باس پروكۋروتۋرادا قىلمىستىق ىستەردى ەلەكتروندى تۇردە قارايتىن "زاڭدىلىق" اتتى جۇيەنى ەنگىزۋگە قاتىستى جيىن ءوتتى, دەپ حابارلايدى kapital.kz.
"زاڭدىلىق - ەلەكتروندى قىلمىستىق ءىس" اتتى اقپاراتتىق جۇيە قىلمىستىق پروتسەستەردى قىسقارتۋ مەن ساپاسىن ارتتىرۋعا جانە تەرگەۋشى, پروكۋرور مەن سۋديالاردىڭ قاتەلىكتەرىن ازايتۋعا باعىتتالعان. جۇيە "سوتقا دەيىنگى تەرگەۋدىڭ بىرىڭعاي رەەسترىنە" ەنگىزىلۋى مۇمكىن.
«قازىرگى تاڭدا قىلمىستى تەرگەۋ بويىنشا سوتقا دەيىنگى ءوندىرىس جۇمىستارى وتە كۇردەلى جانە كوپ. بۇل ادام رەسۋرسى, قارجى مەن ۋاقىتتى شىعىندايدى. سونىمەن قاتار, ءىستىڭ قاعازبەن جۇرگىزىلۋى كەي مالىمەتتەرگە قولجەتىمدىلىككە كەدەرگىسىن كەلتىرىپ, اتقارىلاتىن جۇمىستىڭ ساپاسىنا كەرى اسەر ەتەدى", - دەيدى باس پروكۋروتۋرانىڭ قۇقىقتىق ستاتيستيكا جانە ارنايى ەسەپتەر كوميتەتىنىڭ توراعاسى باعدات مۋسين.
"زاڭدىلىق - ەلەكتروندى قىلمىستىق ءىس" اتتى اقپاراتتىق جۇيەسى مالىمەتتى تولىعىمەن ساندىق جۇيەگە كوشىرەدى. بۇل قاۋىپسىزدىك تۇرعىسىنان دا پايدالى. سونىمەن قاتار, قىلمىستىق ءىستى قۇرۋ, تەرگەۋدەن باستاپ سوت ۇكىمى شىققانعا دەيىنگى ارالىقتاعى جۇمىستار بىرىڭعاي بازادا اشىق جۇرگىزىلەدى.