مەملەكەت باسشىسى نۇرسۇلتان نازارباەۆ سەربيا رەسپۋبليكاسىنىڭ پرەزيدەنتى توميسلاۆ نيكوليچپەن تەلەفون ارقىلى سويلەستى, دەپ حابارلايدى اقوردانىڭ رەسمي سايتى.
اڭگىمەلەسۋ بارىسىندا تاراپتار ەكىجاقتى ءوزارا ءىس-قيمىلدىڭ وزەكتى ماسەلەلەرىن تالقىلادى.
مەملەكەتتەر كوشباسشىلارى قازاقستان پرەزيدەنتىنىڭ بەلگرادقا 2016 جىلعى 23-25 تامىزداعى رەسمي ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىنا كوڭىلدەرى تولاتىنىن ايتتى.
ت.نيكوليچ نۇرسۇلتان نازارباەۆتىڭ باسشىلىعىمەن قازاقستاندا ساياسي جانە ەكونوميكالىق جاڭعىرتۋ باعىتىندا جۇزەگە اسىرىلىپ جاتقان رەفورمالارعا جوعارى باعا بەردى.
ەكى ەل پرەزيدەنتتەرى قازاقستان مەن سەربيانىڭ دوستىق قارىم-قاتىناسىن ودان ءارى نىعايتۋعا ءازىر ەكەندىكتەرىن ءبىلدىردى.
تەلەفون ارقىلى سويلەسۋگە سەربيا جاعى باستاماشى بولدى.