سينگاپۋر بيلىگى تەمەكى شەگۋگە رۇقسات بەرىلەتىن ەڭ تومەنگى جاستى 18-دەن 21-گە ارتتىرۋدى جوسپارلاپ وتىر. مۇنداي ۇسىنىستى پارلامەنت قاراۋىنا دەنساۋلىق ساقتاۋ ىستەرى جونىندەگى مينيستر ەمي كحور ۇسىندى.
«وسى جاسقا كەلمەگەن ازامتتارعا تەمەكى ونىمدەرىن ساتۋعا تىيىم سالىنادى, سونداي-اق, بۇل زاتتاردى ساقتاعانى ءۇشىن دە جاۋاپكەرشىلىككە تارتۋ ماسەلەسىن قاراستىرىپ وتىرمىز», – دەدى مينيستر. ونىڭ ايتۋىنشا, بۇل ۇسىنىس الداعى بىرنەشە جىلدىڭ كولەمىندە جۇزەگە اسۋى ءتيىس.
ەل بيلىگى وتكەن جىلى 400-دەن استام ورىنداردا تەمەكى شەگۋگە تىيىم سالعان. سونداي-اق, ورتاشا ەسەپپەن العاندا ايىپپۇل كولەمى 1,7 مىڭ سينگاپۋرلىك دوللاردى (380 مىڭ تەڭگە) قۇرايدى.
سينگاپۋردىڭ دەنساۋلىق ساقتاۋ ىستەرى جونىندەگى مينيسترلىگىنىڭ 2010 جىلعى مالىمەتتەرىنە سايكەس, 18-69 جاس ارالىعىنداعى ازاماتتاردىڭ جالپى سانىنان تەمەكى شەگەتىندەر ۇلەسى 14,3 پايىزدى قۇرايدى.