قىتايلىق تۋريستەر استانادا وتەتىن ەكسپو حالىقارالىق كورمەسى كەزىندە قازاقستانعا كەلۋگە پسيحولوگيالىق جاعىنان ءازىر. بۇل تۋرالى قحر قازاقستانداعى توتەنشە جانە وكىلەتتى ەلشىسى چجان حانحۋەي قازاقستاندىق باق وكىلدەرىمەن كەزدەسۋىندە ايتتى.
– ەكسپو كەزىندە قازاقستانعا كەلەتىن قىتايلىق تۋريستەردىڭ سانى تۋرالى ناقتى ەشتەڭە ايتا المايمىن. دەگەنمەن, قازىر تۋريستىك وپەراتورلار وسى ىسكە جۇمىلىپ جاتىر. قىتايلىق تۋريستەر قازاقستانعا ساياحاتتاۋعا پسيحولوگيالىق جاعىنان دايىن. بۇرىن ولار قازاقستاننىڭ تابيعاتى, ساياحاتتايتىن كورىكتى جەرلەرى, تاريحي ورىندارى تۋرالى ونشا بىلە قويمايتىن. قازىر ءبىرشاما حاباردار,– دەدى چجان حانحۋەي.
قىتاي ەلشىسىنىڭ ايتۋىنشا, ەكسپو كورمەسىنە قىتاي دەلەگاتسياسى ايتارلىقتاي ۇلكەن توپ بولىپ كەلەدى.
ارنۇر اسقار, "ەگەمەن قازاقستان"