2011 جىلعى 16 ناۋرىز №146 استانا قالاسى
ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيداسىن بەكىتۋ تۋرالى
«تەمىر جول كولىگى تۋرالى» قازاقستان رەسپۋبليكاسى زاڭىنىڭ 14-بابى 2-تارماعىنىڭ 17) تارماقشاسىنا سايكەس بۇيىرامىن:
1. قوسا بەرىلىپ وتىرعان ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيداسى بەكىتىلسىن.
2. «ۆاگوندار (كونتەينەرلەر) وپەراتورى قىزمەتىنىڭ ەرەجەسىن بەكىتۋ تۋرالى» كولىك جانە كوممۋنيكاتسيالار ءمينيسترىنىڭ 2004 جىلعى 13 قىركۇيەكتەگى №345-ءى بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3088 بولىپ تىركەلگەن, 2004 ج., 6 قاراشادا №45 (202) «وفيتسيالنايا گازەتا», قۇقىقتىق نورماتيۆتىك اكتىلەر جانە قازاقستان رەسپۋبليكاسى وزگە دە مەملەكەتتىك ورگاندار بيۋللەتەنىندە 2005 ج., № 1, 3-بابى) كۇشى جويىلدى دەپ تانىلسىن.
3. قازاقستان رەسپۋبليكاسى كولىك جانە كوممۋنيكاتسيا مينيسترلىگىنىڭ كولىك جانە قاتىناس جولدارى كوميتەتى (ن.ي.قيلىباي) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋ ءۇشىن ۇسىنۋدى قامتاماسىز ەتسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگىنىڭ ۆيتسە-ءمينيسترى ە.س.دۇيسەنباەۆقا جۇكتەلسىن.
5. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ءا.قۇسايىنوۆ.
قازاقستان رەسپۋبليكاسى كولىك جانە كوممۋنيكاتسيا ءمينيسترىنىڭ 2011 جىلعى 19 ءcاۋىر № 6894 بۇيرىعىمەن بەكىتىلگەن
ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيداسى
1. جالپى ەرەجە
1. وسى ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ قاعيداسى (بۇدان ءارى – قاعيدا) «تەمىر جول كولىگى تۋرالى» قازاقستان رەسپۋبليكاسىنىڭ 2001 جىلعى 8 جەلتوقسانداعى زاڭىنا سايكەس ازىرلەنگەن, ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ ءتارتىبىن بەلگىلەيدى جانە ونىڭ تاسىمالداۋ پروتسەسىنە قاتىسۋشىلارمەن ءوزارا قارىم-قاتىناسىن رەتتەيدى.
2. وسى قاعيدادا ۆاگونداردىڭ (كونتەينەردىڭ) وپەراتورى رەتىندە جەكە مەنشىك قۇقىعىندا نەمەسە وزگە زاڭ نەگىزدەمەلەرىندە, ۆاگون وپەراتورىنىڭ قىزمەت كورسەتۋ جولىمەن تاسىمالداۋ ۇدەرىسىندە تاسىمالداۋشىمەن شارت نەگىزىندە قاتىساتىن جانە تاسىمالداۋ قۇجاتتارىندا كورسەتىلگەن تۇلعا بولىپ تابىلادى.
3. ۆاگوندار (كونتەينەرلەر) وپەراتورىنىڭ قىزمەت ەتۋ ماقساتى ۆاگوندار (كونتەينەرلەردى) وپەراتور قىزمەتىن كورسەتۋ بولىپ تابىلادى, سونداي-اق قازاقستان رەسپۋبليكاسىنىڭ زاڭناماسىنا سايكەس تەمىر جول كولىگى تۋرالى تەمىر جول كولىگىنىڭ سالاسىنىڭ وزگە دە قىزمەتتەرىن جۇزەگە اسىرۋ بولىپ تابىلادى.
4. ۆاگوندار (كونتەينەرلەر) وپەراتورىنىڭ قىزمەتى (بۇدان ءارى – وپەراتور) جۇكتەردى ۆاگوندارمەن تاسىمالداۋدى قامتاماسىز ەتۋ قاجەتتىلىگىن قاناتتاندىرۋعا باعىتتالعان.
وپەراتور ءتيىمدى پايدالانۋدى جانە ءوزىنىڭ جىلجىمالى قۇرامىن باسقارۋ جانە ستانتسيالار بويىنشا بوس ۆاگونداردى (كونتەينەرلەردى) ورنالاستىرۋدى قامتاماسىز ەتەدى.
ۆاگوندارمەن (كونتەينەرلەرمەن) تاسىمالداۋ ۇدەرىسىن قامتاماسىز ەتۋ تاسىمالداۋعا دايىندالعان بوس جۇك ۆاگوندارىن (كونتەينەرلەردى) جۇك جونەلتۋشى بەلگىلەنگەن ۋاقىتتا جانە ونىڭ كورسەتكەن ورنىندا ۇسىنۋدى قامتيدى.
ۆاگونداردىڭ (كونتەينەرلەردىڭ) قوزعالىسىن باسقارۋ جانە ورنالاستىرۋ جۇكتى ۆاگوندارمەن (كونتەينەرلەرمەن) تاسىمالداۋ قاجەتتىلىگى بار جانە جۇك جونەلتۋشىنىڭ وتىنىشىنە سايكەس تەمىر جول ستانتسيالارى اراسىنداعى ۆاگوندار (كونتەينەرلەر) اينالىمىن رەتتەۋدى قامتيدى.
5. قىزمەت كورسەتۋ بارىسىندا وپەراتور كەلەسى قاعيداتتاردى باسشىلىققا الادى:
جۇك جونەلتۋشىلەردىڭ قاجەتتىلىگىن جەدەل قاناعاتتاندىرۋ;
ۆاگونداردىڭ (كونتەينەرلەردىڭ) جۇمىس پاركىن يكەمدى پايدالانۋ;
ۆاگونداردى جالعا الۋعا شەك قويۋ جانە ۆاگونداردىڭ (كونتەينەرلەردىڭ) قوزعالىسىن باسقارۋ.
2. ۆاگونداردىڭ (كونتەينەرلەردىڭ) وپەراتورى قىزمەتتەرىن ۇسىنۋ ءتارتىبى
6. جۇك جونەلتۋشىلەرگە وپەراتور قىزمەت كورسەتۋدىڭ نەگىزدەمەسى وپەراتوردىڭ قىزمەت كورسەتۋ شارتى (بۇدان ءارى – شارت) بولىپ تابىلادى, وندا تاراپتاردىڭ نەگىزگى قۇقىقتارى, مىندەتتەرى, جاۋاپكەرشىلىگى, ۆاگوندار (كونتەينەر) سانى, ءتۇرى جانە قىزمەت كورسەتۋ مەرزىمى بەلگىلەنەدى شارتتا نومەرلەر نەمەسە ۆاگوندار (كونتەينەر) بىرىزدەندىرىلگەن بەلگىلەرى قامتىلماعان.
7. وپەراتوردىڭ قىزمەت كورسەتۋى ءوزارا قارىم-قاتىناس جولىمەن جۇزەگە اسىرىلادى:
تاسىمالداۋشىمەن – شارت نەگىزىندە;
ماگيسترالدىق تەمىر جول جەلىسىنىڭ وپەراتورىمەن – ماگيسترالدىق تەمىر جول جەلىسى وپەراتورىنىڭ اقپاراتتىق جۇيەسىن قولدانۋ شارتى جانە جۇك ۆاگوندارىن اعىمداعى اعىتپا جوندەۋ شارتى نەگىزىندە.
8. قىزمەت كورسەتۋ كەزىندە وپەراتور:
1) ۆاگونداردى (كونتەينەرلەر) تاسىمالداۋعا جارامدى كۇيدە بەرەدى;
2) جۇك تاسىمالداۋ كەزىندە اي سايىن قورىتىلعان شارتتار نەگىزىندە بەرىلەتىن ۆاگوندار سانى تۋرالى تاسىمالداۋشىعا حابارلايدى;
3) ۆاگوندار اينالىمىنىڭ ۋاقىتىن بەلگىلەيدى;
4) جۇك ارتىلعان جانە بوس رەيستەردى جوسپارلايدى;
5) بوس ۆاگون اعىندارىن جوسپارلايدى;
6) بوس ۆاگونداردى تاسىمالداۋ كەزىندە جونەلتۋشى بولىپ تابىلادى;
7) تاسىمالداۋ قۇجاتتارىندا ۆاگونداردىڭ يەسى رەتىندە كورسەتىلەدى;
8) تاسىمالداۋ پروتسەسىنە قاتىسۋشىلاردان مىنالاردى تالاپ ەتەدى:
شارتتىڭ قولدانۋ مەرزىمى اياقتالعاننان كەيىن ءوز ۆاگوندارىنىڭ (كونتەينەرلەرىنىڭ) ۋاقتىلى قايتارىلۋىن;
شارتتىڭ قولدانىستاعى كەزەڭىندە ءوز ۆاگوندارىنىڭ (كونتەينەرلەرىنىڭ) ساقتالۋىن قامتاماسىز ەتۋ;
شارت تالاپتارىن بۇزۋدان تۋىنداعان, كەلتىرىلگەن ماتەريالدىق زالالدىڭ وتەلۋىن;
شارتتىق نەمەسە وزگە نەگىزدە ءوز ۆاگوندارىنىڭ (كونتەينەرلەرىنىڭ) ورنالاسقان جەرى تۋرالى اقپاراتتى ۋاقتىلى بەرۋدى;
جۇك جونەلتۋشىلەردىڭ ۇسىنىلعان وتىنىمدەرىنە سايكەس ءوز جىلجىمالى قۇرامىن پايدالانۋ ءۇشىن تەڭ قۇقىقتى قامتاماسىز ەتۋدى;
ماگيسترالدىق تەمىر جولدارىندا ۆاگونداردى (كونتەينەرلەردى) پايدالانۋ بويىنشا جەدەل, ستاتيستيكالىق ەسەپتىلىكتى باستاپقى ەسەپكە الۋدىڭ جۇرگىزىلۋىن قامتاماسىز ەتۋ ءۇشىن تاسىمالداۋشىعا جانە ماگيسترالدىق تەمىر جول جەلىسىنىڭ وپەراتورىنا قاجەتتى اقپاراتتى بەرۋدى.
9. ۆاگوندار (كونتەينەرلەر) جۇك جونەلتۋشىلەرگە جاسالعان شارتقا سايكەس قاجەت ۆاگوندار (كونتەينەرلەر) سانىن اي سايىنعى ءوتىنىم نەگىزىندە بەرىلەدى.
10. تاپسىرىس بەرگەن سانى جانە ۆاگونداردىڭ (نەمەسە) ۆاگونداردىڭ ءتۇرى بولماعان جاعدايدا, سونداي-اق ۆاگونداردى (كونتەينەرلەردى) تالاپ ەتىلگەن ستانتسياعا جەتكىزۋدىڭ ەكونوميكالىق ورىندىلىعى بولماعان جاعدايدا وپەراتور تاپسىرىس بەرۋشىگە دالەلدى باس تارتۋ جىبەرەدى.
11. ۆاگوندارمەن (كونتەينەرلەرمەن) قامتاماسىز ەتۋ تاپسىرىسىن شۇعىل رەجىمدە (تاسىمالداۋ باستالعانعا دەيىن 3 كۇنگە دەيىن) الايدا وپەراتوردا ۆاگوندار (كونتەينەرلەر) جىبەرۋگە رۇقسات ەتىلەدى بولماعان جاعدايدا تاپسىرىستا كورسەتىلگەن ستانتسياعا جىبەرۋ توقتاتىلۋى مۇمكىن.
12. وپەراتور ۇسىنىلعان تاپسىرىستار نەگىزىندە ۆاگونداردى (كونتەينەرلەردى) تاسىمالداۋعا دايارلاۋ جوسپارىن ازىرلەيدى.
13. تاسىمالداۋعا دايارلانعان ۆاگوندار (كونتەينەرلەر) وپەراتور جۇك جونەلتۋشى كورسەتكەن جونەلتۋ ستانتسياسىن جىبەرەدى.
وسى ماقساتتا وپەراتور تاسىمالداۋشىنىڭ بوس ۆاگونداردى (كونتەينەرلەردى) تاسىمالداۋ بويىنشا قىزمەتتەرىن قولدانادى..
14. ۆاگونداردى قولدانۋعا بەرۋ بويىنشا قىزمەتتەر ۆاگونداردى جۇكتەۋگە بەرۋ كەزىنەن باستالادى. اياقتالۋ مەرزىمى – ۆاگونداردى جۇك تيەۋدەن بوساتۋ (جۇك ءتۇسىرۋ).
كونتەينەرلەردى قولدانۋعا بەرۋ قىزمەتى جۇك جونەلتۋشىنىڭ بوس كونتەينەرلەردى جۇكتەۋگە جىبەرۋىنەن باستالادى, اياقتالۋى – بوس كونتەينەرلەردى جۇك تۇسىرۋدەن جولداۋ ءساتى.
15. وپەراتوردىڭ قىزمەتىن تولەۋ ءتارتىبى شارتتا انىقتالادى.
16. ۆاگونداردىڭ (كونتەينەرلەردىڭ) وپەراتورعا تيىستىلىگى, ۆاگونداردىڭ سانى, جانە جونەلتۋ, جەتكىزۋ ستانتسياسى جۇكتەردى تاسىمالداۋ تاپسىرىسىندا كورسەتىلەدى.
17. جۇك جونەلتۋشى ءوزىنىڭ تاپسىرىسىنا سايكەس ستانتسياعا جەتكىزىلگەن وپەراتوردىڭ بوس ۆاگوندارىنان (كونتەينەرلەر) باس تارتقان جاعدايدا جانە ولاردى وسى ستانتسيادا تاۋلىك ىشىندە قولدانۋ مۇمكىن بولماعان جاعدايدا وپەراتور ودان ءار ءبىر تۇرعان تاۋلىك ءۇشىن اقى الادى.
18. جۇك جونەلتۋشى تاسىمالداۋعا ارنالماعان ۆاگونداردى قولدانا المايدى.
19. جوسپارلى ايدىڭ باستالۋىنا 3 كۇننەن كەم ۋاقىتتا وپەراتور تاسىمالداۋشىعا جونەلتۋشى ستانتسيالار بويىنشا كۇنتىزبەلىك جۇكتەۋ باعىتىنىڭ جوسپارىن ۇسىنادى.
20. تاسىمالداۋشى ستانتسيانىڭ بەلگىلەنگەن تەحنولوگيالىق جۇمىسىنا سايكەس تاپسىرىس بويىنشا تۇزەتىلگەن ۆاگونداردى ۋاقتىلى تاڭداۋدى قامتاماسىز ەتەدى جانە ۆاگونداردى (كونتەينەرلەردى) تەحنيكالىق جانە كوممەرتسيالىق دايىندىعىن انىقتاۋ ءۇشىن ۇسىنادى.
21. جۇك جونەلتۋشىنىڭ كىرە بەرىس جولىنا ۆاگونداردى تۇسىرگەننەن كەيىن ۆاگوندار (كونتەينەرلەر) وپەراتورى تاسىمالداۋشىنىڭ قولدانۋىنا وتەدى, بوس ۆاگوندار مۇكاممال ۆاگوندار رەتىندە رەتتەلەتىن تاپسىرما بويىنشا جۇرەدى.
22. بوس ۆاگون تۇسىرىلگەننەن كەيىن جۇكتەۋ ستانتسياسىنا جونەلتىلەدى.
23. وپەراتورى تاسىمالداۋشى قولدانىسىنداعى ۆاگوندارىن (كونتەينەرلەر) تاسىمالداۋدى راسىمدەۋ كەزىندە جونەلتۋ ستانتسياسىندا تاسىمالداۋ قۇجاتتارى ءراسىمدەلەدى جانە جىبەرۋ اقىسى جەكە ۆاگوندارىن تاسىمالداۋ رەتىندە ەسەپتەلەدى. تاۋارلىق كاسسير بەلگىلەنگەن تاسىمالداۋ قۇجاتتارىنان باسقا ۆاگوندار (كونتەينەرلەر) وپەراتورى ءۇشىن تەمىر جول كولىكتىك تاۋار قۇجاتتاماسىنىڭ تەلنۇسقاسىن راسىمدەيدى.
تاسىمالدى وپەراتور جونەلتكەن جاعدايدا جىبەرۋ اقىسى تولەۋشى ەسەپ شوتىنان الىنادى تاسىمالداۋ قۇجاتتارىندا كورسەتەدى. بۇل جاعدايدا تەمىر جول كولىكتىك تاۋار قۇجاتتاسىنىڭ تەلنۇسقاسى رەسىمدەلمەيدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 19 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6894 بولىپ ەنگىزىلدى.