الماتىدا Start-Up اكادەمياسى اشىلدى

الماتىدا ەۋرازيا تەحنولوگيالىق ۋنيۆەرسيتەتىنىڭ جانىنان «Start-Up اكادەمياسى» اشىلدى. بۇعان دەيىن مۇنداي ءبىلىم وشاقتارى پاۆلودار, اتىراۋ مەن استانادا دا اشىلعان ەدى. «ەۋرازيا تەحنولوگيالىق ۋني­ۆەرسيتەتىنىڭ جانىنان قۇرىلعان «Catapult» اتتى Start-Up اكادەميا قۇرۋ كا­سىپكەرلەردىڭ جاڭا لەگىن جاساقتاۋدا جانە وتاندىق جاڭا جوبالاردى دامىتۋعا جاسالعان جاڭا قادام. اكا­دەميا اقش ۇكىمەتى ءۇشىن دايار­لانعان كوممەرتسيالاندىرۋ باعدارلاماسىنىڭ اۆتورى توماس سەلۋچچيدىڭ ادىستەمەسى بويىنشا جاڭا ستارتاپتاردى ىزدەپ, تاڭداپ, دامى­تۋمەن ماقساتتى ءتۇر­دە اينالىساتىن بولادى. Start-Up اكادەميا الماتى قالا­سىندا smart-تەحنولوگيالار مەن يننوۆا­تسيالاردىڭ دۇنيەگە كەلۋىنە جانە كاسىپكەرلىك ورتا قا­لىپ­تاسۋىنا ءوز ۇلەسىن قو­سا­تىن بولادى», – دەيدى ەۋرا­زيا تەحنولو­گيالىق ۋنيۆەر­سيتەتىنىڭ رەكتورى نۇرجا­مال دۇيسەنقۇلوۆا. جالپى, استانا, پاۆلودار, اتىراۋ قالالارىنداعى Start-Up اكادەميالاردا 2016 جىل­دىڭ قىركۇيەگى مەن جەلتوقسان ارالى­عىندا 102 ادام وقىپ, 17 جوباعا بيزنەس-يدەيا تابۋدان باستاپ جۇزەگە اسىرىلۋىنا دەيىنگى سۇيەمەلدەۋ جاسالعان. ولاردىڭ ىشىندە 4 جوبا ينۆەس­تيتسيالاندى. ايناش ەسالي, «ەگەمەن قازاقستان» الماتى