاق جانە ورىس تىلدەرىن جەتىك بىلەتىن 8-9 سىنىپ ءبىتىرۋشى وقۋشىلار تاپسىرا الادى. ەلىمىزدىڭ وزگە وبلىستارىنان, شالعاي اۋداندارىنان كەلگەن ۇمىتكەرلەرگە تەگىن جاتاقحانا دا قاراستىرىلعان. ءبىر سوزبەن ايتقاندا, ءبىلىمىمدى شىڭدايمىن, تالابىمدى ۇشتايمىن دەگەن ىزدەنىمپاز جاس بۋىن ءۇشىن باقتى ءبىر سىناپ قالاتىن مۇمكىنشىلىك بار.
قانات ەسكەندىر, الماتى.