كەشە قازاقستان پرەمەر-ءمينيسترى كارىم ءماسىموۆ ليۆان رەسپۋبليكاسىنىڭ ەكس-پرەمەر-ءمينيسترى, پارلامەنت دەپۋتاتى فۋاد سينورامەن ساۋدا-ەكونوميكالىق ىنتىماقتاستىق ماسەلەلەرىن تالقىلادى.
تەلەفون ارقىلى سويلەستى
«ۋكراينا پرەمەر-ءمينيسترى ن.ازاروۆپەن تەلەفون ارقىلى اڭگىمەلەستىم», - دەپ جازدى ك.ءماسىموۆ Twitter-دە.
سويلەسۋ بارىسىندا ەكىجاقتى قارىم-قاتىناس ماسەلەلەرى, كەدەن وداعى جانە ۋكراينا اراسىنداعى قارىم-قاتىناس, سونداي-اق ۋكراينا پرەمەر-ءمينيسترىنىڭ قازاقستانعا الداعى ساپارى تالقىلاندى, دەلىنگەن بلوگتاعى حابارلامادا.
جاڭا باسشىنى تانىستىردى
قازاقپارات /مارلان جيەمباي/. ۇكىمەت باسشىسى كارىم ءماسىموۆ ءدىن ىستەرى جونىندەگى اگەنتتىك ۇجىمىنا جاڭا باسشىنى تانىستىردى. مەملەكەت باسشىسىنىڭ جارلىعىمەن اتالعان اگەنتتىكتىڭ قۇرىلعاندىعىن ايتا كەلە, پرەمەر-مينيستر: «بۇگىن مەن قايرات قايىربەك ۇلى لاما ءشاريفتى ءدىن ىستەرى جونىندەگى اگەنتتىكتىڭ توراعالىعىنا تاعايىنداۋ تۋرالى قاۋلىعا قول قويدىم», دەدى.
سونداي-اق, ءدىن وتە نازىك ماسەلە ەكەندىگىن باسا ايتقان ۇكىمەت باسشىسىنىڭ پايىمىنشا, مەملەكەت دىنمەن بايلانىستى ماسەلەلەردە حالىقتىق قوزعالىستارمەن الدىن-الا كەلىسۋى ءۇشىن جاۋاپتى ساياسات جۇرگىزۋى كەرەك.
ءوز كەزەگىندە زور سەنىم ارتىپ وتىرعان ۇكىمەتكە العىسىن بىلدىرگەن قايرات لاما شاريف: «تاۋەلسىزدىگىمىزدىڭ 20 جىلدىعى اياسىندا وسىنداي شەشىم قابىلداۋ, ءدىن ىستەرى جونىندەگى اگەنتتىك قۇرۋ – وتە جاۋاپتى ءارى ماڭىزدى ءىس. سوندىقتان سىزدەرمەن بىرگە العا قويىلعان مىندەتتەردى ورىندايمىز دەگەن سەنىم بىلدىرگىم كەلەدى», دەدى.