Facebook الەۋمەتتىك جەلىسىنىڭ Messenger-ىندە ءبىر تاۋلىكتەن كەيىن پوستتاردى وزدىگىنەن وشىرەتىن فۋنكتسيا ىسكە قوسىلدى. مۇنداي اقپارات كومپانيانىڭ رەسمي بلوگىندا جاريالاندى, دەپ جازادى baq.kz.
اتالعان قىزمەتكە Messenger Day دەگەن اتاۋ بەرىلىپتى. ەندى قولدانۋشى سۋرەتكە ءتۇسىپ نەمەسە ۆيدەوروليك جاساپ, سۋرەتكە ءتۇرلى ستيكەرلەر, ەمودزيلەر مەن ەففەكتىلەردى قوسىپ جاريالاي الادى.
جازبا جاريالاعاننان كەيىن جەلى قولدانۋشىلارى فوتو نەمەسە ۆيدەونى 24 ساعاتتىڭ ىشىندە كورىپ ۇلگەرۋى ءتيىس. فۋنكتسيا قازىردىڭ وزىندە بارلىق iOS جانە Android قولدانۋشىلارى ءۇشىن قولجەتىمدى.
ايتا كەتەيىك, Facebook Snapchat-تىڭ بۇل يدەياسىن پايدالانعان العاشقى الەۋمەتتىك جەلى ەمەس. جازبانى وزدىگىنەن جوياتىن قىزمەت Instagram مەن «ۆكونتاكتە» جەلىسىندە بۇعان دەيىن ىسكە قوسىلعان ەكەن.