وركەندىلىك ءورىسى
سوڭعى ەكى-ءۇش جىلدان بەرى «قازاقتەلەكوم» اكتسيونەرلىك قوعامىنىڭ باستاماسىمەن ەلىمىزدىڭ بىرقاتار وبلىس ورتالىقتارىندا iD Ceپter برەندىمەن كورسەتىلىم زالدارى اشىلعان بولاتىن. وبلىس ورتالىعى وسكەمەندە ول وتكەن جىلى اشىلعان ەدى.
جۋىردا 300 مىڭنان استام حالقى بار سەمەي قالاسىندا دا وسىنداي مۇمكىندىك تۋدى. وتكىزىلگەن تۇساۋكەسەر راسىمىنە «قازاقتەلەكوم» اكتسيونەرلىك قوعامى باسقارماسىنىڭ توراعاسى قۋانىشبەك ەسەكەەۆ مىرزا ارنايى كەلىپ قاتىستى. تۇساۋكەسەر لەنتاسىن قيۋ باسقارما توراعاسى مەن قالا اكىمى ايبەك كارىموۆكە قۇرمەتپەن ۇسىنىلدى.
تۇساۋكەسەر ءراسىمىنىڭ تانىستىرىلىمىندا باسقارما توراعاسى قۋانىشبەك باقىتبەك ۇلى جوبانىڭ باستى ماقساتى «قازاقتەلەكوم» اكتسيونەرلىك قوعامى تاراپىنان كورسەتىلەتىن جاڭا تەحنولوگيالار, قىزمەتتەر مەن سەرۆيستەر تۋرالى تۇرعىنداردىڭ حاباردار بولۋ دەڭگەيىن ارتتىرۋ بولىپ تابىلادى دەپ اتاپ كورسەتتى.
«قازاقتەلەكوم» اكتسيونەرلىك قوعامى سەمەي قالالىق فيليالى ساتىپ الۋ ءبولىمىنىڭ باستىعى مۇراتقازى مالىكوۆتىڭ ايتۋىنشا, بۇل بىرەگەي جوبا قازاقستاندىقتاردىڭ كۇندەلىكتى ومىرىنە زاماناۋي اقپاراتتىق تەحنولوگيالاردى ەنگىزۋ ماقساتىندا جۇزەگە اسىرىلىپ وتىر. بۇل قازىرگى زامانعى ينفوكوممۋنيكاتسيالىق تەحنولوگيالاردىڭ ورتالىعىندا ءاربىر سۇرانىس يەسىنە جاڭا تەلەكوممۋنيكاتسيا قىزمەتتەرىن پايدالانۋعا, تولىق اقپارات پەن مامانداردىڭ كەڭەسى بەرىلەتىن بولادى.
كورسەتىلىم زالىنىڭ قىزمەتكەرى اراي جۇماحانوۆا دا بىزگە ءوز قىزمەتتەرىنىڭ ءمان-ماعىناسىن تاپپىشتەپ ءتۇسىندىرىپ باققان. ونىڭ تۋعان تىلگە جۇيرىكتىگىنە دە ءسۇيسىنىپ قالعانبىز. وسى ورايدا, جالپى اكتسيونەرلىك قوعام بويىنشا مەملەكەتتىك تىلگە ەرەكشە كوڭىل ءبولىنىپ كەلە جاتقانىن ايتا كەتسەك ارتىق بولماس. سونىڭ ءبىر ايعاعىنداي, كورسەتىلىم زالىنداعى بارلىق بۋكلەتتەر ەكى تىلدە شىعارىلعانىن بايقاپ تۇرمىز.
كورسەتىلىم زالىنىڭ قىزمەتى ءتورت تۇرگە بولىنگەن دەيدى اراي قارىنداسىمىز. ولار – ءۇي, كەڭسە, ينتەرنەت-كافە جانە مەديا-قابىرعا دەپ اتالادى. «ءۇي» ايماعى كەلۋشىلەردى «Triple plaۋ» كونتسەپتسياسىنداعى قىزمەتتەرمەن تانىستىرادى. بۇل – تۇتىنۋشىلارعا ءبىر عانا تەلەفون جەلى جولىنىڭ نەگىزىندە تەلەفونيا, ينتەرنەتكە كەڭ جولاقتى قاتىناۋ جانە iD TV تسيفرلى تەلەديدار قىزمەتتەرىن ۇسىنۋ دەگەن ءسوز. سول قىزمەتتىڭ ءبارى ءبىر ۋاقىتتا, بىردەي جانە بىرىنە ءبىرى بوگەت جاساماي اتقارىلا بەرەدى.
«كەڭسە» ايماعىنىڭ قىزمەتى ەڭ الدىمەن كوممۋنيكاتسيالار, ياعني ينتەرنەت, ەلەكتروندىق پوشتا, تەلەفونيا, ۆيرتۋالدى ماجىلىستەر. «كەڭسە» - كومپانيالاردىڭ باسەكەگە قابىلەتتىلىگىن ارتتىرۋعا مۇمكىندىك بەرىپ, بيزنەسكە ارنالعان ينفوكوممۋنيكاتسيالىق تەحنولوگيالار مەن جاڭاشىل شەشىمدەر.
«ينتەرنەت-كافەگە» كەلەتىن بولساق, باسقاشا ايتقاندا كونفەرەنتس-ايماقتا Wi-Fi تەحنولوگياسى نەگىزىندەگى ينتەرنەتكە سىمسىز قاتىناۋ قىزمەتتەرىمەن تانىسىپ, ولاردى تەگىن پايدالانۋعا بولادى. زالدا وتىرعاندا نوۋتبۋكتەردى, قالتا كومپيۋتەرلەرىن, سمارت-فونداردى پايدالانۋشىلار ينتەرنەتكە سىمسىز قاتىناۋ قىزمەتتەرىن پايدالانا الادى.
«مەديا-قابىرعا» – بۇل iD TV ينتەراكتيۆتى تەلەۆيزياسىنىڭ بىرەگەي قىزمەتتەرىن جاريا ەتۋ. ونىڭ ساپاسى ارنايى ءسوز ەتۋگە ابدەن لايىق.
بۇگىنگى كۇنى «قازاقتەلەكوم» بەكىتىلگەن تەلەفونيانىڭ 3,8 ميلليون ابونەنتىنە قىزمەت كورسەتەدى. ينتەرنەت جەلىسىنە قاتىناۋ قىزمەتىن پايدالانۋشىلار سانى 2,5 ميلليون ادامعا تاقاپ قالدى. ونىڭ ىشىندە 2 ميلليونعا جۋىعى ينتەرنەتكە كەڭ جولاقتى قاتىناۋ مۇمكىندىگىن پايدالانادى.
داۋلەت سەيسەن ۇلى, سەمەي.