«ەندى اقش, ماكەدونيا مەن تۇركيا ەلدەرى شاقىرىپ وتىر. وبلىس باسشىلىعىنىڭ قولداۋىمەن باسقا وڭىرلەرگە دە ونەر ساپارىن ۇيىمداستىرامىز», - دەيدى تەاتر ديرەكتورى بەرىك جامەنوۆ.
اتىراۋلىق اكتەرلار قاۋىمى بيىلعى ءتول مەرەكەلەرىن ۇلكەن تابىسپەن قارسى الدى. تەاتر عيماراتىنان كىشى زال اشىلدى. وندا قويىلىمدارعا دايىندىق جۇمىستارىنان بولەك ءتۇرلى مادەني شارالار وتكىزۋگە مۇمكىندىك بار. تەاتر قىزمەتكەرلەرىنىڭ كۇنىنە ارنالعان سالتاناتتى جيىندا داستان پىشانوۆ «جىل اكتەرى», ايناگۇل مۇحتاروۆا «جىل اكتريساسى», گۇلناز قامىسباەۆا «جىل رەجيسسەرى» اتاندى. وبلىس اكىمىنىڭ العىس حاتىنا «قر مادەنيەت قايراتكەرى», اكتەر ءسابيت قوجابەكوۆ, تەاتردىڭ باس سۋرەتشىسى تەمىربەك مۇحتاروۆ جانە اكتريسا گاۋحار قابيەۆا يە بولدى. تەاتر تارلانى قۋات تولەكوۆ اتىنداعى ارنايى سىيلىق اسىلبەك بادەلگە, الما احمەتوۆا مەن تولەگەن قۋانىشەۆ اتىنداعى ارنايى سىيلىقتار ماعريپا شانەنوۆا مەن ءامىرجان نۇرلانعا تابىستالدى.
باقىتگۇل باباش, «ەگەمەن قازاقستان».
اتىراۋ