جارمەڭكەلەر قايتا جانداندى

ەندى وبلىس ورتالىعى وسكەمەن مەن سەمەيدە ءار اپتانىڭ سەنبىسىندە جارمەڭكە ۇيىمداستىرىلىپ, ايماقتىڭ اۋداندارىنداعى شارۋا قوجالىقتارى ەت, ءسۇت ونىمدەرىن قىزىلسىراپ جۇرگەن قالالىقتارعا ارزان باعادا ساۋدالايتىن بولادى. قىزىلسىراپ دەپ بەكەرگە ايتىپ وتىرعان جوق­­پىز, قالانىڭ بازار­لا­رىنداعى ەتتىڭ باعاسى ۋ­داي بولعاندىقتان, شا­ھار تۇرعىندارى قۇنى قال­تا­سىنا قولايلى ءارى قىر­دان جەتكىزىلگەن تازا ءونىم­دى پىشاق ۇستىنەن تالاپ اكە­تە­تى­نىن كورىپ ءجۇرمىز. «ەڭ باستىسى, بۇل جەر­دەگى ونىمدەردىڭ بازار­داعىدان 15-20 پايىزعا ارزان بولاتىندىعىن, ءجار­­مەڭ­كەنىڭ اپتا سايىن وتەتىنىن ەل ءبىلۋى كەرەك. بۇل جارمەڭكە ءدال ۋاقىتىندا ءارى جوعارى دەڭگەيدە ۇي­ىم­­­­داستىرىلىپ وتىر ج­ا­نە اۋىلشارۋاشىلىق ءونى­م­- دەرىنە باعانىڭ وسۋىنە ايتارلىقتاي توسقاۋىل بولادى دەپ سانايمىن», دەگەن ەدى وبلىس اكىمى دانيال احمەتوۆ ۇلان اۋدانىنىڭ جارمەڭكەسىن ارالاعان كەزدە. جاقىندا تارباعاتاي اۋدانىنىڭ شارۋالارى ءوس­كەمەندىكتەرگە ءوز ءونى­م­دەرىن ۇسىندى. ءجار­مەڭ­كەدە سيىر ەتى – 1200, جىلقى ەتى – 1300, قوي ەتى – 1100 تەڭگەدەن ساۋدالاندى. جارمەڭكەگە اۋدانداعى بارلىق شارۋا قوجالىقتارى جۇمىلدىرىلدى. بارلىق اۋىلدىق وكرۋگتەردەن 6 توننا ءىرى قارا, 2 توننا جىلقى جانە 4 تونناعا جۋىق قوي ەتى مەن وزگە دە ونىمدەردى اكەلدىك. باعا قولجەتىمدى, حالىق ريزا­شىلىعىن ءبىلدىرىپ جاتىر, دەيدى تارباعاتاي اۋدانى اكىمىنىڭ ورىنباسارى قايرات ماۋادينوۆ. قالا تۇرعىندارى بۇل كۇنى ەت, ءسۇت ونىمدەرىن ساتىپ الىپ قانا قويعان جوق, جارمەڭكەنىڭ جا­نىن­داعى ساحنادان اۋدان ونەرپازدارىنىڭ كون­تسەرتتىك باعدارلاماسىن تاماشالاپ, ارنايى ءازىر­لەن­گەن داستارقاننان, اق­سۋات­تىق ماناپ اپانىڭ بۋى بۇر­قىراعان ناۋرىز كوجە­سى­­نەن ءدام تاتتى. بۇرىن تار­باعاتايدا ەڭبەك ەتكەن, ءبۇ­گىندە قالادا تۇراتىن قاريالار دا جارمەڭكەگە كەلىپ, جەرلەستەرىن كورىپ قاۋ­قىلداسىپ, ارقا-جارقا بولىپ جاتتى. – جۋاننىڭ جىڭىشكەرىپ, جىڭىشكەنىڭ ۇزىلەر شاعىندا جارمەڭكەنىڭ قايتادان ۇيىم­داستىرىلىپ جاتقانى جاق­سى بولدى. بۇل ەڭ اۋەلى قاراپايىم حالىققا قاجەت ءدۇ­نيە. بازارعا بارساڭ, اتاڭ­نىڭ قۇنىن سۇرايدى. ءبۇ­گىن, مىنە, قاپشىعىمدى بار­قىتبەلدىڭ باۋرايىنان اكەلىنگەن مال ەتىنە قايىس­تىرا تولتىرىپ قاي­تىپ بارامىن, دەيدى قالا تۇرعىنى, زەينەتكەر ءالىم­حان ابدىحالىقوۆ. ازامات قاسىم, «ەگەمەن قازاقستان» وسكەمەن سۋرەتتى تۇسىرگەن عىلىمبەك ءسابيتوۆ