2011 جىلعى 31 ناۋرىز №319 استانا, ۇكىمەت ءۇيى
ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتاردى بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ 13-بابىنىڭ 47) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتار بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2011 جىلعى 31 ناۋرىزداعى №319 قاۋلىسىمەن بەكىتىلگەن
ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتار
1. جالپى ەرەجەلەر
1. وسى ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتار (بۇدان ءارى – سەرتيفيكاتتىق تالاپتار) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنا جانە قازاقستان رەسپۋبليكاسى قاتىسۋشى بولىپ تابىلاتىن ءتيىستى حالىقارالىق شارتتاردى ەسكەرە وتىرىپ, وزگە دە نورماتيۆتىك قۇقىقتىق اكتىلەرگە سايكەس ازىرلەندى.
2. سەرتيفيكاتتىق تالاپتار اۋە تاسىمالدارىن, اۆياتسيالىق جۇمىستاردى, سونداي-اق جالپى ماقساتتاعى اۆياتسيا ماقساتىندا ۇشۋدى جۇزەگە اسىراتىن ازاماتتىق اۋە كەمەلەرىن پايدالانۋشىلارعا قويىلاتىن تالاپتاردى بەلگىلەيدى.
3. وسى سەرتيفيكاتتىق تالاپتاردا پايدالانىلاتىن تەرميندەر مەن انىقتامالار:
1) پايدالانۋشى – اۋە كەمەلەرىن پايدالانۋمەن اينالىساتىن نەمەسە وسى سالادا ءوز قىزمەتتەرىن ۇسىناتىن جەكە نەمەسە زاڭدى تۇلعا;
2) ۇشۋدى جۇرگىزۋ جونىندەگى نۇسقاۋ – ۇشۋ قاعيداسىن, ۇشۋدى ۇيىمداستىرۋدى, قامتاماسىز ەتۋدى جانە ورىنداۋدى رەگلامەنتتەيتىن قۇجات;
3) تەحنيكالىق قىزمەت كورسەتۋدى رەتتەۋ جونىندەگى پايدالانۋشىنىڭ نۇسقاۋ – وسى پايدالانۋشىنىڭ اۋە كەمەلەرىنە تەحنيكالىق قىزمەت كورسەتۋ جونىندەگى بارلىق جوسپارلى جانە جوسپاردان تىس جۇمىستاردىڭ ۋاقتىلى ءارى قاناعاتتاندىرىلعان تۇردە ورىندالۋىن باسقارۋ مۇمكىندىگىن قامتاماسىز ەتەتىن پايدالانۋشىنىڭ راسىمدەرى سيپاتتاۋلارىن قامتيتىن قۇجات;
4) پايدالانۋشىلاردىڭ ۇشۋ قاۋىپسىزدىگىن باسقارۋ جونىندەگى نۇسقاۋلىق – ۇشۋ قاۋىپسىزدىگىنىڭ دەڭگەيىن ارتتىرۋعا باعىتتالعان شارالار مەن قاعيدالار كەشەنى;
5) تەحنيكالىق قىزمەت كورسەتۋ – اۋە كەمەسىن ۇشۋعا دايىنداۋ كەزىندە, ۇشۋدان كەيىن, ساقتاۋ جانە تاسىمالداۋ كەزىندە اۋە كەمەسىنىڭ ۇشۋ جارامدىلىعىن (قالپىندا بولۋىن, جۇمىسقا قابىلەتتىلىگىن جانە دۇرىس جۇمىس ىستەۋىن) قولداۋ ءۇشىن اۆياتسيالىق تەحنيكادا ورىندالاتىن جۇمىستار كەشەنى;
6) ءنومىرلى قۇجاتتاما – ۇشۋعا اۋە كەمەسىن مەملەكەتتىك تىركەۋدى جانە ونىڭ جارامدىلىعىن رەسىمدەۋگە, جاساۋشى زاۋىتتا بەلگىلى ءبىر نومىرمەن تىركەلگەن اۋە كەمەسىنىڭ وسى داناسى ءۇشىن عانا جارامدى اۋە كەمەسىنىڭ جۇمىس اتقارىمىن جانە تەحنيكالىق جاي-كۇيىن ەسەپكە الۋعا ارنالعان قۇجاتتاما.
2. پايدالانۋشىنىڭ ۇيىمدىق قۇرىلىمى
4. پايدالانۋشى قىزمەت تۇرىنە, پايدالانىلاتىن اۋە كەمەلەرىنىڭ تيپىنە قاراي ۇيىمدىق قۇرىلىمعا كىرەتىن قاجەتتى قۇرىلىمدىق بولىمشەلەر مەن قىزمەتتەردىڭ تىزبەسىن ازىرلەيدى جانە بەكىتەدى:
1) ۇشۋ قىزمەتى;
2) ينجەنەرلىك-اۆياتسيالىق قىزمەت;
3) وندىرىستىك-ديسپەتچەرلىك بولىمشە;
4) ۇشۋ قاۋىپسىزدىگى جونىندەگى ينسپەكتسيا;
5) تاسىمالداردى ۇيىمداستىرۋ قىزمەتى;
6) بورتسەرىكتەر قىزمەتى;
7) اۆياتسيالىق قاۋىپسىزدىك قىزمەتى;
8) ەڭبەك قورعاۋ نەمەسە ەڭبەكتى قورعاۋدىڭ جاي-كۇيى ءۇشىن جاۋاپتى قىزمەت.
5. پايدالانۋشى ءوز كۇشتەرىمەن نەمەسە باسقا ۇيىمدارمەن شارتتاردىڭ نەگىزىندە مىناداي جۇمىس تۇرلەرىن جۇرگىزۋدى قامتاماسىز ەتەدى:
1) اۆياتسيالىق تەحنيكاعا تەحنيكالىق قىزمەت كورسەتۋ جانە ونى جوندەۋ;
2) ۇشۋ اقپاراتىن وڭدەۋ جانە تالداۋ;
3) تاسىمالداردى ۇيىمداستىرۋدى قامتاماسىز ەتۋ;
4) ۇشۋدى مەديتسينالىق قامتاماسىز ەتۋ جانە مەديتسينالىق كۋالاندىرۋدان ءوتۋ;
5) مەتەورولوگيالىق قامتاماسىز ەتۋ;
6) اەروناۆيگاتسيالىق قامتاماسىز ەتۋ;
7) اۆياتسيالىق پەرسونالدىڭ بىلىكتىلىگىن ارتتىرۋ جانە ترەناجەردە دايىندالۋىن قامتاماسىز ەتۋ;
8) اۆياتسيالىق قاۋىپسىزدىكتى قامتاماسىز ەتۋ;
9) اۋە كەمەلەرىنىڭ تۇرۋىن (تۇراعىن) قامتاماسىز ەتۋ;
10) قونۋ مەن ۇشىپ شىعۋدى قامتاماسىز ەتۋ;
11) جولاۋشىلار مەن جۇكتەرگە قىزمەت كورسەتۋ;
12) ىزدەستىرۋ جانە اۆاريالىق-قۇتقارۋ قىزمەتتەرىن قامتاماسىز ەتۋ;
13) جانار-جاعارماي ماتەريالدارىمەن قامتاماسىز ەتۋ;
14) بورت تاعامىمەن قامتاماسىز ەتۋ.
6. پايدالانۋشى قۇرىلىمدىق بولىمشەلەر تۋرالى ەرەجەنى بەكىتەدى, وندا قىزمەتكەرلەر مەن باسشىلاردىڭ پايدالانۋشى ىسكە اسىراتىن بارلىق ماسەلەلەر جيىنتىعى قامتىلاتىن مىندەتتەرى مەن فۋنكتسيالارى كورسەتىلگەن.
7. پايدالانۋشىدا اۋە كەمەلەرىنىڭ ۇشۋىن ۇيىمداستىرۋ جانە جەدەل باسقارۋ, اۋە كەمەلەرىنىڭ ۇشۋعا جارامدىلىعىن قامتاماسىز ەتۋ جونىندەگى جۇمىستاردى ورىنداۋ, ۇشۋ اقپاراتىن تالداۋ, اۆياتسيالىق تەحنيكانىڭ سەنىمدىلىگى جانە ۇشۋ قاۋىپسىزدىگى جونىندەگى دەرەكتەردى جيناۋ جانە وڭدەۋ, پايدالانۋ-تەحنيكالىق جانە اۋە كەمەلەرىنىڭ نەگىزگى جانە جيناقتاۋشى بۇيىمدارىنا ارنالعان ءنومىرلى قۇجاتتامانى ەسەپكە الۋ جانە ساقتاۋ ءۇشىن جابدىقتالعان مەنشىكتىك نەمەسە شارتتىق نەگىزدەگى وندىرىستىك بازاسى بولادى.
8. شەت مەملەكەتتەردىڭ اۋماعىندا كوممەرتسيالىق اۋە تاسىمالدارىن نەمەسە اۆياتسيالىق جۇمىستاردى ورىندايتىن پايدالانۋشى اۋە تاسىمالدارىن نەمەسە اۆياتسيالىق جۇمىستاردى جەدەل باسقارۋ جانە باقىلاۋ ءۇشىن اۋە كەمەلەرىمەن سەنىمدى بايلانىس ارنالارىن قامتاماسىز ەتەدى, سونداي-اق ازاماتتىق اۆياتسيا سالاسىنداعى ۋاكىلەتتى ورگانعا ورىندالعان رەيستەر, ۇشۋ وڭىرلەرى جانە تاسىمالداناتىن جۇكتەردىڭ سيپاتتاماسى تۋرالى اي سايىنعا اقپاراتتى ۇسىنادى.
9. حالىقارالىق ۇشۋدى ورىنداعان كەزدە پايدالانۋشى ۇشۋ ورىندالاتىن مەملەكەتتەردىڭ زاڭناماسىنا سايكەس ساقتاندىرۋدىڭ مىندەتتى تۇرلەرىن قامتاماسىز ەتەدى.
3. پايدالانۋشىنىڭ باسشى قىزمەتكەرلەرى
10. پايدالانۋشى شتاتتا مىنالارعا جاۋاپتى باسشى پەرسونال لاۋازىمدارىن كوزدەيدى:
اۋە كەمەلەرىنىڭ ۇشۋىن پايدالانۋ قاعيدالارىن ساقتاۋ;
اۋە كەمەلەرىنە تەحنيكالىق كومەك كورسەتۋ جانە جوندەۋ قاعيدالارىن ساقتاۋ;
ۇشۋدىڭ ۇيىمداستىرىلۋىن, جوسپارلانۋىن جانە ورىندالۋىن جەدەل باقىلاۋدى قامتاماسىز ەتۋ;
اۋە تاسىمالدارىن جانە/نەمەسە اۆياتسيالىق جۇمىستاردى قامتاماسىز ەتۋدى ۇيىمداستىرۋ;
اۆياتسيالىق قاۋىپسىزدىكتى قامتاماسىز ەتۋ;
ۇشۋ قاۋىپسىزدىگىن قامتاماسىز ەتۋدى ۇيىمداستىرۋ;
ساپانى باسقارۋ.
4. پايدالانۋشىنىڭ قۇجاتتامالار جۇيەسى
11. پايدالانۋشى ۇشۋدى جۇرگىزۋ جونىندەگى نۇسقاۋدى جانە پايدالانۋشىنىڭ تەحنيكالىق قىزمەت كورسەتۋدى رەتتەۋ جونىندەگى نۇسقاۋدى, سونداي-اق باسشىلىق ەرەجەلەرىن جەكە قۇرامعا دەيىن ۋاقتىلى جەتكىزۋ ءتارتىبىن ازىرلەيدى جانە ەنگىزەدى.
12. نۇسقاۋ:
اۋە كەمەلەرىنىڭ جاڭا ۇلگىلەرىن ساتىپ العان (جالعا نەمەسە مەنشىككە);
ازاماتتىق اۆياتسيا سالاسىنداعى ۋاكىلەتتى ورگان جاڭا نورماتيۆتىك قۇقىقتىق اكتىلەردى قولدانىسقا ەنگىزگەن نە پايدالانۋشىنىڭ قىزمەتىن رەگلامەنتتەيتىن قولدانىستاعى نورماتيۆتىك قۇقىقتىق اكتىلەرگە وزگەرىستەر ەنگىزگەن جاعدايدا قايتا قارالادى جانە تولىقتىرىلادى.
13. پايدالانۋشى وسى اۋە كەمەسىندە ۇشۋدى جۇرگىزۋگە جانە قامتاماسىز ەتۋگە قاتىستى بولىگىندە ۇشۋدى جۇرگىزۋ جونىندەگى نۇسقاۋدىڭ جانە پايدالانۋشىنىڭ تەحنيكالىق قىزمەت كورسەتۋدى رەتتەۋ جونىندەگى نۇسقاۋدىڭ ءتيىستى بولىمدەرىنەن ەكيپاج جانە ينجەنەرلىك-تەحنيكالىق پەرسونال ءۇشىن قاجەتتى اقپاراتتىڭ اۋە كەمەسىنىڭ بورتىندا بولۋىن قامتاماسىز ەتەدى.
14. پايدالانۋشىلار بەس مىڭ كيلوگرامنان كەم ەڭ جوعارى سەرتيفيكاتتىق ۇشۋ ماسساسىمەن اۋە كەمەلەرىن پايدالاناتىن جالپى ماقساتتاعى اۆياتسيانىڭ پايدالانۋشىلارىن قوسپاعاندا, پايدالانۋشىنىڭ ۇشۋ قاۋىپسىزدىگىن باسقارۋ جۇيەسىن ەنگىزەدى.
پايدالانۋشىنىڭ قۇرىلىمىندا تەحنيكالىق قىزمەت كورسەتۋ جونىندەگى ءوز ۇيىمى بولعان كەزدە پايدالانۋشى تەحنيكالىق قىزمەت كورسەتۋ كەزىندە قاۋىپسىزدىكتى باسقارۋ جۇيەسىن ەنگىزەدى.
5. اەروناۆيگاتسيالىق قامتاماسىز ەتۋ
15. پايدالانۋشى اەروناۆيگاتسيالىق اقپارات قىزمەتىن قۇرادى نەمەسە اەروناۆيگاتسيالىق قامتاماسىز ەتۋ باسقا ۇيىمدارمەن جاسالعان شارتتار بويىنشا جۇزەگە اسىرىلاتىن بولسا, جاۋاپتى ادامدى تاعايىندايدى.
16. پايدالانۋشى ەكيپاجداردى قولدانىستاعى اەروناۆيگاتسيالىق اقپارات قۇجاتتارىمەن, ۇشۋ جانە بورت كارتالارىمەن, ۇشۋ الدىنداعى اقپارات بيۋللەتەندەرىمەن نەمەسە نوتام (اەروناۆيگاتسيالىق جابدىقتاعى, قىزمەت كورسەتۋدەگى وزگەرىستەر, راسىمدەر تۋرالى, ۇشۋداعى ىقتيمال قاۋىپتەر تۋرالى ۇشقىشتارعا ارنالعان حابارلاما), ۇشۋ ءۇشىن مالىمدەلگەن اۋەايلاقتاردا ۇشۋدى دايىنداۋ جانە ورىنداۋ ءۇشىن قاجەتتى الدىن الا ناۆيگاتسيالىق ەسەپتەرمەن جانە پايدالانۋ مينيمۋمدارىمەن قامتاماسىز ەتەدى.
17. پايدالانۋشى بورتتىق اەروناۆيگاتسيالىق دەرەكقورلارى بار پيلوتاج-ناۆيگاتسيالىق كەشەندەر مەن ناۆيگاتسيالىق جۇيەلەردى پايدالانۋ كەزىندە جاسالعان شارتتار (كەلىسىمشارتتار) نەگىزىندە سەرتيفيكاتتىق ءونىم بەرۋشىلەردىڭ دەرەكقورلارىن قولدانا وتىرىپ, ولاردىڭ ۋاقتىلى اۋىستىرىلۋىن (جاڭارتىلۋىن) قامتاماسىز ەتەدى.
6. پايدالانۋشىلاردىڭ ۇشۋ جۇمىسىن ۇيىمداستىرۋ
18. پايدالانۋشىنىڭ ۇشۋ جۇمىسىن ۇيىمداستىرۋ قازاقستان رەسپۋبليكاسىنىڭ ۇكىمەتى بەكىتەتىن قازاقستان رەسپۋبليكاسىنىڭ ازاماتتىق اۆياتسياسىندا ۇشۋ جۇمىستارىن ۇيىمداستىرۋ جونىندەگى قاعيداعا سايكەس جۇزەگە اسىرىلادى.
19. پايدالانۋشىنىڭ ۇشۋ قىزمەتى:
1) ۇشۋ جانە باسشى قۇرامىن دايارلاۋدى, قايتا دايارلاۋدى جانە ولاردىڭ كاسىبي دەڭگەيىن قولداۋ مەن ارتتىرۋدى ۇيىمداستىرۋدى جانە جۇزەگە اسىرۋدى, ۇشۋ قۇرامىن (بورتوپەراتورلار مەن بورتسەرىكتەردى قوسا العاندا, ەگەر ولار ۇشۋ قىزمەتىنىڭ قۇرامىنا كىرسە) ۇشۋعا جىبەرۋدى;
2) ۇشۋ قۇرامىنىڭ ۇشۋ جۇمىسىن, جۇمىس ۋاقىتىن جانە تىنىعۋ ۋاقىتىن جوسپارلاۋدى;
3) اۋە كەمەلەرىنىڭ ەكيپاجدارىن قالىپتاستىرۋدى;
4) ۇشۋ-ادىستەمەلىك جۇمىستى ۇيىمداستىرۋدى, ۇشۋ-شتابتىق قۇجاتتامانى جۇرگىزۋدى جانە ءىس جۇرگىزۋدى;
5) اۋە كەمەلەرى ەكيپاجدارىنىڭ مۇشەلەرىن ۇشۋعا جىبەرۋدىڭ بەلگىلەنگەن قاعيدالارىن جانە راسىمدەرىن ساقتاۋدى;
6) ەكيپاجداردى الدىن الا جانە ۇشۋ الدىندا دايىنداۋدى جۇرگىزۋدى;
7) ەكيپاجدار قىزمەتىن جۇيەلى باقىلاۋدى جانە تالداۋدى;
8) ۇشۋ قاۋىپسىزدىگىنىڭ جاي-كۇيىن تالداۋدى;
9) ۇشۋ اقپاراتى ماتەريالدارىن تالداۋدى;
10) اۆياتسيالىق وقيعالاردى نەمەسە ينتسيدەنتتەردى بولدىرماۋ بويىنشا پروفيلاكتيكالىق ءىس-شارالاردى;
11) ۇشۋ قىزمەتىن رەگلامەنتتەيتىن نورماتيۆتىك اكتىلەر مەن باسقا دا قۇجاتتاردى وزەكتى ەتۋدى قامتاماسىز ەتەدى.
20. پايدالانۋشىنىڭ اۆياتسيالىق پەرسونالى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن بەرىلەتىن, قولدانىستاعى كۋالىكتەرمەن (سەرتيفيكاتتارمەن) جانە قاجەتتى بىلىكتىلىك بەلگىلەرى مەن رۇقسات بەرۋلەرى بار باسقا دا قۇجاتتارمەن راستالاتىن بىلىكتىلىك تالاپتارىنا سايكەس كەلەدى.
21. قازاقستان رەسپۋبليكاسى ازاماتتىق اۆياتسياسىنىڭ باسقا ۇيىمدارىنىڭ ۇشۋ قۇرامىن ۋاقىتشا نەگىزدە پايدالاناتىن پايدالانۋشى وسى سەرتيفيكاتسيالىق تالاپتارعا قوسىمشاعا سايكەس ۇشۋ قۇرامىنىڭ ءاربىر مۇشەسىنىڭ ماماندار كۋالىكتەرىنە استارلاردى رەسىمدەيدى. استارلار جۇمىس بەرۋشى باسشىلارىنىڭ قولىمەن جانە مورىمەن راستالادى.
7. تەحنيكالىق قىزمەت كورسەتۋدى ۇيىمداستىرۋ
22. پايدالانۋشى قازاقستان رەسپۋبليكاسىنىڭ ۇكىمەتى بەكىتكەن ازاماتتىق اۆياتسيانىڭ اۆياتسيالىق تەحنيكاسىنا تەحنيكالىق قىزمەت كورسەتۋ جانە جوندەۋ جونىندەگى ۇيىمدى سەرتيفيكاتتاۋ جانە سەرتيفيكات بەرۋ قاعيداسىنا سايكەس ازاماتتىق اۆياتسيا سالاسىنداعى ۋاكىلەتتى ورگان بەرەتىن قولدانىستاعى سەرتيفيكاتى بار اۆياتسيالىق تەحنيكاعا قىزمەت كورسەتۋ جانە جوندەۋ جونىندەگى ءوز ۇيىمىنىڭ نەمەسە اۆياتسيا تەحنيكاسىنا تەحنيكالىق قىزمەت كورسەتۋ جانە جوندەۋ بويىنشا باسقا سەرتيفيكاتتالعان ۇيىمدارمەن شارت بويىنشا اۋە كەمەلەرىنە قىزمەت كورسەتۋىن جانە جوندەۋىن قامتاماسىز ەتەدى.
8. كوممەرتسيالىق اۋە تاسىمالدارى
23. تۇراقتى كوممەرتسيالىق اۋە تاسىمالدارىن ورىنداعان كەزدە اۆياكوپانيادا كەمىندە 2 اۋە كەمەسى مولشەرىندە ءبىر سىنىپتى اۋە پاركى بولادى, بۇل رەتتە رەزەۆتىك اۋە كەمەسىنىڭ جولاۋشىلار سىيىمدىلىعى اۋىستىراتىن اۋە كەمەسىنىڭ جولاۋشىلارىن تاسىمالداۋدى قامتاماسىز ەتەدى.
رەزەرۆ رەتىندە شارتتار (كەلىسىمشارتتار) بويىنشا قازاقستان رەسپۋبليكاسىنان تىسقارى جەردە پايدالانىلاتىن اۋە كەمەسى قاراستىرىلمايدى.
9. اۆياتسيالىق جۇمىستار
24. اۆياتسيالىق جۇمىستاردى ورىندايتىن پايدالانۋشى مىنالاردىڭ بولۋىن قامتاماسىز ەتەدى:
1) اۆياتسيالىق جۇمىستاردىڭ مالىمدەلگەن تۇرلەرىن ورىنداۋعا ارنالعان جانە جابدىقتالعان اۋە كەمەلەرى;
2) اۆياتسيالىق جۇمىستاردىڭ مالىمدەلگەن ءتۇرىن ورىنداۋعا جىبەرىلگەن پەرسونال;
3) اۆياتسيالىق جۇمىستاردىڭ مالىمدەلگەن ءتۇرىن ورىنداۋعا ارنالعان سەرتيفيكاتتىق تەحنيكالىق قۇرالدار.
25. پايدالانۋشى اۆياتسيالىق جۇمىستاردىڭ ناقتى تۇرلەرىن ورىنداۋ ءتارتىبىن, سونداي-اق ۋاقىتشا اۋەايلاقتاردى جانە ولاردىڭ جابدىعىن جارامدى جاي-كۇيدە پايدالانۋ جانە قولداۋ ءتارتىبىن ازىرلەيدى.
26. پايدالانۋشى ءتيىستى اۋماقتاردىڭ ەكولوگيالىق ەرەكشەلىكتەرىمەن نەمەسە وسى اۋماقتا كولىك قۇرالدارى مەن ادامداردىڭ بولۋىنىڭ ەرەكشە رەجيمىمەن بايلانىستى اۆياتسيالىق جۇمىستاردى ورىنداۋعا شەكتەۋلەر بەلگىلەيدى.
10. جالپى ماقساتتاعى اۆياتسيا
27. جالپى ماقساتتاعى اۆياتسيانى پايدالانۋشى:
1) اۋە كەمەلەرىنىڭ ۇشۋ جارامدىعىن قولداۋ, اۋە كەمەلەرىنىڭ نەگىزگى جانە جيناقتاۋشى بۇيىمدارىنا ارنالعان پايدالانۋ-تەحنيكالىق جانە ءنومىرلى قۇجاتتامالاردى ساقتاۋ بويىنشا جۇمىستاردى ورىنداۋدى قامتاماسىز ەتەدى;
2) مالىمدەلگەن اۋە كەمەلەرىنە تەحنيكالىق قىزمەت كورسەتۋدى جانە جوندەۋدى ۇيىمداستىرادى;
3) اۋە كەمەلەرىنىڭ ىستەن شىعۋى مەن اقاۋلىقتارى تۋرالى دەرەكتەردى ەسەپكە الۋدى, اۋە كەمەلەرىنىڭ جۇمىس اتقارىمىن ەسەپكە الۋدى جۇرگىزەدى;
4) اۋە كەمەسىنىڭ بورتىندا بورتتىق وزىجازعىش بولعان كەزدە ۇشۋ اقپاراتىن وڭدەۋدى جۇرگىزەدى;
5) ۇشۋدى قامتاماسىز ەتۋدىڭ مەديتسينالىق, مەتەورولوگيالىق, اەروناۆيگاتسيالىق جانە باسقا دا تۇرلەرىن ۇيىمداستىرادى;
6) ۇشۋ قاۋىپسىزدىگىن جانە اۆياتسيالىق قاۋىپسىزدىكتى قامتاماسىز ەتۋ بويىنشا شارالاردى جۇزەگە اسىرادى.
28. بەس مىڭ جەتى ءجۇز كيلوگرامنان جوعارى ەڭ كوپ سەرتيفيكاتتالعان ۇشۋ ماسساسىمەن ۇشاقتاردى جانە (نەمەسە) ءبىر نەمەسە بىرنەشە تۋربورەاكتيۆتىك (تۋربوبۇرامالىق) قوزعالتقىشتارمەن جاراقتالعان ۇشاقتاردى پايدالاناتىن پايدالانۋشى اۋە كەمەسىنىڭ بورتىندا وسى اۋە كەمەسىندە ۇشۋدى جۇرگىزۋ مەن قامتاماسىز ەتۋگە قاتىستى بولىگىندە ۇشۋدى جۇرگىزۋ جونىندەگى نۇسقاۋدىڭ جانە پايدالانۋشىنىڭ تەحنيكالىق قىزمەت كورسەتۋدى رەتتەۋ جونىندەگى نۇسقاۋدىڭ ءتيىستى بولىمدەرىنەن قۇجاتتاردىڭ بولۋىن قامتاماسىز ەتەدى.
29. بەس مىڭ جەتى ءجۇز كيلوگرامنان جوعارى ەڭ كوپ سەرتيفيكاتتالعان ۇشۋ ماسساسىمەن ۇشاقتاردى جانە ەڭ كوپ سەرتيفيكاتتالعان ۇشۋ ماسساسىنا قاراماي تىكۇشاقتاردى پايدالاناتىن پايدالانۋشى اۋە كەمەسىنىڭ بورتىندا اۋە كەمەسىنىڭ ۇشۋىن ۇيىمداستىرۋ جانە وعان تەحنيكالىق قىزمەت كورسەتۋ جونىندە قاجەتتى اقپاراتتىڭ بولۋىن قامتاماسىز ەتەدى.
30. پايدالانۋشىنىڭ ء(وتىنىش بەرۋشىنىڭ) اۋە كەمەلەرى مالىمدەلگەن وڭىرلەردە ۇشۋدى ورىنداۋ ءۇشىن بەلگىلەنگەن تالاپتارعا سايكەس جابدىقتالعان جانە قولدانىستاعى ۇشۋعا جارامدىلىق سەرتيفيكاتى مەن مەملەكەتتىك تىركەۋ تۋرالى كۋالىگى بولادى.
11. قاۋىپتى جۇكتەردى تاسىمالداۋ
31. پايدالانۋشى قاۋىپتى جۇكتەردى تاسىمالداۋ قۇقىعىن الۋ ءۇشىن مىنالاردىڭ:
1) قاۋىپتى جۇكتەردى تاسىمالداۋ جونىندەگى بىلىكتىلىك دەڭگەيىن راستايتىن قۇجاتى بار, سونداي-اق پايدالانۋشىنىڭ اتىنان قاۋىپتى جۇكتەردى اۋە تاسىمالىنا جىبەرۋ (جىبەرۋدەن باس تارتۋ) تۋرالى جانە قاۋىپتى جۇكتەردىڭ سىنىبىنا (ساناتىنا) قاراي ولاردى تاسىمالداۋ شارتتارى تۋرالى شەشىم قابىلداۋ قۇقىعى بەرىلگەن جاۋاپتى ماماننىڭ;
2) قاۋىپتى جۇكتەردى تاسىمالداۋ بويىنشا بەلگىلەنگەن تارتىپپەن وقىتىلعان جانە قاۋىپتى جۇكتەردى تاسىمالداۋعا جىبەرىلگەنىن راستايتىن قولدانىستاعى قۇجاتتارى بار پيلوتتاردىڭ, بورتينجەنەرلەردىڭ, بورتوپەراتورلاردىڭ, بورتسەرىكتەردىڭ;
3) باگاج-جۇك بولمەلەرى ۇشۋعا جارامدىلىق نورمالارىنىڭ تالاپتارىنا ساي كەلەتىن جانە ازاماتتىق اۆياتسيا سالاسىنداعى ۋاكىلەتتى ورگان بەكىتەتىن ازاماتتىق اۋە كەمەلەرىندە قاۋىپتى جۇكتەردى تاسىمالداۋ جونىندەگى نۇسقاۋلىقتىڭ تالاپتارىنا سايكەس قاۋىپتى جۇكتەردىڭ قاۋىپسىز تاسىمالدانۋىن جۇزەگە اسىرۋعا مۇمكىندىك بەرەتىن اۋە كەمەلەرى.
12. اۆياتسيالىق قاۋىپسىزدىك
32. تۇراقتى اۋە تاسىمالدارىن ورىندايتىن اۆياكومپانيانىڭ قۇرىلىمىندا اۆياتسيالىق قاۋىپسىزدىك قىزمەتى بولادى.
اۆياتسيالىق جۇمىستاردى جانە تۇراقتى ەمەس اۋە تاسىمالدارىن ورىندايتىن پايدالانۋشىنىڭ قۇرىلىمىندا اۆياتسيالىق قاۋىپسىزدىك جونىندەگى جاۋاپتى تۇلعا بولادى.
33. تۇراقتى اۋە تاسىمالدارىن ورىندايتىن اۆياكومپانيالاردىڭ اۆياتسيالىق قاۋىپسىزدىك قىزمەتىنىڭ باسشىسى, سونداي-اق تۇراقتى ەمەس تاسىمالداردى جانە اۆياتسيالىق جۇمىستاردى ورىندايتىن پايدالانۋشىنىڭ اۆياتسيالىق قاۋىپسىزدىك جونىندەگى جاۋاپتى تۇلعاسى ۇلتتىق قاۋىپسىزدىك ورگانىمەن كەلىسىم بويىنشا تاعايىندالاتىن, اۆياكومپانيانىڭ ءبىرىنشى باسشىسىنا تىكەلەي باعىنىستى قازاقستان رەسپۋبليكاسىنىڭ ازاماتى عانا بولا الادى.
34. پايدالانۋشى ازاماتتىق اۆياتسيا قىزمەتىن رەتتەيتىن نورماتيۆتىك قۇقىقتىق اكتىلەردىڭ تالاپتارىنا سايكەس اۆياتسيالىق قاۋىپسىزدىك جونىندەگى اۆياتسيا پەرسونالىن دايارلاۋدى ۇيىمداستىرادى.
13. اۋە كەمەلەرىن جالداۋ (ليزينگ)
35. اۋە كەمەسىن جالداۋ كەزىندە پايدالانۋشى (جالعا الۋشى) ۇشۋدى جۇرگىزۋ جونىندەگى نۇسقاۋعا جانە پايدالانۋشىنىڭ تەحنيكالىق قىزمەت كورسەتۋدى رەتتەۋ جونىندەگى نۇسقاۋعا جالعا الىنعان اۋە كەمەسىن پايدالانۋ مەن تەحنيكالىق قىزمەت كورسەتۋ ەرەكشەلىكتەرىنە جانە جالعا بەرۋشى مەن جالعا الۋشىنىڭ ءوزارا ءىس-قيمىلىنا قاتىستى ءتيىستى وزگەرىستەر مەن تولىقتىرۋلار ەنگىزەدى.
36. جالعا الىنعان اۋە كەمەلەرى (سونىڭ ىشىندە شەتەلدە جالعا الىنعان) ولاردى بەلگىلەنگەن تارتىپپەن پايدالانۋشى سەرتيفيكاتىن پايدالانۋ جونىندەگى ارنايى ەرەجەگە, اۆياتسيالىق جۇمىستاردى ورىنداۋعا ارنالعان كۋالىككە, جالپى ماقساتتاعى اۆياتسيانىڭ ۇشۋىن ورىنداۋ قۇقىعىنا ارنالعان كۋالىككە ەنگىزگەننەن كەيىن عانا ۇشۋعا جىبەرىلەدى.
اۋە كەمەلەرىنىڭ پايدالانۋ جونىندەگى ارنايى ەرەجەگە ەنگىزىلۋ مەرزىمى جالداۋ (ليزينگ) تۋرالى كەلىسىمنىڭ قولدانىلۋ مەرزىمىنەن اسپايدى. جالداۋ (ليزينگ) تۋرالى كەلىسىمنىڭ قولدانىلۋىن ۇزارتقان كەزدە پايدالانۋ جونىندەگى ارنايى ەرەجە قايتا رەسىمدەلەدى جانە جالداۋدىڭ (ليزينگتىڭ) قولدانىلۋ مەرزىمىنە ۇزارتىلادى.
14. ەڭبەك قورعاۋ جانە ەكولوگيالىق قاۋىپسىزدىك
37. پايدالانۋشى قازاقستان رەسپۋبليكاسىنىڭ قاۋىپسىزدىك جانە ەڭبەكتى قورعاۋ سالاسىنداعى زاڭناماسىنا سايكەس پەرسونالدىڭ جۇمىس جاعدايىن قامتاماسىز ەتەدى, ەڭبەكتى قورعاۋ جونىندەگى قاجەتتى نورماتيۆتىك اكتىلەرى بولادى, ەڭبەكتى قورعاۋ جونىندەگى تالاپتاردى ساقتاۋ بويىنشا ۇيىمداستىرۋ جانە تەحنيكالىق ءىس-شارالاردى ازىرلەيدى جانە جۇزەگە اسىرادى.
38. پايدالانۋشى اۋە كەمەلەرىن پايدالانۋ جانە تەحنيكالىق قىزمەت كورسەتۋ كەزىندە قازاقستان رەسپۋبليكاسىنىڭ ەكولوگيالىق قاۋىپسىزدىك سالاسىنداعى زاڭناماسىنا سايكەس ەكولوگيالىق قاۋىپسىزدىك تالاپتارىن ساقتاۋدى قامتاماسىز ەتەدى.
ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتارعا قوسىمشا
نىسان
استار
ت.ا.ءا. _______________________________
پيلوت كۋالىگى № ________
اتقاراتىن قىزمەتى ___________________________
________________________________________________________________
(ۇيىم اتاۋى)
جۇمىسقا قابىلداۋ تۋرالى بۇيرىق
___________________________
(№, كۇنى)
__________باستاپ _________________كەزەڭگە جارامدى
مو
اۆياكومپانيا باسشىسى ___________ ______________
(قولى) (ت.ا.ءا.)