كوركەم باياناۋىلدا ماتەماتيكا, فيزيكا, حيميا جانە بيولوگيا پاندەرى بويىنشا جالپى ءبىلىم بەرەتىن مەكتەپتەردىڭ 7-8 سىنىپ وقۋشىلارىنا ارنالعان قانىش ساتباەۆ اتىنداعى ءبىرىنشى وبلىستىق وليمپيادا اياقتالدى. ەل تاۋەلسىزدىگىنىڭ 20 جىلدىعىنا وراي ۇيىمداستىرىلعان بۇل وليمپيادانىڭ ماقساتى – تالانتتى وقۋشىلاردى قولداۋ. وليمپياداعا ءوز ەلىمىزدەن جانە كورشىلەس رەسەيدىڭ قالالارىنان كەلگەن 130 وقۋشى قاتىستى. سىن بارىسىندا جۇلدەگەرلەرگە «جاس ساتباەۆ» قۇرمەتتى اتاقتارى بەرىلدى. ءبىرىنشى ورىندى پاۆلودارداعى اباي اتىنداعى № 10 ليتسەي-مەكتەبى يەلەندى. وليمپيادا سوڭىندا «جاس ساتباەۆ» اتانعان جۇلدەگەرلەر اسەم باياناۋىلعا ساياحات جاسادى. فاريدا بىقاي, پاۆلودار وبلىسى.