استاناداعى مەملەكەتتىك قىزمەت سالاسىنداعى وڭىرلىك حاب ۇيىمداستىرعان تانىستىرۋ ساپارى اياسىندا قر باس پروكۋراتۋراسى مەن قر قۇقىق قورعاۋ ورگاندارى اكادەمياسى وكىلدەرى اقش ادىلەت دەپارتامەنتى, پەرسونالدى باسقارۋ كەڭسەسى, فەدەرالدى تەرگەۋ بيۋروسى (FBI) وكىلدەرىمەن كەزدەستى.
اقش ادىلەت دەپارتامەنتىندە تاراپتار كادرلاردى ىرىكتەۋ مەن ىلگەرىلەتۋ, وقىتۋ مەن دايارلاۋ ۇدەرىسى بارىسى تۋرالى پىكىر الماستى. اقش پەرسونالدى باسقارۋ كەڭسەسى وكىلدەرىمەن كەزدەسۋدە قىزمەتكەرلەردىڭ بىلىكتىلىگى مەن جۇمىس ونىمدىلىگىن ارتتىرۋ جولدارى, ولاردىڭ تيىمدىلىگىن باعالاۋ ماسەلەلەرى مەن زەينەتكەرلىك جۇيەسى قارالدى.
قازاقستاندىق دەلەگاتسيا FBI اكادەمياسىندا قىزمەتكەرلەردى وقىتۋ مەن دايارلاۋ جۇيەسىمەن تانىستى. فەدەرالدى تەرگەۋ بيۋروسى شتاب-پاتەرىندە قىزمەتكەرلەردىڭ كاسىبي بىلىكتىلىك مودەلى مەن ادام رەسۋرستارىن باسقارۋدى دامىتۋ اسپەكتىلەرى تالقىلاندى.